Былтыр «Әзірет Сұлтан» қорық-музейіне 2 млн-ға жуық адам келген

Түркістандағы «Әзірет Сұлтан» мемлекеттік тарихи-мәдени қорық-музейіне өткен жылы 1 090 755 адам келіпті. Оның 18 345-і шетелдіктер. Жалпы киелі қалаға келген қонақтардың басым бөлігі Үкаша ата, Жүсіп ата, Гауһар ана кесенелеріне және Сауран қалашығына атбасын бұрады екен.

Егемен Қазақстан
07.02.2018 1621

Елімізге келген қонақтар ұлт­тық ерекшелігіміз бен мәде­ни­­етімізді көргісі келетіні анық. Шетелдіктердің барар елі жөнінде алдын ала жан-жақ­ты мағлұматтар жинақтап, са­па­рын жоспарлайтыны және мә­лім. Бұл орайда, Әзірет Сұл­тан кәсіпорнының интер­нет жүйесіндегі сайтында ти­іс­ті ма­териалдар үш тілде ор­на­лас­тырылған. Сонымен қат­ар мәдени ескерткіштерге бай­­ланысты үш тілде кітап­ша­лар шығару, туристік агент­тіктермен бірлесіп жұ­мыс істеу күн тәртібінде тұр. Сау­ран қалашығын да турис­тік ай­на­лымға қосу үшін келу­ші­лерге қызмет көрсететін орта­лық ашылмақ. Ол орталық қа­зақ­тың этноауыл стилінде құ­ры­лып, музей мамандары, гидтер оты­ратын, қазақтың қолөнер бұйы­мдарын, ұлттық тағам­да­рын көрсететін киіз үйлер тұрғызылмақ.

– Елбасы «Бо­лашаққа бағдар: рухани жаң­ғыру» атты мақаласында жер­гі­лікті нысандар мен елді мекен­дерге бағытталған «Туған жер» бағдарламасынан бөлек, халықтың санасына одан да маңыздырақ – жалпыұлттық қасиетті орындар ұғымын сіңі­ру қажеттігін айтты. Сон­дай-ақ бағдарламалық ма­қа­лада айтылғандай, Ұлытау төріндегі жәдігерлер кеше­нін, Қожа Ахмет Ясауи мав­зо­лейін, Тараздың ежелгі ескер­ткіш­терін, Бекет ата кесенесін, Алтайдағы көне қорымдар мен Же­тісудың киелі мекендерін және басқа да жерлерді өзара сабақтастыра отырып, ұлт жадында біртұтас кешен ретінде орнықтыру маңызды. Бұл орайда, бүгінгі таңда «Қазақстанның киелі жерлерінің географиясы» жобасы жүзеге асырылуда. Аталмыш жоба бойынша «Қа­сиетті Қазақстан» орта­лы­ғы 100 киелі жердің рес­пуб­­ликалық тізімін жасады. Тізімге «Әзірет Сұлтан» мем­лекеттік тарихи-мәдени қо­рық-музейінің бірқатар ны­сандары енді. Олардың ішін­де Қожа Ахмет Ясауи, Ра­бия Сұлтан бегім, Есім хан кесенелері, Қылует жерасты мешіті, Күлтөбе, Жылаған ата, Үкаша ата мазары мен құдығы, Гауһар ана кесенесі, Сауран қа­ла­шықтары бар. Сондай-ақ осы тізімге Қожа Ахмет Ясауидің анасы Қарашаш ана мен әкесі Ибраһим атаның маз­ар­лары да енгенін айтқым келеді. Ендігі басты міндет – киелі жерлерімізді кеңінен насихаттап, туристерді тарту.

Биыл «Қазақстанның киелі жер­лерінің географиясы» жобасы аясында Елбасы өз еңбе­гінде атап көрсеткен киелі ме­кендерді және басқа да жер­лерді өзара сабақтастыра отырып, көшпелі көрме, экс­пед­иция ұйымдастыруды көз­деп отырмыз. Сонымен қатар, «Жа­һан­дағы заманауи қазақ­стан­дық мәдениет» жобасын іске асыру мақсатында Өзбекстан, Франция елдерінде көрме ұйымдастыру жоспарда бар. Түркия мемлекетіндегі Қожа Ахмет Ясауи атындағы қорлар, ғылыми мекемелермен байланыс орнатуды алға қойып отырмыз», дейді «Әзірет Сұлтан» мемлекеттік тарихи-мәдени қорық-музейдің директоры Нұрболат Ахметжанов. 

Иә, қазақ халқының ғасыр­дан ғасыр асырған құнды ескер­ткіштері мен тарихи мұра­ғат­тары – тек еліміздің ғана емес, әлем мәдениетіне үлес қосу­шы жәдігерлер. Мысалы, Қожа Ахмет Ясауи кесенесі мен Тамғалы петроглифтері ЮНЕСКО-ның Бүкіләлемдік мәдени мұра тізіміне енгізілген. Бұл олардың Орталық Азия аймағы үшін ғана емес, бүкіл әлем қоғамдастығы үшін маңы­зы зор мәдени-тарихи ны­сан екен­дігінің бірден-бір айға­ғы.

«Болашаққа бағдар: рухани жаңғыру» бағдарламалық ма­қа­ласында Мемлекет басшысы «мәдени маңыздылығы тұр­ғысынан біздің Түркістан немесе Алтай – ұлттық немесе құрлықтық қана емес, жа­һан­дық ауқымдағы құнды­лық­тар» екенін атап өтті. Сон­дай-ақ мақалада мәдени қазы­наларымызды әлем жұр­тшы­лығына таныстырудың мүл­­дем жаңа тәсілдерін ой­лас­тыру қажеттігі, мәдени өнім­деріміз тек кітап түрінде емес, әртүрлі мультимедиалық тәсілдермен де шыққаны абзал екені айтылды. Осы орайда, «Әзірет Сұлтан» мемлекеттік тарихи-мәдени қорық музейі аумағында орналасқан бар­лық ескерткіштерге орна­тыл­ған штрих-кодтар арқылы келу­ші ту­ристер қажетті мағлұ­мат­тар­ды қазақ, орыс және ағыл­шын тілдерінде ала алатынын айта кетелік. Сонымен қатар барлық ескерткіштер бойынша 3D-тур виртуалды жобасы іске қосылған. Яғни қай елдің азаматы болсын қорық-музей сайтынан әлемнің төрт бұ­ры­шынан 3D-тур арқылы ескерткіштер туралы толықтай ақ­парат алуға, ішін аралап көруге мүмкіндігі бар.

Қожа Ахмет Ясауи қорық-музейінде жерленген хандар, сұлтандар, батырлар және билер тізімінің элект­ронды форматы жасалған. Олар­дың қысқаша өмірбаяны, тарихтағы алған орны, басқа да тиісті ақпарат енгізілген. Бұдан бөлек, тарихи-мәдени қорық музейінің офистік ғи­ма­ратының қабырғасына жә­не билет сататын касса ғи­маратына орнатылған «жү­гір­тпе жол» арқылы жұмыс іс­теу кестесі, өткізілетін іс-ша­ра­­лар туралы ақпарат келу­шіле­р­ге ұсынылып отыр. Нұрболат Ахметжановтың а­й­туынша, бұл цифр­лы фор­маттағы қыз­мет көрс­ету түр­лері Ел­ба­сының бас­ты құжат­та­рын­да белгілен­ген мін­деттерді орындау мақса­тын­­да қолға алынып отырған игі шара.

Ғалымжан ЕЛШІБАЙ,
«Егемен Қазақстан» 

СОҢҒЫ ЖАҢАЛЫҚТАР

23.05.2018

Жаңа технологиялар өміріміздің ажырамас бөлігіне айналды - Дариға Назарбаева

23.05.2018

Ақтаудағы «Оңалту және әлеуметтендіру орталығына» жаңа ғимарат қажет

23.05.2018

Семей орманын тәулік бойы қадағалайтын жаңа жүйе орнатылмақ

23.05.2018

Курчатовта «Токамак ITER» құрылысын бастау үшін жаңа жобалар ашылмақ

23.05.2018

Веложарыстың жеңімпаздары «Вуэльта» көпкүндігіне барады

23.05.2018

Ертіс өзенінің жағасында көне күн обсерваториясы болған

23.05.2018

«Нұршашу» би ансамблі Еуропадан жүлдемен оралды

23.05.2018

Астанада дауыл ескертуі жарияланды

23.05.2018

«Хат қоржын»

23.05.2018

Астанада «Ұйғыр мұқамының сарыны» атты еске алу кеші өтті

23.05.2018

«Шолпан» хореографиялық ансамблінің құрылғанына 25 жыл

23.05.2018

Мақатаевтың поэзиясына жазылған әндер: «Мұқаң тірі болса, не айтар еді?»

23.05.2018

Жаңартылған білім жүйесінің артықшы­лы­ғы неде?

23.05.2018

Қостанайдың кей аудандарында түлектердің ҰБТ-ға қатысуы 50 пайыздан аспайды

23.05.2018

Марк Цукерберг Еуропарламент алдында есеп берді

23.05.2018

Есімі елдің есінде: Әбубәкір Әлиұлы

23.05.2018

Мектеп вальсі туралы ой

23.05.2018

Ахмет Бай­тұр­сынұлының балалық шағы өткен үйі қалпына келтіріледі

23.05.2018

Алматыда дәстүрлі «Фа­раби оқулары» өтті

23.05.2018

«Рухани қазына» фестивалінің үздіктері анықталды

ТАҒЫ ЖҮКТЕУ
КОЛУМНИСТЕР

Думан АНАШ, «Егемен Қазақстан»

Мектеп вальсі туралы ой

Соңғы қоңырау – мектеп бітіруші түлектердің жанын тербететін аяулы сәт. Алабұртқан сезім, алып-ұшқан арман, үміт пен күдік. Одан өзге? Мектеп вальсі. Иә, мектеп вальсі туралы әр жүрек түкпірінде жазылмаған бір-бір шығарма бар шығар. Бұл – мектеп қабырғасымен, дос-құрбылармен ғана қоштасу емес, іште бұғып жатқан мөлдір, алғашқы алақұйын сезімдермен де қоштасу.

Қорғанбек АМАНЖОЛ, «Егемен Қазақстан»

Қызғаныш деген қызыл ит

Заты адам баласымен бірге жасасып келе жатқан, көнермес те көгер­мес сезімдердің бірі – қызғаныш. Адам­ның көзіне шел қапта­та­тын қара қыз­ға­ныштардан кекшілдік пен күн­шілдік, бақас­тық пен бақталастық қоз­дап, неше түрлі қылмыстар жасалып жата­ты­ны да ешкімге құпия емес. 

Талғат СҮЙІНБАЙ, «Егемен Қазақстан»

Алматының алмасы. Шырын қайда?..

Алматы жұрты күнде жауған жауын­мен, түнде ұрған суықпен жағаласып жүріп Алатаудың бөктеріндегі биылғы алма бақ гүл шашқан көркем шақтан көз жазып қалған сыңайлы. Содан ба екен, біреу «Биыл алма гүлдеді ме?» десе, біреу «Биыл өзі алма бола ма?» дейді қамығып. 

Қарашаш ТОҚСАНБАЙ, «Егемен Қазақстан»

Рух көтерудің жолы

Кейінгі өскелең жас ұрпақты патриот­тық рухта қалай тәрбиелейміз, ертеңгі ел қорғар өрендеріміздің бойына отаншылдық пен патриотизмді, елге, жерге деген сүйіс­пен­шілік сезімін  қалыптастырып, келешекте ержүрек, батыл болып өсулері үшін не істеуіміз керек деп,  жастардың ертеңгі тағдыры мен таңдауына жиі бас ауыртып, жанымыздың жабырқап жататыны рас.

Қамбар Ахмет,

Каспий мен Қара теңіздерді жалғау кімге тиімді?

Мамырдың екінші онкүндігінде ақпарат һәм саясат алаңында қызу тал­қыланған тақырыптың бірі – Қазақ­стан Президенті Нұрсұлтан Назарбаевтың Каспий мен Қара теңіздің арасын жал­ғайтын «Еуразия» каналын салу жөніндегі пікірі болды. 

Тағы да оқу

Пікірлер(1)

Даулет (08.02.2018 10:36:27)

2 млн-ға жуық деген көп емес па? 1 090 755 адам?

Пікір қосу