Бай болсаң, халқыңмен бол!

Жақында интернетті ақта­рып отырып, миында сәулесі бар адамды үлкен ойға жете­лей­тін мағыналы бір дүние­ге тап болдым. Онда будда, мұсылман, христиан, соның ішін­де католик діндерінің ара­сындағы айырмашылықтар жай­лы айтылған екен. 

Егемен Қазақстан
09.02.2018 443
2

Қысқаша ма­ғынасы төмендегідей: Будда діні мына дүниені азапқа балайды екен. Оның ілімі бойынша қызықтың бәрі ол дүниеде. Дегенмен, мына дү­­ниеде өмір сүріп, өз боры­шың­­нан құтылуың керек. Сон­да ана жаққа барғанда, Құдай­­дың шапағатына бөле­ніп жақсы жағдайға тап бола­сың. Осы қағида бойынша будда дініндегілер бұл дү­ние­ден кеткенде, онша қайғ­ыр­май, қи­­нал­май кететін көрінеді. Буддизмнің өмірді азап деп тү­сініп, адамды тағ­дыр­­ға кө­ну­ге тәрбиелейтін ерек­ше­лі­­гін қанаушылар мен бас­қын­­шылардың пайда­лан­ғаны Уикипедияда жақсы жазылған. Бабыр­­дың бүкіл Үндістанды жаулап алуының бір сыры осында бол­са керек.

Католик дініндегілер қы­зық­тың бәрі осы дүниеде деп есеп­тейді. «Сондықтан мына дү­ниеде қызықтың барлығын ар­мансыз көріп қалуың керек, тіпті қателескен, күнәлі болған жағдайдың өзінде шіркеуге барып, дін иесіне жасаған күнәңді айтып, одан арылуға болады» деп уағыздайды.

Католик дініндегілердің тарихи тұрғыдан байлыққа құ­­мар келетіні, капитал жи­ғыш­­тығы осыдан барып қа­лып­­т­ас­са керек. Біз тарихтан като­­лик дінінің, әсіресе оның протес­тант тармағының ХVІ-ХVІІ ғасырларда Батыста жаңа оян­ған буржуазиялық идео­логияға өзек ретінде қа­был­данғандығын білеміз. 

Ал мұсылман діні болса, бұл дүниені адамға берілген сынақ деп қабылдайды. «Бұл өмірде таза жүріп, ешкімге қия­натыңды тигізбей, Алланың бар екендігін ұмытпай, сыннан сүрінбей өтсең ғана, ана дү­ние­де жұмаққа барасың, әйтпесе тозақтың отына күйе­сің» дейді. Жалпы, бәріміз мұсыл­ман баласы болған соң, оның шарттарын азды-көп­ті білеміз ғой. Адам қайтыс болып, денесін жер қойнына берер алдында жаназасын шы­ғаратын молда жиналған жұрт­тан «Марқұмның кімде қан­дай қарызы бар?», «Жақсы адам ба еді?» деп сұраушы еді ғой. Сөйтсек, бұл сұрақтарда үлкен қағидаттық мән бар екен.

Діндер арасындағы бұл айырмашылықтар бізді үлкен ойға жетеледі. «Алланың өзі де рас, сөзі де рас, Рас сөз еш­уақытта жалған болмас» де­ген адамзаттың данышпаны Абай атамыз. Ендеше, Батыс­тың байлық жиғыштық, қана­ғат­сыздық, қызық қу­ғыш­тық қасиеттері бізге үл­гі бола алмаса керек. Бізге, мұ­сыл­ман баласына Алланың салып берген өз жолы бар. Бірақ онда сау­да жасама, бай­лық жинама, кәсіп қылма деп айтпайды. Тек осының бәрін адал жолмен жүргіз дейді.

Иә, бәріміз де жұмыр басты пендеміз. Пенде болған соң адамға қателесу тән. Бірақ қа­на­ғатсыздық, біреудің қақы­сын жеу, жетімді жылату кеші­ріл­мейтін күнәлар екені анық. Ал бізде жеке адамның емес, бүкіл халықтың қақысын жеп отыр­ған адамдар да аз емес қазір. Елімізді кернеп тұрған сы­бай­лас жемқорлық, капитал­ды оффшорлы аймақтарға қарай шығаруға тырысушылық фак­ті­ле­рінің жиірек тіркеле бастауы – соның бір айғағы. 

Әрине, жемқор да адам. Кешегі ауылдағы қара шаруа­ның немесе Кеңес Одағы кезін­де білім алып, көз ашқан қазақ интел­лигенциясы өкілі­нің баласы. Апас-қапас кезең­де қолайлы қызметте тұрды да, содан бай­лық жинады. Демек оның идеологиясы тү­сі­нікті. «Құдай берді, мен ал­дым» деп есептейді. Өзін Алла­ның бергенін пайдала­нып, ұрпағының, үрім-бұ­та­ғының болашағы үшін ең­бек етіп жүрген қамқор әке ре­тінде қабылдайды. Жиі ме­шіт­ке барады. Алланың ол байлықты сы­нақ ретінде бе­ріп отыр­ған­дығын еске ала бер­мей­ді.

Ендігі мақсат – бала-шаға­сын, үрім-бұтағын бұл өмірдің жұмағы, заңдары мығым, же­тіл­ген қоғам Еуропаға қарай жет­кізіп кету. Сол үшін жиған- тергенін сол жаққа қарай шығарып әкетудің жолдарын қарастырып жүр. Әкетіп те жатыр. Бірақ мұның арты қайырлы бола қояр ма екен. Болмайтын сек­ілді. Газеттің экономикалық шо­лушысы ретінде қазіргі әлем­де жүріп жатқан саяси-эко­но­микалық үдерістерді, ша­ма­мның келгенінше, жиі ба­қылап отырамын. Ол жақта біз­ден, ТМД елдерінен баратын капиталдың аяғына қақпан құрылуда. Әзірге қақпан ашық күйінде. Өйткені байлықтың топырлап баруын тосып отыр. Қақпанның жабылуының идео­логиясы қазірдің өзінде әзір. Ол жақтағылар бізден барған ка­питалдың бәрін арам байлық деп есептейді. Оның үстіне, Ба­тыс­тың өзінде әлеуметтік тұр­ғыдан алғанда үлкен саяси-эко­номикалық өзгерістер күті­луде. Қысқасын айтқанда, бай­лықты шетке шығарып, сіңі­ріп кетудің жолы тым бұлың­ғыр.

Ендеше, бай болсақ, хал­қы­мызбен болайық! Бізге Алла­ның сызып берген жолы осы. Ол шеңберден шығып кете алмаймыз.

Сұңғат ӘЛІПБАЙ,
«Егемен Қазақстан»

СОҢҒЫ ЖАҢАЛЫҚТАР

23.01.2019

Шекара бұзған азамат қаза тапты

23.01.2019

Елбасының Жастар жылының салтанатты ашылуында сөйлеген сөзі

23.01.2019

Мәулен Әшімбаев: Жастар жылында науқаншылдыққа жол бермеуіміз қажет

23.01.2019

Түркістанда «Орта Азия жастарының форумын» өткізу жоспарлануда

23.01.2019

«Жастар жылы» жамбылдық жастарға мол мүмкіндік береді

23.01.2019

Қаржы және бюджет комитетінің Заң жобаларын талқылау бойынша отырысы өтті

23.01.2019

Мәжіліс сот жүйесі мен судьялар мәртебесі туралы конституциялық түзетулерді мақұлдады

23.01.2019

Алматы облысында 1332 әйел онкологиялық есепте тұр

23.01.2019

Сенаторлар Жастар жылын қолдауға бағытталған жұмыстарға кірісті

23.01.2019

Еурокомиссия MasterCard-қа айыппұл салды

23.01.2019

Жылқының қозғалыс аллюры: Аяң түрлері

23.01.2019

Юлия Тимошенко Украина президенті сайлауына қатысатынын мәлімдеді

23.01.2019

Конькимен жүгіру: Классикалық көпсайыстан ел біріншілігі мәресіне жетті

23.01.2019

Қостанайда «Эндохирургия мектебі» өтті

23.01.2019

Ақ Жайықтың жастары жастар жылынан көп үміт күтеді

23.01.2019

Жамбыл облысы жұмыспен қамту бойынша екінші орында тұр

23.01.2019

«Murager production» фото-кино студиясы ашылды

23.01.2019

Иван Дычко 1 наурызда рингке шығады

23.01.2019

Республика бойынша «Қайырымдылық керуені» байқауына үміткерлер іріктеліп жатыр

23.01.2019

«Барыс» қонақта «Металлургті» ұтты

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу