Сенатор бұрынғы міндеттерді де ескеру қажет деп санайды

Жуырда сенатор Дулат құсдәулетов Премьер-Министр Бақытжан Сағынтаевтың атына депутаттық сауал жолдап, өзін толғандырған бірқатар мәселеге тоқталып, олардың шешімін табу кезек күттірмейтін іс екенін атап өтті. Ол жалқы дүниелерді емес, жалпы дүниелерді қамтитын болғандықтан күнделікті сауалдарға қарағанда ұзақтау жазылған. Біз төменде сенаторды ғана емес барша қазақстандықтарды толғандырып жүретін сол мәселелердің біразын жариялап отырмыз.  

Егемен Қазақстан
12.02.2018 3179
2

Президент Нұрсұлтан Назарбаевтың барлық Жолдау­ларын­да мемлекеттік саясат­тың бірінші кезектегі мәселесі – қазақ­­­стандықтардың барлық топ­­­­тарының әлеуметтік ахуалын жақсарту екендігін бәріміз жақсы білеміз. Еске түсірсек, Елбасы 1997 жылғы Жолдауының өзін­де мемлекеттің күнбе-күнгі жұмы­сы халықтың әл-қуатын арттыру және сыбайлас жемқорлыққа қарсы ымырасыз күрес екендігі ай­тылған. Содан бері Елбасы жыл сайын осы бағыттағы жұмыс­тар­ды кезең-кезеңмен арттыру керек­тігін айтып, Үкіметтің алдына нақты мін­деттер қойып келеді.

Өкінішке қарай атқарушы органдар жаңа міндеттерге қатысты көрсеткіштерге көбірек назар аударып, бұрынғы міндеттерді ұмытып, азаматтардың өзекті проблемаларын шешуді аяқсыз қалдырып жатады. Осындай келеңсіз практика жылдан жылға жалғасып, қоғам үшін аса маңызды реформаларды жартыкеш күйде қалдыруға соқтыруда. Осы­ның өзі халық арасында әлеуметтік күйзелістің тууына себеп болып, тұрғындардың билікке деген сенім­сіздігін күшейтіп және осы тен­денцияның артып келе жат­қанын жасыруға болмайды. Олар адамдардың өмір сүру ахуалына тікелей әсер ететін келесі салаларда айқын көрінеді.

Денсаулық сақтау. Осы ми­нистрлік алқасының 2013 жылы болған отырысында «алдымен пациент, артынан ақша» деген қағидат іске асуда екендігі айтылды. Өте тамаша қағидат, бірақ ол тек қағаз жүзінде қалған. Бізде алдымен сырқаттың ақшасын қағуға тырысушылық басым. Сырқат жандар сапалы стационарды таңдау құқына қол жеткізе алмайды. Ол ол ма, Республикалық диагностикалық орталықтағы кардиологтың немесе басқа да білікті маманның қабылдауына қол жеткізу үшін айлап күтуге тура келеді. «Порталға» ену үшін жергілікті маманның қоры­тын­дысы керек. Бұл проблема ай­мақтарда тіпті күрделеніп кет­кен. Осы процедураның өзі меди­­­циналық қызметкерлер ара­сында «бармақ басты, көз қыс­ты» әрекеттерге жол береді, ал білік­тілігі төмен дәрігерді жауапқа тартпақ болсаңыз, бірін-бірі қор­ғаған корпоративтік қарсылық жағ­дайында ол мүмкін емес.

Осының бәрі азаматтарымызды сол емхананың өзіндегі немесе соның қызметкерлері қосалқы түрде жұмыс істейтін жекеменшік клиникада ақылы түрде емделуге мәжбүр етеді...

Жуырда медицина қызметкер­лері тұрғындардың балаларға екпе жасаудан бас тартып жатқанын айтып дабыл көтерді. Алайда бұған алдымен өздері кінәлі екендігін жасырып қалды. Өздерінің сапасыз вакциналарды еккенінен және басқа да өз тараптарынан жіберілген қателіктерінен талай бүлдіршін көз жұмды емес пе? Сондықтан да халық екпеден қорқады. Өз жұмысына жауапсыз қарайтын дәрігерлер кейде науқастың ауру тарихын зерттемей, оған ішуге не егуге болмайтын дәрілерді жазып береді.

Дәрі-дәрмекпен тегін қамта­масыз етілуге тиістілер де оған қол жеткізе алмай жатады, мысалы қант диабетімен ауыратындар тегін дәріге қол жеткізе ал­мағандықтан бәрін өз ақшасына алады.

Мектепке дейінгі және мек­теп­тегі білім. Балабақшадағы орын­­дардың жетіспеушілігіне еті­міз үйренгені сондай, оған қарсы кү­ресуге болмайтындай көрі­неді. Мектеп оқулықтарының сапа­сыздығы, ондағы ақылға қонымсыз тапсырмалар, кітап-дәптерлер сал­мағының бүлдіршіннің еңсесін езетін ауырлығы, жасөспірім­дер арасында криминалдық идео­логияның таралуы немесе өзіне-өзі қол жұмсауға икемдейтін насихаттар және т.б. оқу-білім саласына жіті көзқарасты бақылау орнатуды қажет етеді. Балалар елдің болашағы, сондықтан олар­дың жақсы азамат етіп тәрбиелеу стра­тегиялық міндет. Сабақ уа­қыт­тарынан тыс болатын қо­сым­ша үйірмелер мен спорттық сек­циялардың бәрі ақылы, оларға балаларын жіберуге көптеген ата-аналардың қолы жете бермейді. Сондықтан ондай балалар қайда барарын білмей бос жүріп, ақыры криминалдық ортаға тап болып жатады.

2015 жылдан бастап бизнеске қосымша кедергі келтіреді деген сылтаумен мектептерден 100 метр­ге дейін қашықтықта болуға тиіс­ті арақ-шарап сататын дүкен­дерін қайтадан жақыннан ашуға рұқ­сат бердік. Осының салдары­нан арақ-шарап ішкендер мен шылымқорлар мектеп ау­ласына кіріп, спорттық алаң­дар­да отырып, ойнап жүрген бала­ларға жаман үлгі көрсететін болды.

Сенатор Д.Құсдәулетов бұлар­дан басқа еңбек қатынастарын­дағы, ТКШ жетілдірудегі, үлес­кер­лік құрылыстағы, сатып алушы­ның құқығын қорғау мәселе­сін­дегі, қауіп­сіздік саласындағы көпте­ген олқылықтарды атап өтіп, Премьер-Министрге осы тарап­­­тағы жұмыстарды жетілдіру қажет екендігін жеткізді. Сонымен бірге ол мемлекеттік қызмет көр­сету саласында да толып жат­қан олқылықтар бар екеніне назар аударады. Өткен жылдың қоры­тындысы бойынша Солтүстік Қазақстан облысы мемлекеттік қызмет көрсету саласы бойынша республикада бірінші орын алыпты. Бірақ Мемлекеттік қыз­мет істері жөніндегі агенттік бір жылда 1355 бұзушылықты анық­таған екен... Бірінші орын алған об­­лыстағы бұзушылықтар саны осын­дай болғанда басқа облыс­тарды мысалға да алуға болмайды ғой, дейді сенатор.

Жақсыбай САМРАТ,

«Егемен Қазақстан»

СОҢҒЫ ЖАҢАЛЫҚТАР

18.12.2018

Алматыда «Сиқырлы әуендер» киноконцерті өтті

18.12.2018

Ақтөбе облысында алпыс отбасы қоныс тойын тойлады

18.12.2018

Қарағандының 2018 жылғы аруы белгілі болды

18.12.2018

Қарағанды облысында спорт кешені пайдалануға берілді

18.12.2018

«Астана» велоклубының жаңа маусымдағы құрамы анықталды

18.12.2018

«Айка» фильмі «Оскар» жүлдесіне үмітті картиналар тізіміне енді

18.12.2018

Отырарда «Оқсыз» спорт кешені ашылды

18.12.2018

Үндістанда ауруханадағы өрттен 6 адам қаза тапты

18.12.2018

Бүгін Қазақстан аумағында ауа райы құбылмалы болады

17.12.2018

Алтын домбыра иесі анықталды

17.12.2018

Батыс Қазақстан облысында Тәуелсіздік құрбандарына ас берілді

17.12.2018

Чемпиондар Лигасының 1/8-ші финалының жеребе тарту рәсімі өтті

17.12.2018

Жамбыл өңірінде 28 нысан ашылды

17.12.2018

Атыраулықтар «Елбасы жолы» фильмін тамашалады

17.12.2018

Тәуелсіздік күні БҚО-да 37 бала дүниеге келді

17.12.2018

Гиннестің рекордтар кітабына енген Notre Dame de Paris мюзиклі қазақ тілінде қойылады 

17.12.2018

Татарстандағы қазақ студенттері Тәуелсіздік күнін атап өтті

17.12.2018

Солтүстік Қазақстанда допты хоккейден ел кубогы біріншілігі өтуде

17.12.2018

«Ырыс» Түркістан облысында 16 мыңнан астам жаңа жұмыс орнының ашылуына ықпал етті

17.12.2018

Солтүстік Қазақстанда 80-ге жуық  полицей марапатталды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Baılyq jasaýshy sala

Árbir adam óz úıiniń ishinde qandaı zattar bar ekendigin jáne onyń qaı jerde turǵandyǵyn, qaı shkaftyń ishinde qandaı zattyń jatqandyǵyn, jertólesinde qandaı azyq túrleriniń saqtalyp turǵandyǵyn jaqsy biledi. Sondyqtan eshnársesin shashaý qaldyrmaıdy. Qajetine qaraı paıdalanyp otyrady. Al ózimizdiń ortaq úıimiz – Qazaqstanda qandaı zattar bar ekendigin, ásirese, jerimizdiń astynda qandaı mıneraldyq shıkizat kózderiniń shoǵyrlanǵanyn jáne olardyń qory qandaı ekendigin bilemiz be?

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

ҰҚСАС ЖАҢАЛЫҚТАР

Тағы да оқу

Пікір қосу