Рухани бастауға апарар жол

Қазақтың ұлы ғалымы Шоқан Уәлиханов «Халықтың кемеліне келіп өркендеуі үшін ең алдымен, азаттық пен білім қажет» деп айтқан еді. Біздің ел – азаттық алған, тәуелсіздікке қол жеткізген, еркін ел. Елбасы Нұрсұлтан Назарбаев «Біз болашаққа көз тігіп, тәуелсіз елімізді «Мәңгілік Ел» етуді мұрат қылдық» деп, еліміздің болашақ бағдарын белгілеп берді. Сондай-ақ Мемлекет басшысы «Болашаққа бағдар: рухани жаңғыру» атты бағдарламалық мақаласында білімнің маңыздылығын былайша айқындап берді: «Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт. Себебі құндылықтар жүйесінде білімді бәрінен биік қоятын ұлт қана табысқа жетеді». 

Егемен Қазақстан
12.02.2018 5925
2

Баяғының қарттары енді ғана ес біліп келе жатқан неме­релерін алдына алып, өнегелі өсиеттерді ақылды аңыз, есті ертегі түрінде жастайынан ке­­лер ұрпақтың құлағына сіңіре береді екен. Сондай кемең­гер қариялардың бірі неме­ресіне өмір сырын былай деп айшықтап айтыпты:

– Әр адамның көкірегінде екі қасқырдың өзара тайталасына ұқсас тартыс жүріп жатады. Оның бірі күншілдік, қызғаныш, өзімшілдік, өтірік сияқты жаман қасиеттерді бейнелесе, екіншісі – сенім, шын­дық, мейірім, адалдық секілді жақсы қасиеттерді бейнелейді. Бұл екі қасқыр сәт сайын, қадам сайын айқасып, өмір бойы күресумен болады.

Сонда зерделі немересі ата­сының сөзін бөліп, былай деп сұрапты:

– Ал ең соңында қай қасқыр жеңеді?

Атасы сәл ойланып, неме­ресінің пайымдылығына сүй­сіне отырып, жауап беріпті:

– Сен қайсысын көбірек қо­рек­тендірсең, сонысы же­ңеді.

Иә, өмірде ақ пен қара, жақсы мен жаман, дұрыс пен бұрыс, оң мен терістің тартысы қатар жүреді. Алайда, осыдан адаспайтын, тура, ақиқат жолын табу үшін адамның ажырата білу деңгейі ашық болуы керек. Ол үшін адам «бәрін де жүрекке бағындыруы» тиіс. Ұлы Абай атамыз өзінің Он сегізінші қара сөзінде: «Тегінде, адам баласы адам ба­ласынан ақыл, ғылым, ар, мінез деген нәрселермен озбақ. Онан басқа нәрсеменен оздым ғой демектің бәрі де – ақымақтық» – деп айтқан. Ал, ендеше келешек ұрпаққа лайықты қасиеттерге ие болу үшін қандай білім қажет?! Ол – рухани-адамгершілік білімі. Мұны қазіргі таңда әлем мойындап, рухани даму жолын таңдап, соған бетбұрыс жасап отыр. Қазіргі өзгермелі ақпараттық әлемде білім беруді білімнің теориялық жиынтығы деп қарау мүмкін емес.

Ең маңызды құндылық және қоғамның басты капиталы адам болып тұрған жағ­дайда білім беру жүйесінің мақсаты мен жемісі адам ин­тел­лектісі мен тұлғасы бо­луы тиіс. Қазіргі уақытта заманауи технологияның ар­қасында ақ­параттарға қол жеткізу бір­шама жеңілдеді, үйде отырып-ақ интернетті пайдаланып, кез келген арнайы білімді алу­ға болады. Осыған сәйкес қазіргі білім беру қызметі адамды белгілі бір білім кө­ле­мімен «толтыру» емес, білім алушылардың заманауи ойлауы мен тұлғасын дамы­туды қалыптастыру болып отыр. Заманауи қоғамға адамгершілікті, іскер, ашық, кеңпейілді, жаңа білімді иге­руге, стандартты емес шешім­дерді өз бетінше қабылдауға бейім адам керек. Ең бастысы, өзінің өмірлік мұратын түсінетін адам болуы тиіс. За­ма­науи білім одан да зорғысын бере алуы керек, яғни адамды рухани-адамгершілік тұр­ғысынан дамыта алатын болуы қажет.

Рухани-адамгершілік бі­лім беру бағдарламасын елі­міздің білім беру жүйесіне ал­ғаш рет ұсынған еліміздің бірінші ханымы Сара Алпыс­қызы Назарбаева болатын. Осы рухани-адамгершілік бі­лім беру идеясы Сара Алпыс­қызының «Ғасырлар тоғы­сында біз кенеттен тәрбиенің басты мақсаты – баланы ком­пьютер басуға үйретіп, еп­теп ағылшынша сөйлету деп са­надық. Міне, сөйтіп жаңа формацияның адамы да даяр. Ал бұл «прогресс» ұр­пағы қайырымдылықты зұ­лымдықтан ажырата алмайтыны, жақын жандардың жан ауыртпашылығын тү­сініп, бөлісе алмайтыны біз­ді селт еткізбейді» деген алаң­даушылығынан туындаған еді.

«Өзін-өзі тану» рухани-адамгершілік білім беру бағдарламасының авторы Сара Алпысқызы адамгершілік, имандылық, тазалық, ізгілік та­қырыбында ой толғаған «Өмір әдебі» («Өмір әдебі», 2003 жыл) деп аталатын еңбегінде «Ғасырлар бойы әр елдің халықтары осы біз кімбіз, не үшін өмір сүріп, қайда кетеміз, өміріміздің мағынасы неде, басты адами бағдарларымыз қандай болуы тиіс?» деген сауалдар төңірегінде іздене отырып, «тіршіліктің осынау мәңгілік сұрақтарына жауап беру үшін жалпыадамзаттық құндылықтарды қайта жан­дандырып, өзіміздің бас­тапқы қайнар көзімізге оралу керектігіне бір сәт те кү­мәнданбайтынын» айтады. Сондай-ақ Сара Алпысқызы «Руханияттың кәусар бұлағына апаратын жолды іздеу – бүгінгі таңда өмір сүріп келе жатқан адамдардың әрқайсысының және баршамыздың басты міндетіміз» екенін көрсете келе, «Жаңа ғасырдың басында ересектер өміріне қадам басқан жас жеткіншектер бұрынғыдай емес, мүлде басқа өмірге бейім болуы керек. Білімді адам санатында аталуы үшін қазіргі жасөспірімге негізгі пәндерді жан-жақты игеру және жақсы талдау қабілетінің болуы аздық етеді. Ол өмірдің барлық шытырмандарын пайымдай білуі, кез келген тығырықтан парасатпен абыройлы шыға алуы тиіс» деп, өзін-өзі тануда, өмірді тануға жаңаша бағытта қарау керектігін меңзейді.

«Өзін-өзі тану» рухани-адамгершілік білім беру бағ­дарламасы «Өзін-өзі тану» пәнінің мазмұны арқылы балаларды биік адамгершілік рухта тәрбиелеуді мақсат тұ­тады. Адами ізгі қарым-қаты­настарға, яғни адам мен адам, адам мен қоғам, адам мен табиғат, адам мен әлем арасындағы қарым-қаты­настарға үйретуде «Өзін-өзі тану» пәнінің маңызы ерекше. Осы пән арқылы әрбір балаға өзін рухани болмыс, таби­ғаттың бір бөлшегі ре­тінде сезінуіне ықпал етіп, өз бойындағы тумысынан са­лынған жалпыадамзаттық құн­дылықтарды (ақиқат, сүйіс­пеншілік, дұрыс әрекет, ішкі тыныштық, қиянат жасамау) олардың көрінісі болып табылатын адамгершілік қасиеттері арқылы күнделікті өмірінде, түрлі жағдаяттарды қолдана алуға баулу жүзеге асырылады. Ол үшін әрбір бала өз ар-ұждан дауысына сай өмір сү­ретін, ойы, сөзі, ісі бірлікте болып, өзінің әлеуметтік рөлі мен өмірлік мұратының мәнін ұғатын, барлығына риясыз сүйіспеншілігін арнай алатын, қоғамға риясыз қызмет ететін тұлға болуға тиіс. Осы тұрғыдан келгенде «Өзін-өзі тану» рухани-адамгершілік білім беру бағдарламасының білім беру жүйесіндегі өзек­тілігі арта түседі.

Осындай күрделі де, жауапты міндетті «ізгі ақыл» мен «жылы жүректі» ұстаздардың балалармен сүйіспеншілік, өзара түсіністік, сыйластық, ынтымақтастық жағдайында ғасырлар бойы жинақталған адамзаттың рухани мұрасымен сусындатып, ұлттық құнды­лықтарын дәріптеуге, елін сүй­ген, адал азамат болуға тәр­биелеуі білім берудің шынайы мақсаты болып табылады.

Ақиқат, дұрыс әрекет, тыныштық, сүйіспеншілік, қия­нат жасамау сияқты жалпы­адамзаттық құндылықтарды жете түсінгісі келетін кез келген адам, осы құндылықтарды іс жүзінде қолданып, оларды адал ниетпен және ақ пейілмен таратса, сол адамды нағыз ке­мел адам деп атауға болады. Ендеше еліміздің бірінші ханымы Сара Алпысқызы Назарбаеваны «кемел адам» деп атаған орынды. Өйткені Сара Алпысқызы еліміздің білім беру жүйесіне алғаш рет рухани-адамгершілік білім беру идеясын ұсынған және осы уақытта «Өзін-өзі тану» рухани-адамгершілік білім беру бағдарламасының авторы ретінде оның жүзеге асырылуына үлкен қолдау көрсетіп, қажырлы еңбек сіңіріп, орасан зор еңбек етіп отыр.

Алтын жүректі анамыз Сара Алпысқызы – мейірімділік пен қайырымдылықтың жаршысы. Қамқор анамыздың еңбегіне ел риза болып, шапағатын көрген жұртшылық шын жүректен алғыстарын жаудырып, үнемі ыстық ықыластарын білдіріп жатады.

Сара Алпысқызының ұста­нымы – жас ұрпақты барша адамзат баласын сүюге, таза жү­ректі болуға, қайырлы іс жа­сауға шақыру. Осындай ізгі ті­лектің, игілікті істің үлгі­сін өзі көрсетіп келеді. Сара Ал­пысқызы өскелең ұрпақ­тың сүйіспеншілік, қайы­рым­дылық, жақсылық құн­дылық­тарын өмірлеріне арқау етіп, ба­қытты ұрпақ болып өсуі­не тілек­тестік білдіріп, зор үміт артады.

 

Рабиға ІЗҒҰТТЫНОВА,

«Бөбек» ҰҒПББСО, Адамның үйлесімді дамуы институтының жетекші ғылыми қызметкері,

педагогика ғылымдарының кандидаты

АЛМАТЫ

СОҢҒЫ ЖАҢАЛЫҚТАР

24.01.2019

«Жетісу» мемлекеттік қызмет мектебінде сабақ басталды

24.01.2019

Қызылордада кәсіпкерге артық салық салынған

24.01.2019

Евгений Егембердиевтің Грозныйдағы турнирдегі қарсыласы анықталды

24.01.2019

Білім гранты - жарқын болашақ кепілі

24.01.2019

Нью-Йорк Таймс: Тұйықсу мұздығы түгесіліп барады

24.01.2019

Абылайхан Қайроллаев: Жастар жылында іргелі міндеттер белгілеп отырмыз

24.01.2019

Бақыт Сұлтанов «Қамқор» әлеуметтік қызмет көрсету орталығында болды

24.01.2019

Надежда Ногайға «допинг қолданды» деген айып тағылды

24.01.2019

Дзюдодан еліміздің әйелдер құрамасы Токиода жаттығып жүр

24.01.2019

Арайлым ЕСІМБЕКҚЫЗЫ: Флеш-моб, форумдарды азайтып, нақты жұмыстарды қолға аламыз

24.01.2019

Швецияда допты хоккейден әлем чемпионаты басталады

24.01.2019

Алматы облысының полицейлері телефон «лаңкесін» анықтады

24.01.2019

Жастарды қолдау – болашақты бағамдау

24.01.2019

Маңғыстауда онкологиялық аурулар салдарынан көз жұмғандар саны азайған

24.01.2019

Атыраудағы мигранттар неге заңды менсінбейді?

24.01.2019

Боинг компаниясы алғашқы әуе таксиін таныстырды

24.01.2019

Маңғыстауда «Protecting Business and investments» жобасы аясында кәсіпкерлерден 29 өтініш түскен

24.01.2019

Алматы облысында Нұрғиса Тілендиев ауылында ІТ сынып ашылды

24.01.2019

Саран қаласында жаңа күн электр стансасы іске қосылды

24.01.2019

Қостанайда ауыр атлетикадан жасөспірімдер арасындағы чемпионат басталды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу