Мұғалім пайымы: Табысты болудың кілті – білімде

Елбасымыз өзінің «Болашаққа бағдар: рухани жаңғыру» бағдарламалық мақаласында табысты болудың басты факторы білім екеніне назар аударады. «Жастарымыз басымдық беретін межелердің қатарында білім әрдайым бірінші орында тұруы шарт. Себебі құндылықтар жүйесінде білімді бәрінен биік қоятын ұлт қана табысқа жетеді», деп атап өтеді Мемлекет басшысы.

Егемен Қазақстан
14.02.2018 1160

Еліміздің білім туралы заңнамаларына сәйкес, мұғалім мемлекеттік өлшем деңгейінен төмен болмайтын білім беруі тиіс. Ал жақсы нәтижеге жету үшін ұстаз оқытудың белгіленген технологиясын игеріп, оны сабақ барысында пайдалануы қажет. Осыған байланысты біздің мектебімізде оқушыларға білім берудің тиісті технологиялары жасалып, олар тәжірибеге енгізілуде. Мысалы, тарих пәнін алайық. 

Жалпы білім беретін мектептерде тарих пәнін оқытудағы негізгі мәселенің бірі – оқушылардың білімді өз бетінше игеруі. Бұл жерде мұғалімнің сабақ өткізудің үлгісін құрып, оны жетілдірудің жолдарын табуы ерекше рөл атқарады. Өз кезегінде ол оқушылардың белгілі бір тарихи оқиғаны немесе тарихи тұлғаны танып-білуге деген ынтасын, ойлау қабілеттерін арттырады. Сонымен қатар олардың танымдық белсенділігі мен ізденушілік қасиеттерін қалыптастыруға негіз қалайды. 

Біздің ауданда көнеден сыр шертетін тарихи орындар мен кезінде ерен еңбегінің арқасында көпшілікке үлгі болған ағаларымыз, ата-әжелеріміз баршылық. Соларды оқушылар назарына ұсынып, игі істерінен хабардар ету ұстаз-мұғалімдердің міндеті десек, қателесе қоймаспыз. Өйткені өз туған өлкеңнің тарихын білу кез келген азаматтың борышы деп білеміз. 

Аудан аумағында күллі әлемге белгілі Шарын шатқалы бар. Тарихы әріден басталатын осы ескерткішті көруге, оны тамашалауға арнайы келе­тін туристер қатары жыл өткен сайын көбейе түсуде. Оның тарихын біз­дің мектептің мұғалімдері мен оқушы­лары жақсы біледі. Себебі мектеп басшы­лығы оқушыларды Шарын шатқа­лына экскурсияға тұрақты апаруға барлық жағдайды жасап отырады. Оның үстіне мектеп оқушыларына Шарын шатқалымен қатар, өзге де жер атау­ларының тарихына қатысты қосымша сабақтар өткізіледі. Ондағы мақсат – шәкірттерге өз туған өлкесінің кешегі және бүгінгі тарихынан хабардар ету. 

Кезінде осы ауылда өмірге келіп, еліміздің өркендеуіне елеулі үлес қосқан ата-әжелеріміздің өмір жолын, еңбек жолын оқушылар назарына ұсыну тәжірибесі мектебіміздің оқу бағдарламасына енгізілген. Мысалы, биылғы оқу жылының бірінші жартысында соғыс және еңбек ардагері Заманбек Батталхановтың, сондай-ақ Халық қаһарманы Мөрдін Тайыповтың өмір жолына арналған іс-шаралар ұйымдастырылды. Осындай іс-шаралардың жасөспірімдерді адал­дыққа, еңбекқорлыққа, батылдыққа тәр­биелеуде орны ерекше бөлек екені даусыз. 

Елбасымыздың «Төртінші өнер­кә­сіптік революция жағдайындағы дамудың жаңа мүмкіндіктері» Жолдауындағы «Өзінің тарихын, тілін, мәдениетін білетін, сондай-ақ заманына лайық, шет тілдерін меңгерген, озық әрі жаһандық көзқарасы бар қазақстандық біздің қоғамымыздың идеалына айналуы тиіс» деген сөзі елі­міздегі білім беру мекемелерінде істейтін жандарды жігерлендіріп, алға қойған міндеттерді іске асыруға жұмылдырады деген сенімдеміз. Әрине олардың ішінде Үлкен дихан мектебінің ұжымы да бар. 

Гүлбақыт ИГІСИНОВА,
Үлкен дихан орта мектебі тарих пәнінің мұғалімі 
Алматы облысы,
Ұйғыр ауданы

СОҢҒЫ ЖАҢАЛЫҚТАР

21.08.2018

Азиада-2018: Су добынан Қазақстан қыздар командасы күміс алды

21.08.2018

Атырау облысының шалғайдағы елді мекендеріне газ тартылады

21.08.2018

Азиада-2018: Таэквондошы Жансель Дениз ел қоржынына күміс жүлде салды

21.08.2018

Қазақстандық таэквондошы Руслан Жапаров қола медаль жеңіп алды

21.08.2018

Азиада-2018: Қазақстандық Кирилл Казанцев қола медаль жеңіп алды

21.08.2018

Қазақстанның үш облысында ауа райына байланысты ескерту жарияланды

21.08.2018

Өзбекстанның Премьер-министрі жол апатына ұшырады

21.08.2018

Нұрсұлтан Назарбаев Астанадағы «Әзірет Сұлтан» мешітіне барды

21.08.2018

Астанада дәрігерлерге арналған жатақханалар салынады

21.08.2018

АҚШ-тың Мемхатшысы Құрбан Айт мерекесімен құттықтады

21.08.2018

Астанаға Түркия Жандармериясының басшылығымен арнайы делегация ресми сапармен келді

21.08.2018

Кооператив күш біріктіреді

21.08.2018

Шыңғыстаудағы Шәкәрім тойы

21.08.2018

Егемен ашқан есімдер: Егіз өрім

21.08.2018

72 сағатта 35 метр бөкебай тоқыған

21.08.2018

«Тақиялы періштені» төрткүл дүние көреді

21.08.2018

Жаңа жобаларды меңгеріп жатыр

21.08.2018

Шындық жұтқан тағдыр

21.08.2018

Шариғат жайлы шығарма

21.08.2018

Бұқар жырындағы бүгінгі тұрпат

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Өмір – әділ

Біреулер өмірді қарғап-сілеп жатады. Оның әділетсіз екендігін айтады. Рас-ау дейсің кейде. Егер өмір әділ болса, неге адам баласы әртүрлі? Біреу – бай, біреу – кедей. Біреу – сұлу, біреу – көріксіз. Біреу – ауру, біреу – сау. Расында да өмір дегенің күн мен түн, ыстық пен суық секілді қа­рама-қайшылықтардың ортасы екен ғой.

Сейфолла ШАЙЫНҒАЗЫ, «Егемен Қазақстан»

Уикипедияның үйретері не?

Бүгінде адамдар қолдарына кітапты жиі ала бермейді. Оған себеп – интернет. Халық қажет деген мәліметтерді компью­терді ақтарып, уикипедиядан іздейді. Мұның өзі өскелең уақыттың талабы. Бі­­рақ сол ақпараттық технологияңыз уақыт­­тың талабымен үндескенімен, нақты ақпарат алып, тарихи шындыққа көз жет­кізгісі келген талғампаз адамдардың талабына сай келе бере ме? Міне, мәселенің осы жағына келгенде үлкен күмән туындай­тын тәрізді.

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу