Олимпиаданың бір аптасы өте шықты

Олимпия ойындары әдетте он жеті күнге созылады. Пхенчхандағы Ақ Олимпия ойындарының бір аптасы зу етіп өте шықты. Әзірше өскемендік өжет қыз Юлия Галышеваның жалғыз қола медалі жанкүйерлердің көңіліне медет болып тұр.

Егемен Қазақстан
15.02.2018 5944
2

Қазақтардың оң жамбасына келетін жеті деген сан бізді қуанышқа бөлей алған жоқ. Олимпиаданың жетінші күні жерлестеріміз ала-құла өнер көрсетті. Үкілеп қосқан медаль алады деген Алексей Полторанин классикалық тәсілмен спринтерлік қашықтықтың іріктеу сайысында он үшінші нәтиже көрсетіп, ширек финалға шыққанда бөркімізді аспанға атып қуанып едік, асыққан екенбіз, небәрі төртінші орынмен жартылай финалға қатыса алмады. Ал тағы бір жерлесіміз 51-орынды қанағат тұтқан Елена Коломина, Валерия Төленова көштің соңына жайғасты. Шорт-трекшілер де білгендерінен жаңылып қалғандай әсерге бөледі. Әлем кубогы кезеңдерінде тәп-тәуір нәтиже көрсетіп жүрген Мәдіғали Қарсыбеков шәкірттерінің жолы болмай-ақ тұр. Нұрберген Жұмағазиев, Абзал Әжғалиев және Еркебұлан Шамұханов эстафеталық жарыста үшінші нәтижемен финалға өте алмады. Ал конькишілеріміз Денис Кузин мен Федор Мезенцевтің көрсеткіштері де нашар, жарысты ерте аяқтады.

Шынында да, енді кімнен медаль күтуге болады. Кім білсін, Алексей Полторанин елу шақырымдық классикалық марафонда бар күшін салып, намысты қолдан бермеуге тырысар. Алайда оның қарсыластары кілең мықтылар. Шорт-трекшілердің шамасы белгілі болып қалды. Корея мемлекетінен аттай қалап алдырған шорт-трекші Ким Ионг А бәлкім қуантып қалар. Биатлоншылардың ішінен жалғыз семейлік Галина Вишневская алғашқы алтылыққа ену үшін тырысып бағар.

Осы орайда мына бір ой мазаны алады. Кілең бір дарынсыз, тіпті алғашқы ондыққа немесе жиырмалыққа енбейтін шаңғышы, конькишілер немесе басқа спорт түрлері шеберлерін аса жауапты додаға алып барудың қажеті болар ма екен? Үкімет олардың шет­елдерде дайындалуына, сапарға шығуларына зор қаржы бөледі. Бірақ та Олимпиадада нәтиже жоқ. Оның үстіне бізде резерв әзірлеуге жете көңіл бөлінбейді. Елена Коломина кезінде сөз жоқ, жақсы нәтиже көрсетіп келген. Азия ойындарында, басқа да халықаралық жарыстарда ел намысын абыроймен қорғап келді. Бірақ та жасы отыз беске келген спортшыдан жоғары нәтиже күткен жөн емес.

Кадрлар әзірлейтін орын жоқ емес, бар. Шығыс Қазақстан облысының табиғаты тамылжыған, жеті ай бойы аппақ қар жататын Риддер қаласында осыдан он бес жыл бұрын спорттағы дарынды балаларға арналған олимпиадалық мектеп-интернат құрылған еді. Соңғы үш жылдан бері мектеп-интернат, колледж деген атақты иеленді. Мұнда білім алуға барлық жағдай жасалған, бес мезгіл тағам беріледі. Үздік оқығандар стипендия алады. Соңғы жылдары шығыстағы оқу орнына сонау Ақтөбе, Солтүстік Қазақстан, Ақмола облыстарынан, Астанадан қызығы көп қысқы спорттан бағын іздеген талаптылар келіп түсе бастады. Олар қазақ және орыс тілдерінде білім алады. Колледжді бітіргендер әрі қарай  оқуын жалғастырса, қалғандары мектептерде қысқы спорт түрлерінен сабақ бере алады. Міне, Риддердегі спорт мектеп-интернатына көмекке, қаржыға зәру, жаңа оқу корпусы, жазда роликпен жаттығатын алаң ауа­дай қажет. Сонымен бірге бұл жерде биатлонмен жаттығуға да қаржы көзі керек.

Жур­налистер осы жолы Пхенчхан Олим­пиадасының бұрқ-сарқ еткен ойындарынан айтары жоқ, тамаша жедел репортаждар беріп, жанкүйерлерін қуантып жатыр. Олимпиада ойын­дарында олармен жиі кездесіп жүрдік. Алайда бізді 200 мыңнан астам оқырманы бар Отанымыздың бас газеті – «Егемен Қазақстанның» бірде-бір журналисі болмауы таңғалдырды. Тәуелсіздік алғалы «Егеменнің» тілшілері Олимпия ойындарынан репортаждарды үздіксіз беріп келген. Тіпті сонау айшылық алыстағы Сиднейден «Егеменнің» төрт бірдей журналисі Бекзат, Ольга, Ермахандар алтын алқа алған кезде жүректері жарылардай қуанып, ең бірінші болып газет оқырмандарынан сүйінші сұраған. Газеттің тиражы 200 мыңнан асатынын, оның бір миллионнан астам оқырманы бар екенін ескерсек, Ұлттық Олимпиада комитеті басшыларының қазақ тілді оқырмандарды менсінбегені ме деген ой келеді. Әлде олар ана тілінен мақұрым ба?

Осы жолдардың авторы өт­­кен жылдың қазан айында ҰОК басшыларының бірінің қабыл­­дау­ында болып, «Егемен Қазақстан­ның» тілшісіне аккредитация берме­­ген­деріңіз қалай деп сауал тас­та­­ғанда, олар бізге өтініш жасаған жоқ, енді кешігіп қалды деп жауап қай­­тарды. Ал шынында газет тіл­­шісіне тіркеу болады деп хабар­лан­ған. Ал өзім жайлы айтатын бол­сам, рес­публикалық «Қазақ спорты» газе­тінің Шығыс Қазақстан об­­лы­сын­дағы меншікті тілшісі қыз­метін ат­қар­ғаныма төртінші жыл. Ал мені тіркей аласыздар ма деген сауал­ға ол баяғыда, қыр­күйекте аяқтал­ған деген жауап алдық. Демек, рес­публикалық га­зет тілшілері қол жеткізе алмай ар­манға айналған аккреди­тация өңірлердегі спорт жур­на­лис­терінің түсіне де кірмес.

 

Оңдасын ЕЛУБАЙ,

журналист, арнайы «Егемен Қазақстан» үшін Пхенчханнан (Оңтүстік Корея)

 

СОҢҒЫ ЖАҢАЛЫҚТАР

21.11.2018

«Қасиетті Қазақстан: Туған жерге тағзым» атты тарихи-танымдық экскурсиялар сериясы басталды

21.11.2018

ҰБТ-ға өзгерістер енгізіліп жатыр

21.11.2018

Мемлекет басшысы бірқатар заңдарға қол қойды

21.11.2018

Елбасы білім беру жүйесін одан әрі жаңғырту мәселесі жөнінде кеңес өткізді

21.11.2018

Түркістанның ежелгі беделін қайта көтеру – бүкіл түркі әлемі үшін үлкен жетістік болады

21.11.2018

Мархабат Байғұт: Әлемдік әдемі әңгіме

21.11.2018

Түркі киносын әлемге танымал етудің жайы талқыланды

21.11.2018

Бердібек Сапарбаев Ақтөбе қаласындағы өндіріс нысандарын аралады

21.11.2018

«Егемен Қазақстан» газетінің журналистері болашақ тілшілермен кездесті

21.11.2018

Голландиялық бизнесмен Ақтөбе облысының инвесторларға тартымды екенін айтты

21.11.2018

Нұрболат Ахметжанов: Көне тарих көмескі тартпасын

21.11.2018

Әбдіманап Бектұрғанов: Тарихқа тағзым

21.11.2018

Қ.Әбдірахманов: «Ұлы даланың жеті қыры» әлем мәдениетін жақындастырады

21.11.2018

Павлодарда археологтар б.з.д. 5-ші мыңжылдықта жерленген жылқылар сүйектерін тапқан

21.11.2018

«Ақтөбе» футбол клубы сенімді басқармаға берілді

21.11.2018

Ұлттар Лигасының қорытындысы шығарылды

21.11.2018

Такир Балықбаев: Жаңа еңбек жаңаша ой салды

21.11.2018

Ақтөбеде кәсіп бастағысы келетін жандарға кеңес берілді

21.11.2018

Мәулен Әшімбаев: Ұлт тарихын танудың жаңа кезеңі

21.11.2018

Chartbeat жобасы аясындағы байқау жеңімпаздары ашық деректер панелін құрады

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Táýelsizdiktiń tánti bolar tusy kóp

Jylda, Táýelsizdik kúni jaqyndaǵan saıyn osy ýaqyt ishinde elimiz qandaı jetistikterge jetti degen saýaldy ózimizge qoıyp, ony saralaýǵa tyrysamyz. Biraq mundaıda jappaı aıtylyp júrgen jetistikterdi emes, ózimiz baıqaǵan jeke kózqarastaǵy tabystardy taldaýǵa tyrysamyz. Sonyń ishinde kózge túsetin bir ǵanıbetti jańalyq – halqymyzdyń burynǵydaı eshkimnen qysylmaı, kimmen bolsa da ómirdiń barlyq salasynda ıyq teńestire túskeni.

Анар ТӨЛЕУХАНҚЫЗЫ, «Егемен Қазақстан»

Stokgolm sındromy

Jumyr jerdiń betinde sany jaǵynan bizden áldeqaıda kóp, alaıda táýelsiz el atanýdy mańdaılaryna jazbaǵan, ol oryndalmas armandaı kórinetin halyqtar az emes jeterlik. Jaratqannyń qalaýymen qolǵa tıgen táýelsizdik qazaq balasynyń eń bir asyl muraty edi.

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу