Кэри ТАГАВА: Мен де көшпендімін, көшіп жүргенді жақсы көремін

13 ақпан күні Кэри Тагава, Майкл Мэдсен, Бай Лин, Марк Дакаскос, Эрик Робертс сынды Голливуд жұлдыздары Шығыс Қазақстан туралы деректі фильмге түсу үшін Өскеменге келген болатын. Әлемге әйгілі актерлер облыстың Марқакөл, Катонқарағай, Жидебай, Қоңыр әулие үңгірі, Ырғызбай мазары секілді табиғаты көркем жерлері мен киелі орындарын аралап, түсірілген фильм кейін әлемдік телеарналардан көрсетіледі деп жоспарланып отыр. Бүгін 1980-1990 жылдары шыққан «Мортал Комбат», «Ақ жолбарыс», «Айдаһарлар айқасы» сынды фильмдерде басты рөлдерді сомдаған актер Кэри Тагавамен аз-кем сұхбаттасудың сәті түсті.

Егемен Қазақстан
15.02.2018 7920
2

- Шығыс Қазақстанға алғаш рет келіп отырсыз. Алған әсеріңіз қандай?

- Облыстарыңызға тұңғыш рет келіп отырғанымыз рас. Өңірлеріңізді әлі толық аралап үлгергеніміз жоқ. Дегенмен де Өскеменнің маңы мен қала ішіндегі көрікті жерлердің біразын тамашаладық. Шаһардағы екі бірдей музейге облыс әкімі Даниал Ахметов мырзаның өзі бастап апарып, қазақ халқының салт-дәстүрлерімен, әдет-ғұрыптарымен таныстырып, ұлттық тағамдарыңыздан дәм таттырды. Алдағы күндері Шығыс Қазақстандағы киелі орындарға арнайы барып, деректі фильм түсіреміз. Әсерімізді содан кейін айта жатармыз.

- «Қазақстанның азаматтығын аламын» деп қалдыңыз бір сөзіңізде.

-Мен де қазақтар секілді көшпендімін. Көшіп жүргенді жақсы көремін. Сондықтан келешекте азаматтық алып жатсам таңғалмаңыздар.

- Біздің елімізде қай уақыттан бері білесіз?

-2002 жылдан бері білемін. Болашақта «Қазақфильммен» бірлесе жұмыс істеп, әлемдік деңгейдегі жобаны жүзеге асырсам ба деген ой бар. Өзімді Голливудтағы ерекше актерлердің бірімін деп есептеймін. Өйткені, мен американдық емеспін. Голливудта аз уақыт жұмыс істеген жоқпыз. Енді басқа кеңістікке шыққым келеді.

- Сонда Голливудтан шаршадыңыз ба?

- Мен Голливудтағы алға қойған мақсаттарыма жеттім. Әрине, Голливудтың менің өмірімдегі алар орны бөлек. Дегенмен де басқа жоспарлар көп. Әлемдік деңгейдегі. Тағы да қайталаймын, мен көшпенді жауынгермін. Көшпенділерге бір орында тұрақтап қалу жараспайды.

- Көптеген түркі халықтары, оның ішінде кәрістер де, жапондар да «біздің ата-бабаларымыз Алтайдан тараған, біз алтайлықпыз» деп жатады.

- Мен мұны жерлестерімнен бұрын ұғынғам. Әрине, олардың «біз алтайлықпыз» деуі, осыны мойындауы мені қуантады. Қазір Жапонияда бұрынғы жапон және бүгінгі жапон деген ұғым қалыптасты. Бүгінгі жапон бұрынғысын ұмытып заманауи жапон болуға тырысады. Бұл – үлкен мәселе. Оның бір себебі атом бомбасының зардаптарына байланысты деп ойлаймын.

- Атом бомбасы тақырыбының біздің елге де қатысы барын білетін боларсыз...

 -Иә, одан хабарым бар. Бұл ретте Сіздердің Президенттеріңіз Нұрсұлтан Назарбаевтың еңбегі зор. Қазақстан КСРО құрамында болған кезде жапон қалалары секілді атом зардабын аз тартқан жоқ. Бауырлас, тағдырлас ел екенімізді жақсы білемін. Қазақ пен жапон халқы рухының мықтылығы арқасында атом аждаһасынан аман қалды. Қазақ халқын сол үшін де ерекше құрметтеймін. Қазақ – жауынгер, батыр халық. Мұны ұмытпаңыздар.  Балаларыңыз да ұмытпасын. Мен де өзімнің жапон замандастарыма жауынгерлік рухты жоғары ұстау керектігін әрдайым айтып жүремін. Біз батысқа еліктемеуіміз керек. Біз үшін, Шығыс халықтары үшін адамдарды құрметтеу мен сыйластық бірінші орында. Құрмет деген бас ию емес, ол -қонақжайлық, мейірбандық. Батыста солдаттың энергиясы бар. Олардың ойлайтыны – атақ пен ақша. Тек бизнес. Шығыс жауынгерлік рух бар. Мейірім бар. Біз ешқашанда ақшаны алға қоймаймыз. Біздің серігіміз – ат, біз күш-қуатты дархан даладан аламыз. Мәселен, далада қырық градус аяз болса ақша көмектесе ме? Атақ жәрдемдесе ме? Жоқ, бізге тек тәңір ғана көмектеседі.

- Кеше Сізге облыс әкімі Д.Ахметов Абайдың үш тілде басылған кітабын тарту етті. Абай жайында бұған дейін білуші ме едіңіз?

-  Бірінші рет естідім. Енді Абайды оқитын боламын. Осы бір-екі күн ішінде Сіздердің тарихтарыңыздың тамыры тереңде жатқанын, мәдениеттеріңіз бен салт-дәстүрлеріңіз өте бай екенін байқадым.

- Шығыс Қазақстан туралы деректі фильм түсірмексіздер? Облыстың туристік әлеуетін қалай бағалайсыз?

- Лас-Вегас пен Сан-Франсиско қалаларын мысал ретінде айтайын. Бұл шаһарларда туризм мықты дамыған. Бірақ адамгершілік төмен. Сіздерге айтар тілегім, табиғатты ақшаға айырбастамасаңыздар деймін. Сөз жоқ, тамаша табиғатты көрсету керек, туристерді шақыру керек, бірақ көздің қарашығындай сақтай білу керек.

- Арнольд Шварценеггер, Жан-Клод Ван Дамм секілді замандастарыңызбен араласып тұрасыз ба?

-Жоқ. Мен актерлерді ұнатпаймын. Олардың атағында шатағым жоқ. Маған шынайы адамдар ұнайды. Атақты болу маңызды емес, адамдарға көмектесу маңызды.

- Қазақстан десе көз алдыңызға не елестейді? Бүгінде біздің елімізді әлемге кімдер танытып жүр?

- GGG (күліп). Геннадийді жақсы білеміз. «Ұлытау» тобының күйлерін жақсы көремін. Жүрегіме, жаныма жақын. Жауынгерлік рух бар олардың күйлерінде. Сөз соңында айтайын дегенім, сіздер қазақ болып туғандарыңызға мақтаныңыздар. Бірақ өзімізді басқалардан жоғары қоймайық. Бәсекеге келгенде ешкімді алдымызға салмайық.

- Әңгімеңізге алғыс білдіреміз.

 

Сұхбаттасқан Азамат ҚАСЫМ,

«Егемен Қазақстан»

ӨСКЕМЕН

 Суреттерді түсірген Мерей ҚАЙНАРОВ

 

СОҢҒЫ ЖАҢАЛЫҚТАР

14.11.2018

Ыстамбұлда «Ұлы даланың тарихи-мәдени келбеті» атты халықаралық көрме ашылды

14.11.2018

Елбасы АХҚО Биржасының алғашқы сауда-саттығын іске қосты

14.11.2018

Ұстаз құрметіне дәрісхана ашылды

14.11.2018

Шетелде тегін білім алғыңыз келсе...

14.11.2018

26 мың медицина маманын қанат қақтырған қара шаңырақ

14.11.2018

«Барыс» үшінші орынға көтерілді

14.11.2018

Месси мен Роналду «Алтын допсыз» қалды

14.11.2018

Мажарстанда топ жарды

14.11.2018

Республика бойынша үздік деп танылды

14.11.2018

Алтайда аяз 34 градусқа жетті

14.11.2018

Ескерткіш тақта орнатылды

14.11.2018

Оқу орнына келмейтін студенттерге 8 миллион теңге стипендия төленген

14.11.2018

Қызылорда облысында пойыздар қозғалысы қалпына келді

14.11.2018

Өзеннің төл атауы қалпына келді

14.11.2018

Жанкүйеріңді қуанта бер, «Тобыл»!

14.11.2018

Бітімгершілік – биік адамгершілік іс

14.11.2018

«Күлтегін» бала тілінде сөйледі

14.11.2018

Ағартушының дара жолы

14.11.2018

Алғашқы қоғамдық кітапхана

14.11.2018

Жыраулық дәстүрдің Марғасқасы

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу