Көшбасшылық феномені

Оңтүстік Қазақстанда өткен іс-шаралар елдің дамуы мен қалыптасуындағы Елбасының рөліне арналды. Мемлекет басшысы Н.Назарбаевтың тәуелсіз еліміздің қалыптасуындағы ше­шуші рөлін жан-жақты көрсету мақ­­сатындағы іс-шаралар Оңтүстік Қазақ­стан облыстық тарихи-өлкетану мұра­жайында ашылған «Н.Назарбаев: дәуір, тұлға, қоғам» көшпелі кешен көрмесінен бас­талды.   

Егемен Қазақстан
19.02.2018 1479
2

Көрмеге Елбасы кі­тап­ханасынан, мұрағат қорларынан алынған 800-ге тарта жәдігер қойылған. Олар­дың қатарында Елбасының жоғары мем­лекеттік марапаттары, мемлекет басшылары мен отандық авторлардың қолтаңбасы бар кітаптар, сондай-ақ Мемлекет бас­шысының шетел тілдеріндегі еңбектері бар. Жәдігерлер төрт бөлімге жинақталған. «Көшбасшы жолы» деп аталатын алғаш­қы бөлім Елбасының өмір жолына ар­нал­ған. Одан кейінгі «Көшбасшы фено­мені» бөлімінде Президенттің сая­си бейнесі Семей ядролық полигонын жабу, Астананы ауыстыру секілді тарихи шешімдер арқылы суреттеледі. Көрменің ашылуында Қазақстан Республикасының Президенті Кеңсесінің бастығы-Елбасы кітапханасы директорының міндетін атқарушы Мах­мұт Қасымбеков ел тарихындағы Елба­сының жаһандық қызметіне, еліміздің халық­аралық беделінің қалыптасуы мен нығаюындағы тұлғалық тарихи рөліне тоқталды. «Алғашқы рет мұндай көрме өткен жыл­дың аяғында тәуелсіздігіміздің тал бесігі, Отанымыздың екінші астанасы – Алматыда өткізілген болатын. Екі айдың ішінде 70 мыңнан астам алма­тылықтар тамашалаған көрме бүгін шырайлы Шымкент қаласында ашы­лып отыр. Әрине бұл кездейсоқ емес. Себебі Оңтүстік Қазақстанның еліміз­дің әлеуметтік және экономикалық да­муын­дағы рөлі аса зор. Екіншіден, бұл өңір – халқымыздың мәдениеті мен салт-дәстүрінің кеніші, ана тіліміз бен ұлт­тық құндылықтарымыздың қаймағы бұзылмаған ордасы. Шымкент баршамыз үшін әрі ыстық, әрі жүректерімізге жақын. Көрменің аясында киелі Түркістан қаласында және облыстың бірнеше оқу орындарында кездесулер, семинарлар мен конференциялар ұйымдастырылатын болады. Ол шаралар облыстың мәдени және рухани өмірінде елеулі оқиға болады деп үміттенеміз», деді Махмұт Қасымбеков.

Оңтүстік өңірінде өз жұмысын бас­таған көшпелі көрме жобасының маңыз­дылығын облыс әкімі Жансейіт Түймебаев та атап өтті. «Көрмеден алар тағылым мол. Мемлекет басшысы ел тарихындағы шешуші кезеңдерді, еркіндік пен тәуел­сіздікті аңсаған халқының арманын орын­дады, жүзеге асырды. Қысқа мерзім ішінде еліміз жүздеген жылдарға татитын ғажайып даму кезеңін артқа тастады. Еліміз әлеуметтік-экономикалық тұрғыда айрықша өркендеп, халқымыздың әл-ауқаты жақсарды. Елбасының көрегендігі мен ерік-жігерінің арқасында еліміз достық пен келісімнің мекеніне айналып, әлем елдеріне үлгі болды. Тәуелсіздік және Елбасы ажырамас ұғымдарға айналды. Елбасымыздың өмірі мен қызметінің тарихын, тәуелсіз Қазақстанның қа­лып­­тасуы мен дамуындағы ерен еңбе­гін, еге­менді еліміздің қол жеткіз­ген жетістіктері мен әлемдік қоғамдас­тық мойындаған табыстарын айшықтай­тын бұл көрмені оңтүстік жұртшы­лығы мақтан тұтып, жоғары бағалай­ты­нына сенімдімін», деді Ж.Түймебаев.

Сондай-ақ көрменің ашы­лу салтанатында Мәдениет және спорт министрлігінің Жауапты хатшы­сы Қуатжан Уәлиев Елбасының «Бола­шаққа бағдар: рухани жаңғыру» бағ­дар­ламасында айтылған кітапхана жоба­сының маңыздылығына тоқталды.

Көрменің алғашқы көрермендері қор жинақтарындағы құжаттармен, Елба­сымызға берілген 50-ден аса шетел мемлекеттерінің жоғары марапаттарымен, сондай-ақ қару топтамасының жәді­герлерімен, қолтаңба жазылған сый кітаптармен танысты. Айта кетелік, Қазақстан Республикасының Тұңғыш Президенті-Елбасы кітапханасының ұйымдастыруымен жүзеге асырылатын жоба аясында мектеп оқытушыларына, кітапхана, архив, музей қызметкерлеріне арналған «Елбасы кітапханасының ақпараттық ресурстары» аймақтық кәсіби сессия, шолу және тақырыптық экскурсиялар іспетті бірқатар іс-шаралар өтті. «Н.Назарбаев: дәуір, тұлға, қоғам» көрмесі мамыр айына дейін жалғасады.

Оңтүстік Қазақстан мемлекеттік пе­­да­гогикалық университетінде де жақ­­сы іс жалғасын тапты. Мәртебелі қонақ­тар университеттегі Н.Назарбаев ор­талығында болып, оның бүгінгі жұмысы мен болашақтағы жоспары туралы ой бөлісті. Сонымен қатар университеттің спорт кешендерінде болып, 12 қабаттық Сту­денттер үйіндегі студенттердің тұр­мысымен, «Қосымша мамандық» ор­талығындағы 14 студенттік үйірменің жұмысымен танысты.

М.Әуезов атындағы Оңтүстік Қазақстан мемлекеттік университетінде «Н.Назарбаев феномені: саяси ұстанымдар мен бастамалар» тақырыбында халықаралық ғылыми-тәжірибелік конференция өтті.

АҚШ, Ресей, Ауғанстан, Тәжікстан, Қырғызстан елдерінен келген сарапшылар мен талдаушылар, ғалымдар, шетел­дік және отандық жоғары оқу орындарының оқытушылары мен сту­денттері, БАҚ өкілдері қатысқан кон­фе­ренция барысында «Елбасытану» ғылыми-әдістемелік орталығының тұсауы кесілді. Ғылыми-әдістемелік орталықта студенттің ізденісін жан-жақты қанағаттандыру мақсатында барлық жағдай жасалған. Әрбір ізденушінің қажетті мағлұматтарды оңай тауып, бі­лімін жетілдіре түсуіне мүмкіндіктер заманауи тұрғыда қаралған. Ғылыми-тәжірибелік конферен­ция да жергілікті жастардың шете­лдік замандастарының көзқара­сын, Елбасы еңбегіне қатысты пікір­лерін білуге мүмкіндік берді. Алдын ала айта кетелік, конференцияда АҚШ-тың Кентукки штатынан келген «Studens without borders» жастар ұйымының өкілі Бернет Джордж Травис, Еуразиялық комиссияның ынты­мақтастық жөніндегі клубының жетек­шісі, Бейбітшілікті дамыту Еуразия­лық зерттеу институтының құрыл­­тай­шысы, ресейлік Марат Шафи­гул­лин, Тәжікстан тау-кен, металлур­гия институтының 5 курс студенті Бо­ки­зодо Домулло, Қырғыз Респуб­ликасы Жастар бастамаларын қол­дау қоры – YAF координаторы Лира Момуналиева сынды жастар Ел­басы Н.Назарбаевтың саяси еңбек­тері мен әлемдік деңгейдегі баян­ды бастамалары, бағдарламалық мақала­ларының қоғам өміріне әсері жөніндегі ой-пікірлерін ор­таға салды.

Ғылыми-тәжірибелік конферен­цияның ашылуында Оңтүстік Қазақ­стан облысының әкімі, филология ғы­лымдарының докторы, профессор Жан­сейіт Түймебаевтың құт­тық­тау хатын облыс әкімінің орын­ба­сары Ұласбек Сәдібеков оқып бер­ді. Сондай-ақ М.Әуезов атындағы ОҚМУ ректоры, тех­ника ғылым­дарының докторы, профессор Жұ­махан Мырхалықов Елбасы еңбектері­нің қоғам, оның ішінде жастар өмі­рінде алатын орны мен мән-маңы­зына тоқталып, оқу үдерісіне енгізі­ліп жатқан жаңашылдықтар жөнін­де айтып өтті. Не­гізгі баяндаманы жасаған Елбасы кітап­ханасы дирек­торының орынбасары, саяси ғылым­дар докторы, профессор Әмір­хан Рахымжанов өз сөзінде тәуел­­сіз Қазақстанның қалып­тасуын­дағы Елбасы Н.Назарбаев­тың жаһандық рөліне тоқталды. «Тәуелсіз Қазақстанның дамуы және қалыптасуының жаңа тарихын­да Президенттің саяси көшбасшы­лы­ғының мәні мен рөлі сөзсіз маңызды екені бел­гілі. Мемлекет басшысы Нұр­сұлтан Назарбаевтың саяси ба­тылдығы, страте­гиялық дарыны, көздеген мақсатқа же­тудегі табанды­лығы мен өзіне деген се­нім­ділігі – бүгінде әлем қоғамдастығы мойын­даған то­лағай табыстарымыз бен Қа­зақ­­стан­ның тәуелсіз мемлекет ретін­дегі қалыптасуының негізіне айналды.

«Назарбаевтың саяси көшбасшылығы» және «Назарбаев феномені» ұғымдары сая­саткер, сарапшы, саясаттану ғалым­дары мен публицистердің сөздік қорына тұрақталып, басты назардағы зерттеу нысандарының біріне айналып отыр. Н.Назарбаевтың көшбасшылық фено­мені зерттеушілердің саяси көшбас­шылықтың белгілі үш моделінің негі­зінде түсіндіріледі, олар – тұлғалық бол­мысы, лидерлік стилі, өзгермелі тари­хи жағдаяттар. Міне, сондықтан «Назарбаев феноменін» ең алдымен, Елбасының болашаққа бағытталған сая­­си стилі, қоғаммен қарым-қатынас және стратегиялық басымдықтары ар­қы­лы қарастыру қажет. Нұрсұлтан Назарбаевтың саяси көшбасшылық же­тіс­тіктері мен халықаралық арена­дағы тең­дессіз биік беделіне жеке қасиет­тері, соның ішінде өзіндік ұстаны­мы­на беріктігі, көзқарастарының нақ­ты­лығы, кедергі мен қиындықтарға төтеп беріп, алған бетінен қайтпай, бас­таған ісін соңына дейін жеткізетін табан­дылығы себепші болған. Нұрсұлтан Назарбаевқа тән барлық қасиеттер ең жо­ғары халықаралық деңгейдегі мемлекет қайраткеріне лайықты мықты көшбасшылық бастаманы таныту болып табылады», деді Әмірхан Мұратбекұлы. Конференция соңында баяндамалар талқыланып, жастарға берері мол осындай игі істердің басқа да оқу орындарында өткізілуі тиіс екендігі айтылды. Сондай-ақ халықаралық ғылыми-тәжірибелік конференция қонақтары жаңартылған, заманауи оқу залында студенттермен кездесті.

Ғалымжан ЕЛШІБАЙ,

«Егемен Қазақстан»

СОҢҒЫ ЖАҢАЛЫҚТАР

22.09.2018

Жалпықалалық сенбілікте 9 мыңнан астам ағаш егілді

22.09.2018

Мақтаарал ауданында «Жасыл ел» жастардың еңбек жасақтары жұмысын бастады

22.09.2018

«Балалар Евровидениесі» байқауының жеңімпазы анықталмақ

22.09.2018

Халықаралық «Ясауитану-2018» байқауы өз мәресіне жетті

22.09.2018

Елбасы елорданың қала құрылысын игеру жоспарымен танысты

22.09.2018

Даниал Ахметов Зырян ауданын Алтай деп атау туралы ұсынысты қолдады

22.09.2018

Елбасы Чан Дай Куангтің қайтыс болуына байланысты көңіл айтты

22.09.2018

Жаңа Жібек жолы: Алматы

22.09.2018

Катонқарағай ауданы тұрғынының сібір жарасынан көз жұмғаны расталды

22.09.2018

Сенаторлар сенбілікке шықты

22.09.2018

Б.Бекназаров Әзербайжан Парламентінің 100-жылдығына арналған шараға қатысты

22.09.2018

Мұнайдың әлемдік бағасы өсті

22.09.2018

Лондонда қазақстандық өнер көрмесі ашылды

22.09.2018

Түркия «Қазақстан» журналын шығарды

22.09.2018

Ақтөбеде «Анаға тағзым» орталығы ашылды

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу