Серпінді даму жолында

Көзіміз анық жеткен басты бір мәселе Ақтөбе облысының әкімі Бердібек Сапарбаевтың қорытынды есебі өтетін күнге дейін бірқатар ауылдық округтер әкімдерінің және барлық аудан әкімдері мен басқарма басшыларының есебіне қатысатыны, бұған уақыт таба білетіні. Жай қатысып қоймай жергілікті жерде туындаған мәселенің түйінін сол сәтте шешуге ұмтылатынын түйсіндік. Ал уақытты қажет ететін мәселелер болса оның орындалатын күнін белгілейді. Шалғайдағы ауыл тұрғындарының тарапынан қойылған сұрақтарға жауап қайтарып, мұң-мұқтаждарына ортақтасады. 

Егемен Қазақстан
22.02.2018 2188
2

Жылдық есебіне осындай жан-жақ­тылық пен кең тыныстылық беруі, әрі халық­тың қалың ортасында ұдайы болуы арқылы өңір басшысы Президенттің атқарушы органдардың тұрғындармен есепті кездесу өткізу жөніндегі Жарлығын орындау кезінде оны тағы бір басқаша қырынан толықтыра түскендей көрінеді. Яғни мұның өзі облыс әкімі өзінің қоры­тынды есебі өтетін күнге дейін өзі бас­қарып отырған өңір қалай тыныс­тап, қан­дай күй кешіп отырғанын көңіліне түйіп келеді деген ойды білдіреді. Агло­мера­циялық аймақ басшысы биылғы қоры­тынды есебінде. Ең бастысы, көпшілікке айтылған мәселе тұжырымды әрі нақ­ты түрде көрініс тапты. Өткен жыл­дың қорытындысы бойынша өңір эконо­ми­касының өсімі 5 пайызды құрапты. Бұл еліміз­дегі кез келген өңірдің еншісіне тие қоймайтын экономикалық өсім. Дүние­де не нәрсенің де қадір-қасиеті мен артықшылығын салыстырмалы түрде бағамдауға әрі сезінуге болады. Осының алдындағы 2016 жылы бұл көрсеткіш небәрі бір пайызды ғана құраған болса 5 пайыздық өсім қарқынды әрі серпінді дамудың нақты белгісі болмақ.

Міне, тұрғындар алдында берген есебі кезінде облыс әкімі Б.Сапарбаев өз сөзін осы арнадан сабақтады. Бұл облыс экономикасының негізгі салаларын – өнеркәсіп пен сауданы, ауыл шаруашылығы мен құрылысты, сондай-ақ шағын және орта бизнесті дамыту мен жаңа технологияларды енгізу есебінен қамтамасыз етілді, деді бұдан әрі өңір басшысы. Ақтөбе – республикамыздағы өнеркәсібі дамыған өңірлердің бірі. Өткен жылы облыс экономикасының басым бағытын құрайтын өңдеуші кәсіпорындар алған биіктер де облыс басшысы есебінен тыс қалған жоқ. Мұнда да жақсы өсім бар. Оның өзі саладағы өңдеуші орындарды дамыту есебінен қамтамасыз етілген. Яғни кәсіпорындардағы өсім 7,9 пайызға өсіп, жалпы табыс 527 миллиард теңгені құраған.

– Өңір басшысы өз есебінде биылғы 2018 жыл облыста экономикалық серпі­ліс жылы болып жарияланғанын атап көрсетті. Соғай сай жаңғыртудың бес векторы белгіленген. Атап айтқанда, бұлар әлеуметтік бағдар, өмір сапасын жақсарту, азық-түлік қауіпсіздігі, индустриялық даму және кедергісіз бизнес болып табылады. Сондай-ақ аймақта әлеумет­т­ік бағдар аясында «Бақытты балалық шақ» жылы аталып өтілмек. Соған сәйкес 150-ден төмен емес спорттық және ойын алаңдарының құрылысы бой көтер­мек. Жетім балалар мен ата-анасының қамқорлығынсыз қалған балаларды тұрғын үймен қамтамасыз ету шаралары белгіленбек. Сонымен бірге сал ауруына шалдыққан балалар мен аутизм балаларға арналған орталық тұрғызылмақ. «Әсем» жыл бойы оқу-сауықтыру лагерінің құры­лысы да осы қатарда тұр.

Кез келген өңір экономикасының даму деңгейіне қозғау салатын басты индекс – инвестициялық қаражат. Өңірдің инвес­ти­циялық тартымдылығын, бұған қоса облыстың қаражат құюға ыңғайлы екенін, шетелдік инвесторлардың сана-сезіміне сіңіре білген аймақ басшысының ілкімді ісінің арқасында өткен жылы облыс экономикасына 437 миллиард теңге инвестиция құйылыпты. Бұл 2016 жылғы деңгейден 63 миллиард теңгеге артық. Тартылған инвестицияның едәуір бөлігі жеке сектор субъектілерінің қаржылары болып табы­лады. Ал инвестиция тартудағы биыл­ғы меже­міз – 510 миллиард теңге. Бұл облыс эко­­но­ми­касын одан әрі дамытуға қосы­ла­тын қомақты қаражат болмақ, деп түйін жаса­ды осы тұста Б.Сапарбаев.

Өңір басшысының тұрғындармен кездесуі аяқталғаннан кейін кездесуге қатысушылардың бір тобы газет тілшісіне өз ой-пікірлерін былайша жеткізді.

Кеңес Бірманов,

Ақтөбе облыстық ардагерлер кеңесі­­нің төрағасы:

– Бердібек Сапарбаев өзінің бүгінгі есебінде облыста өткен жылы 800 мың шаршы метрге таяу тұрғын үй пайдалануға берілгенін атап өтті. Бұл өңірде бұрын-соңды болып көрмеген биік нәтиже. Өткен жылдан бері Ақтөбеге «Нұрлы жер» бағдарламасы бойынша тұрғызылған аз қабатты үйлер тұрғызу тәжірибесін үйренуге делегациялар үзіліссіз келуде. Бұл өте жақсы нышан. Үй тұрғызу ісінде облыстағы оң нәтижелер жеткілікті. Бұл істе өңір басшысының еңбегі мол.

Айгүл Дүйсенова,

Ақтөбе облысындағы үкіметтік емес ұйымдар қауымдастығының президенті:

– Өңір басшысы мемлекет-жеке­мен­шік әріптестігі серпінді дамудың бір жолы екенін түйіндеп берді. Бұл шын­дық. Соның арқасында облыс орталығы күннен-күнге көркейіп келеді. Бүгінгі есепте үкіметтік емес ұйымдардың өңірді дамытуға қосқан үлесі жөнінде жақсы айтылды. Осы тұрғыдағы мемлекеттік-әлеуметтік тапсырыстар көлемі өсіп келеді. Мұндай бірлескен жобалардың келешегі кемел деп білемін.

Жансұлу Атамұратова,

Қобда аудандық мәслихатының депутаты, гимназия директоры:

– Мен бүгінгі есептегі білім беру саласына қатысты айтылған талдаулар мен сараптамаларға айрықша көңіл бөлдім. Соның ішінде облыста үш ауысымдағы және апатты жағдайдағы мектептерді жою жөнінде қабылданған шешімдер сүйсіндіреді. Үш ауысымдағы тығыз әрі күрделі оқу үдерісін бастан кешіп жаңа үлгідегі ғимаратқа қоныс аударған білім ордасының бірі – біздің Қобда аудандық гимназиясы. Өңір басшысының айтуынша, биыл облыста 15-тен астам жаңа мектеп ғимараты пайдалануға берілмек. Бұдан асқан қуаныш бар ма?

Сабытай Жексенбаев,

Байғанин ауданындағы, «Қостемір» шаруа қожалығының жетекшісі:

– 3-4 өнімділігі аз мал ұста­ған­нан гөрі, бір асыл тұқымды мал өсір­ген әлдеқайда тиімді, деді облыс әкімі. Бұл пікірге толықтай қосы­ламын. Биыл өңірде мал тұқымын асылдандыру жөнінде іргелі шаралар қолға алынатыны, оған бөлінетін субсидия мөлшері өсетіні мені қатты қуантты. Бұл – мал санын одан әрі көбейтуге үлкен септігін тигізетін мем­лекеттік қолдаудың көрінісі.

Мейірхан Ақдәулетұлы,

ақын-публицист, Қазақстан Жазушы­лар одағының мүшесі:

– Ақыны әкімін іздеген елдің маңда­йы­ның соры бес елі. Әкімі ақынын іздеген ел ба­­қытты ел деген тәмсіл бар. Осы орайда бүгінгі есепте айтылғандай өткен жылы об­лыс орталығында қайталанбас үлгідегі руха­ни храмдар, өнер және мәдениет орда­ларын­ың бой түзеуі әкімі ақыны мен ел-жұртын іздегендей әсер қалдырады. Бұл өте әдемі үйлесім, керемет гармония. Рухани кем-кетікті түгелдей білген басшының бәсі мен мәртебесі қашан да жоғары.

Мереке Нұртазин,

«№4 Ақтөбе қалалық емханасы» МҚК-ның директоры:

– Өңірімізде құрылған медициналық кластердің республикада баламасы жоқ екені бәріміз үшін мақтаныш. Тыңнан түрен салу оңай іс емес. Бұған өңір бас­шы­сының тікелей қолдауы болмаған жағ­дайда мұндай жетістікке жетер ме едік, жет­пес пе едік?! Бердібек Мәшбекұлы атап көрсеткендей, облыста жүзеге асырылып жатқан мемлекет-жекеменшік әріп­тесті­гінің негізгі үлесі денсаулық сақтау саласына тиесілі екені – халық денсаулығына деген жанашырлықтың бір көрінісі.

Темір ҚҰСАЙЫН,
«Егемен Қазақстан»

Ақтөбе облысы

СОҢҒЫ ЖАҢАЛЫҚТАР

20.03.2019

Еуроодақ Нұрсұлтан Назарбаевтың шешіміне пікір білдірді

20.03.2019

С.Жээнбеков: Назарбаев – ұлттық қана емес, әлемдік деңгейдегі тұлға

20.03.2019

Білге қағанның жолын басқан көшбасшы

20.03.2019

Б.Тілеухан: «Алаштың алғысы айрықша»

20.03.2019

Н.Назарбаев Ресей Президентімен телефон арқылы сөйлесті

19.03.2019

Нұрсұлтан Назарбаев бірқатар елдің басшыларымен телефон арқылы сөйлесті

19.03.2019

Матвиенко Нұрсұлтан Назарбаевтың дана саясаткер екенін айтты

19.03.2019

Түркі дүниесінің Ақсақалы болып қала береді - Расим Мусабейов

19.03.2019

Н.Назарбаевтың өкілеттігінен бас тартуы тосын жаңалық болды - Робин Форестье-Уокер

19.03.2019

Махмұд Қасымбеков Тұңғыш Президент – Елбасы Кеңсесінің Басшысы қызметіне тағайындалды

19.03.2019

Н.Нығматулин Парламент Палаталарының бірлескен отырысын шақыру туралы Өкімге қол қойды

19.03.2019

Нұрсұлтан Назарбаевтың қандай мәртебелері сақталады?

19.03.2019

Мемлекет басшысы Нұрсұлтан Назарбаевтың Қазақстан халқына үндеуі (видео)

19.03.2019

Ерлан Баттақовқа Президенттің Іс басқарушысы міндетін уақытша атқару жүктелді

19.03.2019

А. Бисембаев Қазақстан Республикасының Тұңғыш Президенті – Елбасының Көмекшісі қызметіне тағайындалды

19.03.2019

Бақытжан Темірболатқа Президент Кеңсесінің бастығы міндетін уақытша атқару жүктелді

19.03.2019

Махмұд Қасымбеков Президент Кеңсесінің бастығы қызметінен босатылды

19.03.2019

Елбасы Қазақстан Республикасы Президентінің өкілеттігін атқару туралы Жарлыққа қол қойды

19.03.2019

Әмірхан Рахымжанов Елбасы кітапханасының директоры лауазымына тағайындалды

19.03.2019

Мемлекет басшысы Нұрсұлтан Назарбаевтың Қазақстан халқына үндеуі

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу