Оралда құсбегілердің республикалық «Қансонар-2018» турнирі өтіп жатыр (ФОТО)

Орал қаласының іргесіндегі ортағасырлық Жайық шаһарының аумағында, Желтау биігінде құсбегілер арасында «Қансонар» республикалық турнирі басталды.

Егемен Қазақстан
25.02.2018 8109
2

Мұндай шара Батыс Қазақстан облысында тұңғыш рет ұйымдастырылып отыр. Шараға Қазақстанның әр өңірінен – Атырау, Маңғыстау, Ақмола, Алматы, Жамбыл, Көкшетау, Қарағанды облыстарынан, Астана мен Алматы қаласынан жиырма шақты құсбегі қатысуда. Бір қызығы, іргеде өтіп жатқан думаннан қалғысы келмей, Ресейдің көршілес Самара, Тольятти, Ульяновск қалаларынан қаршыға мен ителгі баптап жүрген құсбегілер де жолға шыққан екен. Қызыл кітапқа енген құстарын шекарадан өткізбей, тек өздері келуге мәжбүр болған. Шетелдік қонақтар Оралдағы құсбегілер сайысының ұйымдастырылуына, ел-жұрттың ықыласына ерекше қызығушылықпен қарап жүрді. 

- Осындай турнир былтыр Маңғыстау мен Атырау облысында өтті. Биылғы шара Батыс Қазақстан облысы басшылығының қолдауымен өтіп отыр. Мұны құсбегілік дәстүрдің еліміздің батыс өңірінде қайта жандануы деп айтуға болады. Оралдағы Ұлттық спорт мектебі жанынан құсбегілік бөлімі ашылады деп сенеміз,-деді Қазақстан Республикасы Ұлттық спорт түрлері қауымдастығының І вице-президенті Ерлен Оспанов.
- Заң бойынша ақпанның 15-сінен кейін аң аулауға тыйым салынады. Сондықтан біз бұл сайыста қыран құстарды аңға салмаймыз, құсбегілер құсты қолға шақыру, ұшыру, шырға салудан сынға түседі. - дейді ұлттық спорт түрлерінен мемлекеттік жаттықтырушы Рамазан Сәттібаев.


Сайыстың алғашқы күні таңертең ауа температурасы 20 градустан төмен болды. Бірақ күннің салқындығына қарамастан өлкеде тұңғыш рет өтіп жатқан ерекше мерекені тамашалауға халық көп жиналды. Айта кету керек, ұйымдастырушылар барын салған: желтаудың басында бірнеше киіз үй тігілген, ыстық тамақ ұсынған сауда орындары қызмет көрсетіп жатыр, келушілердің көлігін қоятын автотұрақ дайындалып, ЖПҚ қызметкерінің жіті бақылауымен қауіпсіздік қамтамасыз етілген. Төтеншеліктер арнайы шатыр тігіп, ішіне жылу жүргізіп қойыпты. Суықтан тоңған балалар мен үлкендер шатырға кіріп, жылынып алады. Батыс Қазақстан облыстық тарихи-өлкетану музейі де арнайы киіз үй тігіп, музей қорындағы қазақы саятшылыққа қатысты 30-дан аса жәдігерді көпшілік назарына ұсынған. Ғарифолла Құрманғалиев атындағы Батыс Қазақстан облыстық филармониясының жанынан құрылған «Орал сазы» ансамблі де шараның салтанатты ашылуына орай сахнаға шығып, саусақтан жан кетірген суыққа қарамастан өнер көрсетті. Орал қаласы шетіндегі «Медколледж» аялдамасынан Желтау биігіне дейін автобус тасымалын тегін ұйымдастырған қалалық жолаушылар тасымалы қызметіне де ел-жұрт алғыс айтып жатыр. 


Жалпы, бұл шараны негізгі ұйымдастырушы – Батыс Қазақстан облыстық спорт басқармасы болғанымен, өңірдегі туризм және сыртқы байланыстар басқармасы, «Атамекен» Ұлттық кәсіпкерлер палатасының өңірлік филиалы, қоғамдық ұйымдар мен жекелеген белсенді азаматтар құсбегілер сайысының жалпыхалықтың мерекеге айналуына көп үлес қосты. Жан-жақты жарнама мен насихаттың нәтижесінде бұл шараны көру үшін Ресей Федерациясының Астрахань, Саратов, Самара, Орынбор өңірлерінен, Қазақстанның өзге облыстарынан арнайы туристер келген. 


- Ұйымдастыру комитетіне хабарласып, Оралдағы «Қансонар-2018» турнирін тамашалауға тілек білдірген туристерге барынша қолдау көрсеттік. Олар «Евразия» туризм орталығына орналасты, Орал қаласының тарихымен таныстыратын экскурциялар ұйымдастырылды. Жарыс қонақтары мен туристер алғашқы күні Оралдағы белгілі күйші әрі домбыра шебері, республикалық «Алтын домбыра» байқауының бірнеше мәрте жүлдегері Едіге Нәбиевтің шеберханасында болып, қазақтың ұлттық аспабын жасау өнерінің қыр-сырын тамашаласа, келесі күні белгілі өрімші-шебер Ұлан Сайтмұхаевтан қамшы өру дәстүрі туралы дәріс тыңдады, - дейді осы шараны ұйымдастырушылардың бірі, «Ғылыми зерттеулерді қолдау қорының» директоры Айболат Құрымбаев.


24 ақпан күні құсбегілер іріктеу кезеңінен өтті. Ертең республикалық сайыстың ақтық бәсеке-финалы өтеді. Айта кетейік, «Қансонар-2018» республикалық құсбегілер турнирінің 200 мың теңгелік бас жүлдесін оралдық кәсіпкер-меценат, «Саят» этно-туристік орталығының құрылтайшысы Мұрат Жәкібаев тіккен. 

Қазбек ҚҰТТЫМҰРАТҰЛЫ
«Егемен Қазақстан»

Батыс Қазақстан 

Суретті түсірген Темірболат Тоқмамбетов

СОҢҒЫ ЖАҢАЛЫҚТАР

22.09.2018

Жалпықалалық сенбілікте 9 мыңнан астам ағаш егілді

22.09.2018

Мақтаарал ауданында «Жасыл ел» жастардың еңбек жасақтары жұмысын бастады

22.09.2018

«Балалар Евровидениесі» байқауының жеңімпазы анықталмақ

22.09.2018

Халықаралық «Ясауитану-2018» байқауы өз мәресіне жетті

22.09.2018

Елбасы елорданың қала құрылысын игеру жоспарымен танысты

22.09.2018

Даниал Ахметов Зырян ауданын Алтай деп атау туралы ұсынысты қолдады

22.09.2018

Елбасы Чан Дай Куангтің қайтыс болуына байланысты көңіл айтты

22.09.2018

Жаңа Жібек жолы: Алматы

22.09.2018

Катонқарағай ауданы тұрғынының сібір жарасынан көз жұмғаны расталды

22.09.2018

Сенаторлар сенбілікке шықты

22.09.2018

Б.Бекназаров Әзербайжан Парламентінің 100-жылдығына арналған шараға қатысты

22.09.2018

Мұнайдың әлемдік бағасы өсті

22.09.2018

Лондонда қазақстандық өнер көрмесі ашылды

22.09.2018

Түркия «Қазақстан» журналын шығарды

22.09.2018

Ақтөбеде «Анаға тағзым» орталығы ашылды

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу