Мәлік Мырзалин: Ақмола облысына 257 миллиард теңге инвестиция тартылып, 12 мың жаңа жұмыс орны құрылды

 Ақмола облысында ағымдағы жылдың қаңтар-ақпан айларында 72 мыңнан астам тұрғынның қатысуымен аудандар мен қалалар, ауылдық және кент округтері әкімдерінің 673 есеп беру кездесуі өтіпті. Солардың ең маңыздысы бұрнағы күні өңір басшысы Мәлік Мырзалиннің есеп беруі болды. Көкшетау мәдениет үйінде өткен шарада бос орын қалмады. Және де сұрақ қоямын деушілер микрофонға кезекке де тұрды. Жаңаша форматта өткен шараны ұйымдастыру жоғары деңгейде жүргізілгені көрініп-ақ тұрды. Ал атқарылған шаруаның жайы қалай?

Егемен Қазақстан
25.02.2018 8076
2

Жоғарыда  атап кеткеніміздей, шынымен де бұл есептік кездесу ашық форматта өтті. Қатысушыларды есіктен тізіммен кіргізу болған жоқ және де тәртіпті қадағалайтын полицейлерді де көрмедік.  Міңберде қақиып баяндама оқып тұрғанның орнына сахнада  еркін жүріп, слайд арқылы аяғынан тік тұрып баяндаған облыс әкімі ақпараттық коммуникацияны жақсы меңгергендігін көрсетті. Мүмкіндігінше қолындағы планшетке көз жүгіртпеуге тырысты. Және де скайп және өзге де құрылғылар арқылы онлайн режимінде байланысқа шығып, өңір тұрғындарының қойған сауалдарына жауап беріп отырды. 

 Келтірген мәліметтеріне қарағанда, 2017 жылы өңірдің әлеуметтік-экономикалық дамуында оң өзгеріс орын алыпты. Тартылған инвестиция 257 миллиард теңгені құрап, 106,1 пайыздық өсім  көрсеткішіне ие. Облыста 12 мың жаңа жұмыс орындары құрылып, жұмыссыздық көрсеткіші 4,8 пайыз деңгейінде қалыптасқан. Өнімді жұмыспен қамту және жаппай кәсіпкерлік мемлекеттік бағдарламасы бойынша былтыр 15 мың адам тұрақты жұмыс тапқан. Ал айлық жалақы 110 мың теңгені құрапты. Бұл ретте 2017 жылы өнеркәсіп өндірісінде өңдеу өнеркәсібінің үлесі 80 пайызға жетіп  (еліміз бойынша 4 орын),  өңірлік жалпы өнім көлемі 17 пайызға өскен. Степногор подшипник зауыты, «Алтынтау Көкшетау» ЖШС, «Қазақалтын» концерні, «ЕНКИ» кірпіш зауыты және өзге де кәсіпорындар ақмолалық индустрияны алға сүйреуші локомотивке айналып отыр. Мысалы, «КАМАЗ-Инжиниринг» АҚ жүк және өзге де арнайы техниканың 900 данасын шығарып, 40 пайыздық өсімді көрсетсе, осыдан 3 жыл бұрын Целиноград ауданында ашылған «Sky Express Elevator KZ» ЖШС 77 лифт және 8 эскалатор шығарғаны да әкім есебінде көрініс тауыпты. Және де «КАИК» ЖШС мемлекеттік қолдаудың арқасында тіркемелі техника мен аспалы құрал-жабдықтарды шығаруға кірісіп те кеткен. Елбасының АҚШ-қа сапары нәтижесінде «Amity» тұқым себу кешенің құрастыру лицензиясына қол қойылып, құны 1,5 миллион доллар болатын алғашқы 12 данасы үстіміздегі жылдың наурызында шығады деп күтілуде. Сонымен бірге Ростсельмаш компаниясымен «Buhler» маркалы ауыр тракторларды құрастыру үшін лицензиялық келісімге қол қойылады деп күтілуде. Беларусь елімен биылғы жылы 1800 дана техника құрастыру жоспарланып отыр. Бұдан басқа, Көкшетау қаласындағы «Eurasian Group Kazakhstan» ЖШС базасында John Deer комбайндарын жинау да көзделген. 

Индустрияландыру картасына сәйкес өткен жылы құны 95 миллиард теңге болатын 7 жоба жүзеге асырылып, жаңадан 1119 жұмыс орыны құрылғанын облыс әкімі ерекше атап көрсетті. Жеке инвестордың 63 миллиард теңге салуы есебінен жылына 2 миллион тонна цемент шығаратын ірі зауыт та іске қосылғаны да назардан тыс қалмады. Бұдан басқа, өңірде жалпы алғанда қуаты жылына 4 тонна болатын үш алтын өндіру зауыты салынады. Мемлекеттік инновациялық гранд (60 миллион теңге) арқылы «BIOTRON GROUP» ЖШС ауыл шаруашылығы малдарына арналған вакцина шығара бастады. Жоба Степногорск қаласында биотехнология кластерін құрудың алғашқы қадамы саналады. Сондай-ақ қайта өндеу секторын ары қарай дамыту мақсатында Индустрияландыру картасына сәйкес құны 500 миллиард теңге болатын 10 жоба жүзеге асырылуда. Соның алтауын (53,4 миллиард теңге) аяқтау биылғы жылға жоспарланған. Баламалы қуат көзіне қатысты айтар болсақ, әкім реті келгенде қазір жұмыс істеп жатқан Ерейментау ауданындағы жел электр станциясы (45 МегаВатт) мен Целиноград ауданындағы желден қуат алатын құрылғыны (750 Квт/сағат) ерекше атап кетті. Жалпы 2030 жылға қарай баламалы энергия үлесін 30 пайызға арттырып, өңірде өндірілетін электр қуатының 54 пайызын осы баламалы қуат көздері арқылы өндіру көзделген. Аграрлық салада да оңды өзгерістер ортаға салынды. 2017 жылы облыстағы 3,5 мың агроқұрылымдарға 38 миллиард теңге мемлекеттік қолдау көрсетілуінің арқасында ауа райының қолайсыздығына қарамай жоғары сапалы 5,1 миллион тонна астық жиналды. М.Мырзалин реті келгенде қазіргі кезде тиімді пайдаланылмай жатқан жерлерге ғарыштық мониторинг жасалатынын, соның нәтижесі бойынша ол жерлер алынып, жақсы жұмыс нәтижесін көрсеткен  шаруаларға үлестірілетінін алға тартты. Қазіргі таңда облыста 35 ауыл шаруашылығы кооперативі құрылса, тағы 28-і ұйымдастырылатыны аталды. Өзін өзі жұмыспен қамтушылардың 70 пайызы осы ауылдық жерлерде тұратыны да қаперге салынды. Мәлік Кеңесбайұлы реті келгенде қытайлық кәсіпкерлер «Көкшетауминводы» АҚ өнімін Гонконг пен Қытайдың Гуандун провинциясына сату жөніндегі сауда әріптестігі болуға асық екендіктерін білдіргендігімен бөлісті. Ал толықтай алғанда қазір Ақмола облысынан 80 тарта компания өз өнімдерін экспортқа шығарып келеді екен. 

2017 жылы азық түлік өнімін өндіру 13 пайызға (өсімдік майын өндіру – 170 пайыз, ет – 122 пайыз, колбаса өнімдері 124 пайыз және ұн 112 пайыз өсімге ие) артып, 80 миллиард теңгеге жеткен. Шағын және орта бизнес субъектілерінің саны 1 мың бірліктен 41719-ға дейін өскендігі ерекше аталды. Соның нәтижесінде қосымша 6 мың жұмыс орыны құрылып, бюджетке салық ретінде 21 пайыздық қосымша түсім түскен. Мысал да жоқ емес. Үшінші топтағы мүгедектігі болса да Есет Нұралин деген азамат Жұмыспен қамту бағдарламасы бойынша 3 миллион теңге несие алып, Красный Яр ауылында жылыжай ашыпты. Ал Зеренді ауданының тұрғыны Андрей Рыманов өз қаржысына спорттық-сауықтыру орталығын салуды ойластырғандығын айтып, облыс әкіміне осы ұсынысымен шыққан көрінеді. Өйткені жергілікті әкімдік жер телімін беруді қажет деп таппаған. М.Мырзалин аудан әкіміне бұл мәселені шешуді жүктей отырып, барлық өңірлерде өз қаржысына әлеуметтік және өзге де тұрғындарға қажетті нысандарды салушыларға қолдау көрсетілуі қажеттігін қатаң ескертті. Өйткені Елбасының өзі облыс әкімдерінен осыны талап етіп отыр. «Нұрлы Жер» бағдарламасы шеңберінде 2017 жылы 426 мың шаршы метр тұрғын үй пайдалануға берілсе, бұл 3640 отбасы өздерінің баспана мәселесін жақсартып алғандығын көрсетеді. Сонымен қатар 11 ауылдық елді мекенде 241 шақырым болатын су құбыры тартылыпты. Бүгінгі таңда елді мекендерді орталықтандырылған ауыз сумен қамтамасыз ету 59 пайызға ғана шешімін тапқан. Сондықтан да биылдыққа 14 ауылда су жеткізу құбырларын тарту көзделсе, тағы 19-да жобалау-сметалық құжатын әзірлену қолға алынған. Өңір тұрғындары үшін тағы бір жақсы жаңалық, «Global Gas Group» ЖШС Ақмола облысына көгілдір отын жеткізу жобасы бойынша белсенді жұмыс жүргізіліп жатқандығы айтылмай қалмады. Алғашқы кезеңде облыс орталығын қосқанда жеті аудан, соның ішінде Бурабай поселкесі газбен қамтамасыз етілетіні ауызға алынды. Өткен жылы «Нұрлы Жер» жобаларын қоса есептегенде облыста 630 шақырым жол жөндеу көрсе, соның 236 шақырымы жергілікті жолдар саналады. Бұл орайда «Щучинск-Зереді» тас жолы және Көкшетау қаласына кіре берістегі жол (4 жолақты) үлкейтіліп, айтарлықтай өзгереді деп күтілуде. Сонымен қатар Ақкөл, Атбасар, Бұланды, Есіл, Ерейментау, Жарқайын, Зереді және Сандықтау аудандарында поселкеаралық жолдар да жөндеу көреді.

 Бүгінде білім беру процесінде 515 мектеп ақпаратты-коммуникативтік  технологияларды қолданады. Облыстағы барша мектептер Интернет желісіне және «Bilim Land» инновациялық білім беру платформасына қосылған. Мектептерді мультимедиялық және жаңа радиотехникалық кабинеттермен жарақтандыру бойынша жұмыстар жүргізілуде. Мемлекет басшысының тапсырмасына орай мұғалімдердің жалақысы 30 пайызға өскені ерекше аталды. Ал 2018 жылы 12 жаңа нысан салынса, тағы 15-і күрделі жөндеуден өткізілетін болады. Өткен жылы облысқа 384 медицина қызметкерлері келсе, солардың 140-ы дәрігер. Олардың 61-іне облыс орталығынан пәтер бөлініпті. Әкім орайы келгенде Ш.Уалиханов атындағы Көкшетау университеті базасында 150 орындық медицина факультетін ашу мәселесінің қарастырылып жатқандығымен де бөлісе кетті. Щучинск-Бурабай курортты аймағын дамытудың үшінші кезеңіне сәйкес 60 миллиард теңге игеріліп жатқандығына назар аудартқан М.Мырзалин биыл Щучинск қаласы мен Бурабай поселкесінде инженерлік желілер мен авто жолдың салынатындығын жеткізді. Мәселен, Үлкен Чебачье көлі жағасында 233 гектарлық аумақта жаңа курортты аймақ салынады. Ал Бурабай поселкесінің өзінде 14 гекатр жерге мешіт, автотұрақ және тұрғын үйлері бар курорттық кешен бой көтереді деп күтілуде. Тағы бір жағымды жаңалық, «Rixos»  қонақ үйі маңында жалпы аумағы 370 гектарға премиум-класты курорттық аймақ пайда болады. Әкім сонымен қатар Көкшетау қаласына да тоқталмай өтпеді. Атап айтқанда, қала айналасын көк желекке айналдыру мақсатында 1292 гектар аумаққа тал отырғызу басталатындығымен бөлісті. Қала орталығындағы Қопа өзеніне балық жіберіліп, жағажай айтарлықтай өзгеріске ұшырайтындығы да көлденең тартылды. 2017 жылы «Рухани жаңғыру» бағдарламасының аясыңда 4,4 миллиард теңге сомасына 115 іс-шара жүзеге асырылса, «Қазақстанның 100 қасиетті орыны» республикалық картасына Ақмола облысының 10 нысаны кіріп отыр. Қазіргі таңда барлық қасиетті орындар туралы ақпарат заманауи QR-коды технологиясы бойынша сандық жүйеге көшірілуде.

Сөзінің соңында өңір басшысы еліміздің бағдарламалық құжаттарын жүзеге асыру мемлекет пен жеке бизнестің бірлесе әрекет етуінің арқасында жүзеге асырылатындығын ерекше атады. Ешкім де сырт қалмауы тиіс. Бірлескен күш біріктірудің арқасында ғана тұрақты экономика өсімін қамтамасыз етуге мүмкіндік бар. Ол үшін өңірдің экономикалық және рухани әлеуеті жеткілікті. Елбасының сенімі мен өңір тұрғындарының үміті қаншалықты ақталды оны біз ағымдағы жылы білетін боламыз.

Асқар ТҰРАПБАЙҰЛЫ,
«Егемен Қазақстан»

Ақмола облысы.облысы

СОҢҒЫ ЖАҢАЛЫҚТАР

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

21.09.2018

Тұрмыстық қатты қалдықтарды өңдеу бойынша жоба әзірленді

21.09.2018

Кәрім Мәсімов терроризмге қарсы орталықтың отырысын өткізді

21.09.2018

Қостанайлықтар жарықдиодты шыны жолмен жүреді (ВИДЕО)

21.09.2018

Қанат Ислам мақтааралдық жас боксшыларға мастер-класс өткізді

21.09.2018

Алексей Луценко: «Алматы турын» апталық жарыс қылса керемет болар еді

21.09.2018

Бурабайда жаңа мешіт ашылды

21.09.2018

Онкологиялық қызметтің атасы Сәкен Нұғмановтың 100 жылдығы атап өтілді

21.09.2018

Дзюдошы Ерлан Серікжанов жартылай финалға шықты

21.09.2018

Қайрат өз құрамын жария етті

21.09.2018

Асқар Жұмағалиев Үндістанның АТ және телекоммуникациялар министрімен кездесу өткізді

21.09.2018

Шетелдік мамандар ауылдық мектеп оқушыларына ағылшын тілін оқытуды бастады

21.09.2018

Шыңғырлау ауданында төрт емдеу нысаны күрделі жөндеуден өтті

21.09.2018

Рани Мукерджидің қазақтарға сәлемі

21.09.2018

Елбасы «Қазатомөнеркәсіп» ҰАК» АҚ басқармасының төрағасын қабылдады

21.09.2018

Даниал Ахметов Зырян ауданын Алтай деп атау туралы ұсынысты қолдады

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу