Ел асыға күтер ерекше мейрам

Қазақстанда халықтың болашаққа деген сенімін арттыруда, ел бірлігін нығайта түсуде, барлық табыстарымыз бен игіліктерімізге қоғамдық келісім мен татулықтың арқасында қол жеткізіп отырғанымызды жұртшылықтың жадында жаңғыртуда жалпыхалықтық мерекелеріміздің орны бөлек. Бұл мейрамдардың арасында Қазақстан Президенті Н.Ә.Назарбаевтың 2016 жылдың 14 қаңтарындағы Жарлығымен бекітілген, барша қазақ­стан­дықтар осымен үшінші рет атап өткелі отырған, аз ғана уақыт­тың ішінде халықтың қолдауына ие болып, бұрыннан тойланып келе жатқан айтулы мейрамдармен терезе теңестіре білген,1 нау­рызға белгіленген Алғыс айту күні мерекесі де бар.

Егемен Қазақстан
01.03.2018 1658
2

Сәл шегіне сөйлесек, қа­зақ­стандықтар Алғыс айту күнін алғаш рет 2016 жылы тойлады. Ел-жұртымыздың көңілінен шығып, жылы қабылданған бұл мереке сол сәттен бастап өз арнасын тауып, жалпыхалықтық сипатқа ие болып шыға келді. Бұл мерекенің негізгі мазмұны «Мəңгілік ел» жалпыұлттық патриоттық идеясын жүзеге асыру мен қазақстандық біртектілік пен бірлікті дамытудың мін­дет­терімен толық сәйкес келеді. Осы орайда, бұл атаулы күнді мере­келеудегі көзделетін ең бас­ты мәселелерді ашып көрсеткеніміз жөн. Өйткені халық Алғыс айту күні мейрамының ішкі мә­нін тереңнен ұғына түскені ма­ңызды.

Жалпы, Алғыс айту күнін атап өту­дің негізгі мәні тағдырдың талайы­мен Қазақстанға қоныс аударылған түр­лі этнос өкілдеріне қазақ жері мен меймандос қазақ халқына тағ­зым етіп, алғыстарын білдіруге кең ау­қымда, мемлекеттік сипатта мүмкіндік берілуімен тікелей байланысты. Бұл өз кезегінде ел бірлігіне ұйытқы болар ішкі үндестіктің, өзара сенімділік пен өзара сый-құрметтің орнығуына зор ықпалын тигізеді. Қазақ халқының ке­зінде олардың басына түскен тау­қыметті бірлесе көтере білгені қазіргі таңда ел ішіндегі адамгершілік қарым-қатынастардың дамуына оң әсер етіп отыр. Осы арада еліміздегі этностардың қазақ халқына деген құрметі де жыл сайын артып келе жатқанын айта кетуіміз керек.

Тағы бір ерекше тоқтала кетер жайт, Елбасы Нұрсұлтан Назарбаевтың бейбітшілік пен келісімді нығайту бағытындағы сындарлы саясатының терең мазмұнын аша түсетін Алғыс айту күнін ел дамуына атсалы­сып келе жатқан барша қазақ­стан­дық­тардың бір-біріне құрмет білдіруінің, қайырымдылық іс­терге, əлеуметтік ынтымақ пен өзара көмекке қол­дау көрсетудің күні ретінде де қарас­тырамыз. Сондай-ақ бұл мерекеде қазақ­стандық патриотизмнің, татулы­­ғымыздың, мəдени саналуан­ды­ғы­мыздың жарасым тапқанын да атап көрсету көзделген. Бұған қоса, хал­қымызды ұйыстыруға бағытталған «Мəңгілік ел» жал­пыұлттық патриоттық идея­сының, қазақстандық бірегей­ліктің негізгі арқауы саналатын бір шаңырақ астына топтасу мақсатын жүзеге асырудың маңыздылығы да осы мереке барысында айқындала түседі. Осы орайда Астанада 2016 жылы 1 наурызда Алғыс айту күнін атап өтуге арналған алғашқы салтанатты жиында айтқан Мемлекет басшысының: «Алғыс айту күні – енді ұлттық күнтізбедегі Еңбек күні, Отбасы күні сияқты өзге де мерекелердің қатарындағы жаңа дата. Мен бұл мереке қазіргі уақытта аса қажет біздің қоғамдағы сенімді, келісім мен достықты бұрынғыдан да нығайта түсетініне сенімдімін», – деген сөзі еске түседі.

Жалпы, Алғыс айту күнін атап өту барысында қазақтың кеңпейілдігі, қонақжайлылығы, мейірімділігі, мырзалығы жұртшылықтың жадында қайта жаңғырып, ұлтымыздың ұлағатты жолы, адами құндылықтары жарқырай көрінеді. Мұны барша қазақстандықтардың мерейлі сәті деп сипаттасақ та артық болмас. Әсіресе, бұл мерекеде тағдырдың тәлкегімен кезінде елімізге қоныс аударған түрлі этнос өкілдеріне қазақ халқының көрсеткен қамқорлығы, оларды өзі жетісіп отырмаса да төріне шығарып, бір үзім нанын бөліп бергені, ұлтымыз тарапынан көрсетілген мейірімділіктің жарқын үлгісі қоғам санасында әсерлі жаңғырады.

Бұл орайда Елбасы саяси қуғын-сүргін жылдарының куәгерлері мен олардың ұрпақ­тары қазақтардан көрген қамқорлығын әркез ыстық ықыласпен еске алатынын өз сөзіне үнемі арқау етіп жүретіні бар. Мәселен Алғыс айту күні мерекесінің Астанада өткен алғаш­қы алқалы жиынында Мемлекет басшысы: «Олар кезінде өздеріне де оңай болмағанына қарамастан, қазақтардың қайырымдылығы үшін, сол кездегі тыйымдарға қарамастан, батыл әрі риясыз көмегі үшін алғыс айтады. Қазақтар да бауырластарға туған өлкеге деген сүйіспеншілігі үшін, жеріміздің түрленуіне қосқан үлесі үшін, ұлттық мәдениетке, тілге және дәстүрге деген құрметтері үшін алғыс білдіреді», деген болатын.

Негізінде, Қазақстан көп этносты ел болып ХХ ғасырда қалыптасты. Бұған қатысты тарихи статистикалық деректерді тарата айтар болсақ, Столыпин реформасын жүзеге асыру барысында елімізге Беларусь, Украина және Ресейден 1 миллионнан астам адам қоныс аударған. Бұдан кейін, яғни өткен ғасырдың 30-жылдарындағы ұжымдастыру кезінде бұрынғы КСРО-ның орталық аймақтарынан дүние-мүлкі тәркіленген 250 мың шаруа жер аударылды. Бұған қоса, осы қарсаңдарда өнеркәсіп нысандарының құрылысы үшін 1,2 миллион адам келді. Сондай-ақ Сталин режімінің ықпалымен 800 мыңға жуық неміс, 102 мыңдай поляк, 500 мыңнан астам Солтүстік Кавказ халықтарының өкілдері, 18,5 мың корей отбасы Қазақстанға жер аударылған. Қазақ даласына жүк вагондарымен, әскери машиналармен арып-ашып жеткен оларға жергілікті қазақтар барынша көмек қолын созды. Мұны ешкім жоққа шығара алмайды.

Бұған қосымша, еліміз сталиндік қуғын-сүргін кезінде Қазақстандағы жазалау лагерь­леріне қамалған мыңдаған тұтқын­дардан осында қалып қойғандарға, Екінші дүние­жүзі­лік соғыс кезінде Қазақстанға эвакуация­лан­ған 350 мың адамға, 1950 жылдары тың игеруге келген 1,5 миллион жанға, жабық әскери нысандарда өзге өңірлерден келіп еңбек еткен 150 мың маманға құтты мекен бола білді.

Осы арада айрықша айтатын мәселе, елімізге қоныс аударылғандардың еш кінәсі жоқ екенін қазақ халқы терең түсінді. Бұл түсінік қазақтардың елге келген этностарға мейіріммен қарауына үлкен септігін тигізді.

Міне, осы жоғарыда айтылған жағдаяттар­дың барлығы барша қазақстандықтардың санасынан өшпеуі тиіс. Сондықтан татулық пен келісімде өмір сүріп жатқан көп этносты елміздің бірлігі мен ынтымағын, тұрақты­лығы мен орнықты дамуын қамтамасыз ету мақсатындағы шараларды қолға алғанда Қазақстанның көп этносты мемлекет болып қалыптасу тарихы, Елбасы айтқан «Этностық алуандылық – біздің елдің әлсіз тұсы емес, оның байлығы», деген ұлағатты сөз басты назарда болғаны абзал.

Қорыта айтқанда, Алғыс айту күні халық достығын, ынтымағын нығайтып, ел мүддесін ортақ бір арнада тоғыстыратын жаңа сипатты мереке. Оның өзегінде өзара құрмет пен сенімді ту еткен отандастарымызды бірік­тіруші күш, ізгілікке шақырар мейірім бар. Мереке құтты болсын, ағайын!

 

Жолдыбай БАЗАР,

«Егемен Қазақстан»

 

СОҢҒЫ ЖАҢАЛЫҚТАР

12.12.2018

Елбасының «Ұлы даланың жеті қыры» атты мақаласын талқылауға арналған TEDx форматында жиын өтті

12.12.2018

Мемлекет басшысының төрағалығымен Түркістан қаласын дамыту мәселелері жөнінде кеңес өтті

12.12.2018

Астанада Гейдар Алиевті еске алды

12.12.2018

Алматыда ережесіз жекпе-жектен жарыс өтеді

12.12.2018

«Жер жәннаты – Ақмола» деп аталатын жинақ жарыққа шықты

12.12.2018

Солтүстік Қазақстанда Желтоқсан құрбанын еске алу турнирі өтті

12.12.2018

Сенатта сыбайлас жемқорлыққа қарсы стратегияны іске асыру мәселелері талқыланды

12.12.2018

Солтүстік Қазақстанда цифрлы сүт фермасы іске қосылды

12.12.2018

Қазақ киносының Бауыржанын еске алды

12.12.2018

«Маңғыстау - адалдық алаңы» жобалық кеңсесі ашылды

12.12.2018

Павлодар облысында тұрғындар ауыз суды Ертіс өзенінен алуға мәжбүр

12.12.2018

Солтүстік Қазақстанда қарымды қаламгер Мәлік Мұқановтың  мерейтойы атап өтілді

12.12.2018

Маңғыстау полицейлерінің жалақылары өседі

12.12.2018

Отандық автоөндіріс саласының инвесторлары Қостанайда болды

12.12.2018

Конькиден Алматы қаласының біріншілігі аяқталды

12.12.2018

Қыздар университетінде тұрмыстық әлімжеттікке қарсы жиын өтті

12.12.2018

Қазақ спорт және туризм академиясында Президенттің «Ұлы даланың жеті қыры» мақаласы талқыланды

12.12.2018

Қарағанды облысында 2019 жылдың бюджеті бекітілді

12.12.2018

Павлодарда патриоттық әндер фестивалі өтті

12.12.2018

Шытырман оқиға жазудың жүйріктері анықталды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

ҰҚСАС ЖАҢАЛЫҚТАР

Тағы да оқу

Пікір қосу