Т.Әбдікәкімұлы: Тұрмыс оңалмай, тірлік оңалмайды

Елбасы Нұрсұлтан Назарбаевтың Парламент палаталарының бірлескен отырысында Қазақстан халқына арнаған «Президенттің бес әлеуметтік бастамасы» атты Үндеуін бастан-аяқ зейін сала тыңдадым. 

Егемен Қазақстан
06.03.2018 3511
2

Өз басым оны Үндеу деп емес, ел рухы мен тұрмысының қажыр-қайратын арттырудағы һәм экологияны гүлдендірудегі ширек ғасырдан астам уақыт бойы ұдайы, үзіліссіз-үздіксіз атқарылып келе жатқан мемлекеттік жаңғырудың Елбасы түзген саяси-әлеуметтік һәм экономикалық сатылы бағдарламаларының заңды жалғасы екендігін ұқтым. Көрегенділік пен іскерлік, салиқалы-сабырлы басшылық қабілет нәтижесінде сомдалған сондай сатылы бағдарламалардың арқасында біз әлемдегі аса қуатты елдердің соңғы екі-үш ғасырдай уақыт бойы жүріп өткен жолдарын барынша қысқа уақытта, біліктілік пен бірлікте абыроймен өтіп те үлгердік. Алда жаңа мақсаттар мен оларға жету жолдарындағы экономикалық, технологиялық, тағы басқа сандаған жағдаяттардың орасан алгоритмін шапшаң меңгеріп, жүзеге асыру міндеттері тұр.

Қош, Отан деген жай бір көркем атау емес, ол – баршамыздың ешқандай сау­да мен дилеммаға салынбайтын киелі туған жеріміз, бабаларымыздан қалған байтақ атамекеніміз. Ал қалың қазақ үшін Атамекен-Отан ең әуелі «Өз үйім – өлең-төсегім» қағидасы бойынша қастер тұтылады. Әр отбасының өз үйі – «өлең-төсегі». Президентіміздің бұл жолғы тактикалық бағдарламасындағы «Әрбір отбасына баспана алудың жаңа мүмкіндіктерін беру» атты бірінші бастамасы – бабаларымыздың сол, «Өз үйім – өлең-төсегім» даналығына сай атқарылар қарекеттің ғылыми негіздері. Аталмыш бастамадағы «7 – 20 – 25» бағ­дарламасы» – сол алапат шаруаның абыроймен атқарылуына арналған әмбебап механизм.

«Екінші бастама: «Жалақысы төмен жұмысшылардың еңбекақысын көбейту үшін олардың салық жүктемесін азайту». Бұл ретте «жалақысы төмен қазақстандықтарды қолдау үшін, 2019 жылдың 1 қаңтарынан бастап олардың салық жүктемесін 10 есеге азайтып,
1 процент қана салық салу» көзделінуде. Соның нәтижесінде «еліміздегі барша жалдамалы жұмыскерлердің кемінде үштен бірінің ( бұл 2 миллионнан астам адам) жалақысы жұмыс берушіге салмақ салмай-ақ көбейетін болады». Ол да нақты дүние.

Сөз жоқ, ғылым мен техникалық, коммуникациялық киберүдеріс көз ілеспес шапшаңдықпен дамып бара жатқан қазіргі заманда отыз озық елдің соңында салпақтамай, қапталдаса ілгерілеу үшін білім мен ғылым саласында әлемдік стандарттарға сай өнегелі-өрісті реформалар іске асуда. Әрине оларды сын қырына алып, тезге саларлық тұстары да жоқ емес. Үміт пен сенім – «көштің жүре түзелетінінде». Десек те ол салада кезек күттірмейтін аса маңызды жағдаяттардың бірі – оқу орындарының жатақханалары мен  грант мәселелері. «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» атты үшінші бастамасы» – дәл сол проб­лемалар шешімдерінің қысқа мерзімде оңтайлы іске асуын қамтамасыз етуге  бағытталған құнды тұжырымдардан тұрады. Ол бойынша, «жыл сайын бөлінетін 54 мың грантқа қосымша, 2018-2019 оқу жылында тағы 20 мың грант бөлу (оның 11 мыңы техникалық мамандықтар бо­йынша бакалаврлық білім беруге тиесілі) жоспарлануда».

Қазір жоғары оқу орындары мен колледждердің студенттерін жатақ­ханамен қамтамасыз ету мәселесі де – өте күрделі жайт. Оны шешудің ең тиімді тәсілі – «сол мекемелер мен деве­лоперлік компаниялардың мемлекет пен жекеменшіктік серіктестігінің бірлестігі қағидасымен жатақхана салуды қолға алу». «Үшінші бастаманың» алтынқазық идеясы сонда.  Тағы бір өте маңызды жаңалық – «мемлекет өз тарапынан, Білім және ғылым министрлігі арқылы, жатақхана құрылысына жұмсалған инвестициялардың белгілі бір бөлігінің біртіндеп қайтарылуына толық кепілдік береді». Сол бойынша, 2022 жылдың соңына дейін студенттерге арнап, кемінде 75 мың орындық жаңа жатақхана салу тапсырмасы нақты айқындалып отыр.

Бабаларымыздан қалған даналық бізге өмірдің «қарыз пен парыз айналайы­ны» екендігін де айтады. Оның негізгі формуласы: «Адамның күні – адаммен». «Шағын несие беруді көбейту» деп аталатын «төртінші бастаманың» идеялық ұстанымы да, негізінен алғанда, сол қағидат ережелері мен шарттарына сайма-сай. Ол орайда, Елбасы жауапты органдар мен мекемелерге 2018 жылы қосымша 20 миллиард теңге бөліп, шағын несиелердің жалпы сомасын 62 миллиард теңгеге жеткізуді тапсырып отыр. Яғни шағын несие алатындардың саны былтырғыдан 2 есеге артып, 14 мың адамға жетпек. Алдағы уақытта белсенді түрде жалғасын табатын ол қызметтің қарқыны, әсіресе, ауыл-аймақтар үшін, ауылдағы кәсіпкерлікті барған сайын сапалы түрде дамыта түсу үшін айрықша маңызды рөл атқаратын болады деген ойдамыз.

Бесінші бастама: «Елді газбен қамтамасыз етуді жалғастыру». Ол бастама бойынша Қараөзек (Қызылорда облысы) – Жезқазған – Қарағанды – Теміртау – Астана бағытында магистральді газ құбырын салу жобасын тездетіп жүзеге асыру міндеті тұр. Жоба нәтижесі 2,7 миллион адамды газбен қамтамасыз етумен қатар, шағын және орта бизнестің жаңа өндірістерін ашуға да ересен мүмкіндік беретініне, жалпы алғанда, қалаларымыз бен өзге де елді мекендеріміздің, Ұлы Даламыздың экологиясын жақсартуда да аса зор жетістіктерге қол жеткізетініне сеніміміз мол. Осы арада айта кетейік, бізде, Зайсан өңірінде газ өндіріледі. Қазіргі уақытта Зайсан қаласының өзі газбен толықтай қамтамасыз етілген. Енді көгілдір отынды ауылдарға тарту жұмыстары жүргізіліп жатыр. Болашақта Зайсанның газымен көршілес аудандарды да қамту жоспарланған. Бірақ өкінішке қарай,  жұмыс барысы өте баяу. Мына бесінші бастама сол істердің тезірек орындалуына өз ықпалын тигізеді.

Қош, осындай «бес бастамадан» тұратын бағдарлама еліміздің барша азаматтарының тұрмыс-тіршілігінде жиып-терген игілігінің одан сайын молая түсуіне кепіл болары сөзсіз.

Елбасының Қазақстан халқына арнаған «Президенттің бес әлеуметтік бастамасы» бағдарлама ретінде заңдық тұрғыдан бекітілер болса, мемлекетіміз де одан сайын айбынданып, ынтымағымыз да нығайған үстіне нығая береді, қоғамымыз да гүлдене түседі.

 

Тыныштықбек ӘБДІКӘКІМҰЛЫ,

ақын, Қазақстан Жазушылар одағының мүшесі

СЕМЕЙ

 

СОҢҒЫ ЖАҢАЛЫҚТАР

12.12.2018

Елбасының «Ұлы даланың жеті қыры» атты мақаласын талқылауға арналған TEDx форматында жиын өтті

12.12.2018

Мемлекет басшысының төрағалығымен Түркістан қаласын дамыту мәселелері жөнінде кеңес өтті

12.12.2018

Астанада Гейдар Алиевті еске алды

12.12.2018

Алматыда ережесіз жекпе-жектен жарыс өтеді

12.12.2018

«Жер жәннаты – Ақмола» деп аталатын жинақ жарыққа шықты

12.12.2018

Солтүстік Қазақстанда Желтоқсан құрбанын еске алу турнирі өтті

12.12.2018

Сенатта сыбайлас жемқорлыққа қарсы стратегияны іске асыру мәселелері талқыланды

12.12.2018

Солтүстік Қазақстанда цифрлы сүт фермасы іске қосылды

12.12.2018

Қазақ киносының Бауыржанын еске алды

12.12.2018

«Маңғыстау - адалдық алаңы» жобалық кеңсесі ашылды

12.12.2018

Павлодар облысында тұрғындар ауыз суды Ертіс өзенінен алуға мәжбүр

12.12.2018

Солтүстік Қазақстанда қарымды қаламгер Мәлік Мұқановтың  мерейтойы атап өтілді

12.12.2018

Маңғыстау полицейлерінің жалақылары өседі

12.12.2018

Отандық автоөндіріс саласының инвесторлары Қостанайда болды

12.12.2018

Конькиден Алматы қаласының біріншілігі аяқталды

12.12.2018

Қыздар университетінде тұрмыстық әлімжеттікке қарсы жиын өтті

12.12.2018

Қазақ спорт және туризм академиясында Президенттің «Ұлы даланың жеті қыры» мақаласы талқыланды

12.12.2018

Қарағанды облысында 2019 жылдың бюджеті бекітілді

12.12.2018

Павлодарда патриоттық әндер фестивалі өтті

12.12.2018

Шытырман оқиға жазудың жүйріктері анықталды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

ҰҚСАС ЖАҢАЛЫҚТАР

Тағы да оқу

Пікір қосу