Аягөзде баспанасы қираған 8 отбасыға бірінші кезекте үй беріледі

Облыс әкімі Даниал Ахметов кеше Аягөз ауданына арнайы барып, тасқыннан зардап шеккен үйлерді аралап, тұрғындармен кездесті. Айдың-күннің аманында баспанасынан айырылу кімге оңай тисін? 

Егемен Қазақстан
14.03.2018 3379
2

Бар-жоғы 15 минуттың айналасында екі метрге жуық тасқын судың астында қалып, күл-талқаны шыққан үйлердің тұрғындары әуелде ашуға ерік беріп, тіпті кейбірі көздеріне жас алып, жергілікті әкімдікті сын садағына алғанымен аймақ басшысы мән-жайды түсіндіргеннен кейін барып көңілдері орнына түскендей болды. Облыс әкімімен бірге су алған үйлерді аралағанымызда «За линий» деп аталатын шағын ауданда түйткілді мәселелердің аз емес екенін аңғардық. Тұрғындардың бірі «жергілікті әкімдік қарайласпаған соң көпірді өз күшімізбен салып алдық» десе, енді бірі бұл ықшам ауданда су, жарық мәселесінің шешімін таппай отырғанын алға тартты.  

Д.Ахметов бір айлық жалақысын аударды

Аягөзде әуелде 20, сосын 40, кейін 100 үйді су басқаны туралы хабарланған еді. Бұл дерек күн сайын өзгеріп, 14 наурыздағы мәлімет бойынша 189 үйге су кіргені белгілі болды. Әзірге өзгермегені - мүлде жарамсыз болып қалған 8 үй мен апатты деп танылған 10 үй. Жермен-жексен болған немесе қабырғалары жарылып құлаудың аз-ақ алдында тұрған үйлерді өз көзімен көрген Д.Ахметов апатты деп танылған баспаналар біраз күнде 8 үйдің кебін киюі мүмкін екендігін жасырмады. «Сәл сабыр етіңіздер. Бірде-бір тұрғын назардан тыс қалмайды. Арнайы құрылған комиссия 10 күн ішінде тиісті шешім шығарады. Үйлері жарамсыз болып қалған тұрғындарға Аягөз қаласында салынып жатқан 60 пәтерлі үйден баспана беріледі. Немесе осы қаладан үй сатып алып беру мәселесін қарастырамыз. Үйлеріне су кірген, бірақ тұруға жарайтын баспана иелеріне де көмек көрсетіледі. Ертең облыстық «Парыз» қорынан Аягөздегі қалыптасқан жағдайды реттеуге 50 миллион теңге қаржы аударамыз», - деген-ді облыс әкімі 13 наурыз күні тұрғындармен кездесуінде. Бүгін өңірдегі тасқын жағдайына орай журналистерге арнайы брифинг өткізген аймақ басшысы аталмыш қаражат сағат 10-ға дейін «Аягөз болашақ» қорына аударылғанын, бұл ақша баспанасыз қалған 8 тұрғынға тез арада үй сатып алып беруге және тасқыннан зардап шеккен отбасылардың қажеттілігіне жұмсалатынын жеткізді. Сонымен қатар табиғаттың тосын мінезінен қиын жағдайды бастан кешіп отырған тұрғындарға көмек ретінде өзінің айлық жалақысын аударғанын да айтты.

Қолымызға тиген соңғы мәліметтерге жүгінсек, дәл қазіргі уақытта Аягөздегі №6 мектеп жанындағы интернатта 73 адам (оның 42-сі бала) уақытша тұрып жатса, 70 адам туыстарын паналауда. 217 тұрғын өз үйлеріне оралыпты.

Даниал Ахметов брифингте 10 наурыздан басталған тасқын кезінде облыс бойынша 229 үй (Аягөз қаласы – 189, Өскемен қаласы - 24, Ұлан ауданы - 5, Глубокое ауданы - 8, Зайсан ауданы - 2, Күршім ауданы – 1), 193 аула мен 110 саяжай нысанын су басқанын, апат кезінде 385 адам қауіпсіз жерге көшірілгенін, қазір барлық елді мекендер судан арылғанын, апаттық құтқару жұмыстарына 1070 адам мен 308 техника тартылғанын тілге тиек етті. «Әрине, мұнымен іс бітті деп арқаны кеңге салуға болмас. Дәл қазіргі уақытта Төтенше жағдай қызметінің мамандары 6 тікұшақпен әуеден бақылау жүргізіп, қауіпті деген жерлерді анықтауда. Аягөз бен Ұлан аудандарының әкімдері төтенше жағдай кезінде ширақтық танытып, тұрғындарға дер кезінде ескертіп, қауіптің алдын алды деуге болады. Өскемендегі жағдайды өздеріңіз де біліп отырсыздар. Үйлерін су алған тұрғындардың наразылығы да орынды. 10-15 адам жіберетін жерге 2 адам жіберілген. Бұдан кейін жағдай ушықпағанда қайтсін? Демек, жағдайды өзіміз де қиындатқанбыз. Тәжірибесіз басшыларға барлығын ескертіп отырмаған менің де кінәм бар шығар», - деді Даниал Ахметов.

7 үй су астында қалып отыр

13 наурызда газетімізде жарық көрген мақалада Шығыс Қазақстанның алты бірдей ауданы (Аягөз, Үржар, Күршім, Ұлан, Глубокое, Зайсан) ауданы мен облыс орталығы - Өскемен қаласының тұрғындары айтып келмейтін апатпен арпалысып жатқанын сөз етіп едік. Облыстық Төтенше жағдайлар департаментінің баспасөз қызметі Тарбағатай мен Шемонайха аудандарында да қарғын су жұртты әлекке түсіре бастағанын хабарлады. Тарбағатай ауданында Базар өзені қардың күрт еруінен арнасынан асып, Көктүбек ауылындағы 4 аула мен шаруашылық ғимараттарына су жайылыпты. Қазіргі уақытта аудандық төтенше жағдайлар бөлімі мен жергілікті атқарушы органдардың күшімен суды тұрғын үйлерден аластату шаралары қолға алынып, қауіпті аумаққа инертті заттармен толтырылған қаптар төселіп жатқан көрінеді. Оқиға орнында 35 адам мен 5 техника жұмыс істеуде. Ал Шемонайха ауданының Верх-Уба ауылында күннің жылынуынан 4 ауланы су басып кетіпті. Қазір арықтардан суды ағызу жұмыстары жүргізіліп жатыр.

Облыстық Төтенше жағдайлар департаменті баспасөз қызметінің соңғы берген мәліметтеріне сүйенсек, қазіргі уақытта облыста 7 үй су астында қалып отыр. Оның бесеуі - Өскеменде, екеуі – Күршімде. Аталған аумақтарда суды сору жұмыстары жүргізілуде. Облыс орталығындағы үйлерінен уақытша көшірілген 22 адамның 15-і қазір туыстарын паналап жатса, жетеуі «Үлбі» әлеуметтік қызмет орталығын мекен етуде.

Бүгін үйлері тасқыннан зардап шеккен адамдардың бір тобы уақытша орналастырылған Аягөздегі №6 мектеп жанындағы интернаттың директоры Ләззат Молдашеваға телефон шалып, жағдайды білдік. «Интернатқа әуелгі күні 37, екінші күні 50 адам әкелінді, қазіргі уақытта 91 (оның 52-і бала) кісі тұрып жатыр. «Мұндағы тұрғындарға таңертеңгі тамақты өзіміз, түскі және кешкі тамақты ауданның кәсіпкерлері беріп жатыр. Ауданның тұрғындары қолдан келген көмектерін аяп жатқан жоқ. Алыста жүрген жерлестеріміз де көмек қолын созып жатыр. Мәселен, белгілі әнші Тоқтар Серіков 100 мың теңгеге азық-түлік өнімдерін беріп жіберіпті. Аудандық білім бөлімі тасқын кезінде оқулықтары мен киім-кешектері су астында қалған оқушыларды мектеп формасымен және оқулықтармен қамтамасыз етті», - деді ол.

Азамат ҚАСЫМ,

«Егемен Қазақстан»

Шығыс Қазақстан облысы

Суретті түсірген Тілеубек ШАЯХМЕТ

СОҢҒЫ ЖАҢАЛЫҚТАР

19.03.2019

Сейсенбі күні Қазақстанның басым бөлігінде жауын-шашынсыз ауа райы күтіледі

19.03.2019

Қарасай ауданында екі дене шынықтыру-сауықтыру кешені ашылады

19.03.2019

Елбасы Ұлттық қауіпсіздік комитетінің төрағасына арнаулы атақ берді

19.03.2019

Кәрім Мәсімов Терроризмге қарсы орталықтың кезекті отырысын өткізді

19.03.2019

Қостанай облыcында суға батып кеткен джип шығарылды

19.03.2019

Шымкент қаласында Наурыз-керуен жүріп өтті

19.03.2019

Білім министрі «Наурыз каникулын» енгізуге қатысты пікір білдірді

19.03.2019

Ақтөбе облысының әкімі Ойыл және Қобда аудандарының дамуымен танысты

19.03.2019

Екі жылда 22,5 мың отбасы жеңілдікпен несие алады

19.03.2019

Роман Скляр: 25 жылда 56 мың көпбалалы отбасыға займ беріледі

19.03.2019

Роман Скляр: Салымшылар саны 1,3 миллионға жетті

19.03.2019

Астана, Алматы және Шымкенттегі жастар үшін пәтер құрылысына 7,2 млрд теңге бөлінді

19.03.2019

Ақпараттың жабықтығы – жемқорлықтың көзі

19.03.2019

Кредиттік тұрғын үйге әкімдіктер 108,8 млрд теңге тартуды жоспарлап отыр - Р.Скляр

19.03.2019

Роман Скляр: Жыл басынан бері 15 мың баспана пайдалануға берілді

19.03.2019

Пленарлық сессияға қатысты

19.03.2019

Қор қуатты қолдау көрсетеді

19.03.2019

Көпбалалы отбасылар үшін жалдамалы тұрғын үйдің құрылысына өңірлерге 50 млрд теңге бөлінеді

19.03.2019

СҚО әкiмi Айдарбек Сапаровқа алғыс бiлдiрдi

19.03.2019

«Халыққа көмек» бірқатар мәселені шешеді

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу