Өскеменде «Жандауа» драмасы сахналанды

Өскемендегі облыстық драма театрда «Жандауа» психологиялық драмасы сахналанды. Қойылымға ауылдан қалаға оқуға келіп, нашақорлық дертіне шалдыққан қазақ жігітінің өксікті өмірі өзек етілген.

Егемен Қазақстан
19.03.2018 115
2

Ағасының соңынан оқуға түскен қарындасы кейін ауылдағы таяққа сүйенген ата-анасын қалаға көшіріп әкеледі. Алайда қамқор әке-шеше нашақор баласынан көрмеген құқайды көреді. Зейнетақыларын бергені өз алдына үйдегі қымбат бұйым, құнды заттарының барлығынан айрылады. Қарызға белшесінен батып, есірткіге есірген ұлдары шыр-пыр болған әкесінің «Қасиет деген сөзді ұқтыра алмадым-ау саған» деген сөзіне қарамастан шаңырақтарының төрінде тұратын күмістелген ертоқымды да саудаға салады. Қос қария тас қаладан, шулы шаһардың безбүйрек тұрғындарынан әбден түңіледі. Ауылдың ақпейіл адамдарын аңсайды. Дегенмен де драма соңы жақсылықпен түйінделеді. Қыр баласын қызыққа батырам деп есірткі сатқандар милицияның құрығына түседі. Бабадан жеткен құнды мұра – күмістелген ертоқым да шаңырақ төріне оралады. Ал жатса-тұрса да дархан даланы аңсайтын жігіттің әке-шешесі «Ауылда ат үстінде жүрсең мұндай болмас едің-ау, қарағым! Жүр, ауылға қайтайық. Ауылдың жұпар ауасы мен бал қымызынан артық ем жоқ» деп ұлын алып туған ауылына тартады.

Психологиялық драманың авторы - Болат Ұзақов. Қоюшы режиссері – театрдың көркемдік жетекшісі Сахан Әкелеев. Туындыны өскемендік зиялы қауым өкілдерімен бірге тамашалаған облыс әкімінің орынбасары Әсем Нүсіпова жас ұрпаққа берер тағылымы мол осындай қойылымдарды студенттер мен мектеп оқушыларына көрсету қажеттігін атап өтті. Қойылымда негізгі кейіпкерлердің бірі нашақор жігіттің әкесінің рөлін сомдаған актер Қанат Ниязбеков бұл драма кезінде сахналағанымен, режиссер басқа тұрғыдан келгенін, оқиғаны тамаша шиеленістіре білгенін айтты. «Бізге баға беретін көрермен қауым ғой. Мәселен, мен өз рөліме көңілім толды деп айта алмаймын. Әлі де шикі тұстары бар. Мұндай қойылымдар 4-5 рет емес, 10-15 мәрте қойылуы керек. Сол кезде барып актер ашылады. Олқы тұстар түзеледі», - дейді актер. Драманың қоюшы режиссері Сахан Әкелеев қойылымда ғасыр дертінің зардабынан бөлек ұлттық құндылықтарымызды ұлықтау, өткенімізді ұмытпау мәселесіне ерекше назар аударылғанын жеткізді. Қойылымды сахналамас бұрын бұл тақырыпты мұқият зерттегенін, Өскемен қаласындағы нашақорлар диспансеріне барып, есірткіге елтіген жастардың мінез-құлқын бақылағанын тілге тиек етті. «Сенесіз бе, сенбейсіз бе, қаладағы жастардың 70-75 пайызы нашақор.
Олардың басым көпшілігі өзге ұлт өкілдері болса, бір-екі пайызы өзіміздің қаракөздер. Тіпті қазіргі уақытта нашақорлық дерті мектептерге де жетіп жатыр. Есірткіні әдемі конфет қағазына орап, оқушыларға ұсынып, оларды нашақорлыққа тартып жатқандар бар. Бұл - өте қауіпті. Біздің негізгі қаруымыз - өнер ғой. Мен азамат ретіндегі, режиссер ретіндегі ұстанған позициямды жұртшылыққа осы қойылым арқылы жеткізуге тырыстым. Байқасаңыз, сахнада алты құрлықтың суреті тұр. Осы арқылы нашақорлықтың ғаламдық қасірет екендігін де көрсеткіміз келді. Қазақтың салт-дәстүрін, халқымыздың бойындағы асыл қасиеттерді сақтаудың қаншалықты маңыздылығын көрерменге ұғындыруға талпындық. Айтар ойымызды көрермен қауым түсінді деп ойлаймын. Ерекше тебіреніп, көзіне жас алып, қойылымнан кейін келіп, пікірлерін айтып жатқан адамдар аз емес. 100 көрерменнің 10-ы ойланып қайтса біздің мақсатымыздың орындалғаны. Алдағы уақытта облыс әкімі Даниал Ахметов пен Мәдениет басқармасының қолдауымен осы драмамен өңіріміздің барлық аудандарын араласақ па деген жоспарымыз бар», - дейді театрдың көркемдік жетекшісі.

Азамат ҚАСЫМ,

«Егемен Қазақстан»

ӨСКЕМЕН

СОҢҒЫ ЖАҢАЛЫҚТАР

23.10.2018

Севильдік шаштараз шаш қимайды...

23.10.2018

Петропавлда сұйытылған газ жетіспейді

23.10.2018

Залесский: «Қазақ даласының өмірі»

23.10.2018

Жаңа құжат туризм секторына серпін бере ме?

23.10.2018

Жолдау-2018: Мамандар бастамаға қолдау көрсетуде

23.10.2018

Жолдауда айтылған өзекті мәселелер сөз болды

23.10.2018

Жаңа міндеттер жүктейді

23.10.2018

Балалар жылы жастар жылына жалғасады

23.10.2018

Қазақстанда еңбек кітапшасы алынып тасталады

23.10.2018

Павлодарға «Қайсар» келіп, «Ертісті» жеңіп кетті

23.10.2018

Ономастикадағы отарсыздану ойландырады

23.10.2018

Ортағасырлық қалалар әлемдік мәдениетке үлес қосты

23.10.2018

Қ. Әбдірахманов Қырғызстанның жаңа СІМ басшысын құттықтады

23.10.2018

Жолдау жете түсіндірілуде

23.10.2018

Қоғам қайраткері Талғат Кеңесбаев дүниеден өтті

23.10.2018

Жарқын бастамалар жалғасады

23.10.2018

Қоян өсірген бала

23.10.2018

Шетелдік БАҚ: Елбасының Финляндия мен Бельгия мемлекеттеріне ресми сапары

23.10.2018

Сауда-экономикалық байланыстарға серпін береді

23.10.2018

Ядролық қарусыз аймақтар көшбасшыларын шақырды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Tulǵalardy mansuqtaýda qandaı maqsat bar?

Elbasy Nursultan Nazarbaevtyń «Bola­shaqqa baǵdar: rýhanı jańǵyrý» baǵ­darlamalyq maqalasy – halyq tarapynan úl­ken qoldaý tapqan, kópshiliktiń yqylasy zor bolǵan bastama. Baǵdarlamanyń arqasynda hal­qymyzdyń mol rýhanı murasy qaıta jańǵyryp, tarıhymyz túgendeldi. Osy jobanyń aıasynda tól ádebıetimiz ben mádenıetimizdiń shetelderde nasıhattalýy, sheteldiń túrli saladaǵy eń mazmundy kitaptarynyń aǵylshynshadan tikeleı qazaq­shaǵa aýdarylyp, qalyń oqyrmanǵa tabystalýy da buryn-sońdy bolmaǵan is.

Дидар Амантай,

Kınoádebıet

Teginde, ult ádebıeti men qazaq kıno­sy arasynda, sonaý Sháken Aımanov, Májıt Begalın, Sultan Qojyqov, Abdolla Qarsaqbaev zamanynan beri qalyptasqan ónegeli dástúr, jaqsy qarym-qatynas, tyǵyz baılanys búginde óz jalǵasyn taýyp otyr.

Мирас Асан, «Егемен Қазақстан»

Ádep pen ádet

Jýyrda Almaty qalasyna jolymyz túsip, taǵylymy mol tamasha toıǵa qatystyq. Taý shatqalyna aqshańqan shatyr tigip, qudalaryn taǵatsyzdana kútip turǵan almatylyqtardyń ónegeli isine kóz toıyp, kóńil marqaıady. Biz toıly aýylǵa qudalar kelmeı turyp barǵan edik. Qyzyq ıelerimen burynnan tanyspyz. Arǵy túbi Arqanyń qazaqtary. Ultymyzdyń qadym zamandardan beri kele jatqan salt-dástúri, tartý-taralǵysy, jón-joralǵysy yqylym josynymen úılestirilgen toıdyń erekshe bolatyny sezilip tur.

Құрманәлі Қалмахан,

О́zge elde sultan bolǵansha...

Áı, qaıdam... О́zge elde sultan bolý qazir qıyn-aý. Sebebi óz eliniń Sultandary turǵanda shetten kelgen «bótenderdi» kim jaqtyra qoıar dersiz?! Soǵan qaramastan túrli sebeptermen shetel aýyp, «jumaq» araldaryn izdeýge bel býǵandar qarasy azaımaı tur.

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу