«Әулие Троица» рим-католик шіркеуінде Пасха мейрамы атап өтіліп, оған жиналған жұртшылық Жаратқанға жалбарынып, адамдарға мейірімділік,елге тыныштық, бейбіт өмір тіледі. Діндарларды облыс әкімінің атынан орынбасары Мадияр Қожахмет құттықтап, христиандардың басты мерекесінің адамдарды бір-біріне жақындастыратын, жылылық сыйлайтын, жақсылыққа үндейтін маңызын атап өтті.
«Солтүстікқазақстандықтар діни ұстанымына қарамастан кез келген мерекені бірлесіп тойлауды дәстүрге айналдырған. Пасханы атап өту кезінде адамдардың бірі-біріне деген сенім, төзімділік қасиеттері жас буынға үлгі-өнеге етілері анық, деді М. Қожахмет.
«Әулие Троица» рим-католик шіркеуінің настоятелі Томаш Якубчак мінәжат етушілерді сабырлы болуға шақырып, діни жақсы дәстүрлерді уағыздады. Литургиядан кейін костелге жиналғандар бір-бірін Пасха мерекесімен құттықтады.
