Альварес жекпе-жектен неге бас тартты?

Жуырда отандасымыз Геннадий Головкинмен жұды­рық­тасатын мексикалық боксшы Сауль Альварес допинг қолданды деген айыппен бокстан уақытша шеттетілгені белгілі болды. Мұндай шешімді Невада штатының атлетикалық комиссиясы қабылдаған. Аталған допинг дауынан соң  Альварес пен Головкин арасында 5 мамырға жоспарланған айқастың болмай қалу қаупі бар екені айтылып, отандық және шетелдік БАҚ-та қызу талқыланып жатқанда Альварес Головкинмен жұдырықтасудан бас тартты. 

Егемен Қазақстан
16.04.2018 5325
2

Даудың басы – «уланған» ет

Альваресті қорғаушылардың ресми нұсқасы бойынша, тыйым салынған дәрі боксшының ағзасына етпен тараған. Бұған комиссия мүшелері сене ме, сенген күннің өзінде боксшыны кешіре ме? Көктемнің ең негізгі жекпе-жегі дәл осы «уланған» еттің себебінен өтпейтін болды. Тарихқа көз жүгіртсек, кленбутеролмен ұсталған боксшылардың ақталып шыққандары да бар. Мәселен, 2016 жылы мек­си­ка­лық әлем чемпионы Фран­сиско Варгастың Орландо Са­ли­до­мен жекпе-жегі алдында кленбу­теролға тапсырған тесті оң нә­тиже көрсеткен. Ол кезде де спорт­шының қорғаушылары «улан­ған» етті алға тартып, бұл іс­те жеңіске жеткен. Айқас белгі­ленген күні өтіп, тең нәтижемен аяқталған еді.

Головкиннің командасы Аль­варестің етке қатысты ақталу­ларына аса сене бермейді. Ол қарсыласын өтірікті анық­тай­тын детекторда тексеріп кө­руді ұсынды. «Олар бәріне мексикалық ет кінәлі деп отыр ма? Мұның бәрі сылтау ғана. Альварес пен оның промоутері Оскар Де Ла Хойя бұзақылар. Олар допинг қолданып, ештеңе болмағандай күйде отыр. Өткен жекпе-жек алдында оның бұл­шық еттерінің үлкейгені көрініп тұрды. Денесінде инъек­цияның іздері болды. Кез келген дәрі­герден сұрап көріңіз, мұның қан­дай бұлшық еттер екенін солар тү­сіндіріп берсін. Ең дұрысы – Саульді өтірікті анықтайтын детекторда тексеріп көру керек. Сол кезде ет туралы да, жемістер туралы да, шоколадқа қатысты да барлық сұраққа жауап табамыз», деді Головкин.

Ал НВО комментаторы Макс Келлерманның пайымдауынша, Альварестің ісіне қатысты шешім оның ағзасынан табылған кленбутеролдың мөлшеріне тікелей қатысты болмақ. «Көбісі Канелоны кінәсіз деп есептейді. Олардың пікірінше, кленбутерол адамды күшті немесе төзімді ететіндей әсері жоқ. Осы орайда мынадай сұрақ туындайды: Альварес кленбутеролды не үшін пайдаланды? Меніңше, барлығы дәрілік заттардың деңгейіне байланысты. Егер Альварестің ағза­сында кленбутерол көп мөл­шерде болса, онда ол алаяқ ретін­де айыпталуы мүмкін. Ал дәрілік заттың деңгейі төмен болса, Франсиско Варгастың оқиғасы қайталануы мүмкін», дейді Макс.

Сарапшылар тарапынан Аль­вареске қарата қаншама айыптау мен сын тағылып жатса да, ол әлі қоғам алдына шығып ешбір мәлімдеме жасаған жоқ. 18 сәуір күні даулы оқиғаға байланыс­ты сот өтеді. Сауль барлық мә­селеге сол сотта нүкте қоюы керек.

«Головкинді алдау операциясы»

Мексикалық боксшының ко­ман­дасы өздеріне жала жа­был­­ға­нын айтып, істің сотқа дейін бар­ғанына наразы болып, 5 мамыр күні өтетін жекпе-жектен бас тартты. Сондай-ақ Альварес 18 сәуірге (сот отырысы өтетін күн) дейін спорттан шеттетілгенін алға тартып, психологиялық қысым­ның әсерінен жекпе-жекке толық­қанды дайындала алмайтынын айтқан.

«5 мамырға жоспарланған екінші кездесуден бас тарттық. 18 сәуір күні комиссия тыңдалымы өтіп, ресми шешім шығады. Өкінішке қарай, одан кейін 5 мамырға дейін жекпе-жекті кең көлемде жарнамалауға уақыт аз. Айқастың өтпейтініне негізгі себеп – мексикалық боксшының допинг дауына іліккені болып тұр», деді Golden Boy Promotions промоутерлік компаниясының президенті Эрик Гомес.

Альварестің өзі кінәсіз екенін айтып, ұйымдастырушылар мен жанкүйерлерден кешірім сұрады. «Допинг дауы мені қатты таңғалдырды. Маған еш­кім­нің күмән келтірмегенін қалай­мын. Мен бұған дейін де, бұдан кейін де «таза» спорт­шы болып қала беремін. Мен спортты құрметтеймін. Өз жан­күйерлерімді жерге қаратпауға уәде беремін деп айтқым келеді», дейді Альварес.

Ал Абель Санчес мәселенің етте болуы мүмкін екендігіне сенеді, бірақ өз отандасын ақтауға тырыспайды. «Олар бар мәселе етте деп отыр. Әлемде неше ел бар, ал олардың Мексикадан басқа елден тапсырыспен ет алдыруға қаржылары жетпей қалған ба? Мексикада уланған ет мәселесі расымен бар. Егер Альварес оны шын мәнінде жеген болса, оған қарсы ешқандай санкция қолданбауы керек. Бұл оның жай ғана ақымақ екендігін көрсетіп тұр. Ал егер мәселе тек қана етте болмаса, комиссия мүшелері жаза қолданулары тиіс. Жаттықтырушыларды да жазалау керек», деді Санчес.

Санчестің сөзінің жаны бар. Альварестің командасы саналы түрде Мексиканың «уланған етін» жеп, допинг қолданды деген айыппен жекпе-жекті кейінге қалдыру үшін әдейі жасаған болуы мүмкін. Себебі Альварес Головкиннің соққысы жойқын екенін, бірақ уақыт өт­кен сайын отандасымыздың күші сарқылып бара жатқанын да бі­леді. Сондықтан мамырдағы кездесуден бас тартып, жекпе-жекті күзге дейін шегере тұруды жөн санаған. Жоғарыда «уланған етті» жеп ұсталған боксшылардың 90 пайызы ақталып шыққан деп айтып қалдық қой. Альварестің командасы да осы жайтқа баса назар аударған сияқты. 18 сәуір күні мексикалық боксшы ақталып жатса, оған таңғалуға болмайды. Ал Саульдің допинг қолданғаны анықталатын болса, алты айдан бір жылға дейін бокс­тан шеттетілуі мүмкін.

Дегенмен, Геннадий Голов­киннің промоутері Том Леф­­флердің айтуынша, Альвареске қарсы кездесу өтпесе де Го­лов­кин 5 мамыр күні жекпе-жек ұйымдастыруды көздеп отыр. Әуелгі жоспар бойынша Голов­кин 5 мамыр күні Лас-Вегас­та жекпе-жек өткізетінін, жан­күйерлердің барлығы Синко де Майо мерекесі қарсаңында өзі­нің жұдырықтасуын көру үшін билет алып, жоспарлары­на енгізіп қойғанын айтқан бола­тын. Алайда Los Angeles Times басылымының журналисі Ланс Пагмайер кездесудің Лос-Анджелес қаласындағы 27 мың жанкүйер сыятын StubHub Center футбол алаңында өтетін болды деп ақпарат таратты.

Қазір Головкиннің командасы кездесу орны емес, тезірек қарсылас тауып, жекпе-жек ұйымдастыру маңызды болып тұр. Өйткені 5 мамырға дейін 20 күн уақыт қалды. Бұл уақыт аралығында дайын қарсыласты тауып, оның көңілінен шығатын келісімшарт ұсына қою екіталай. Қазір «Альварестің орнын мен ауыстырамын» дегендердің бәрі арзан пиар үшін ауыз жыбырлатып, БАҚ бетіне бір шығып қалу мақсатында жүрген боксшылар.

Ал Головкиннен нақты ұсыныс түскендер «Жекпе-жекке аз уақыт қалды, дайындалып, билет сатып үлгермейміз, гонорар тым аз» деп сылтаурата бас­тады. Негізі мұны сылтау деп те айта алмаймыз. Өйткені үш аптаның ішінде расымен билет сатып, жекпе-жекті жарнамалап үлгермейді. Жалпы, кәсіпқой боксшылардың көздегені абырой емес, ақша екені ешкімге жасырын емес. Сондықтан Го­ловкиннің командасы Ген­на­диймен жұдырықтасуға ниетті боксшының сұраған ақшасын беріп, көңілінен шығатын келі­сім­шарт ұсынбаса, лайықты қар­сылас табуы өте қиын.

Қорыта айтқанда, кәсіпқой бокста ақша кімде көп болса, басымдық та, ықпалды адам­дардың ырқы да сол жақта болады ғой. Сондықтан бокстың ірі бизнесмені саналған Альварес Геннадийдің көктемде жекпе-жек өткізбеуі үшін бар күшін, айласын салған болуы мүмкін. Сондай-ақ мұны Golden Boy ком­паниясының алдын ала жос­пар­ланған «Головкинді алдау операциясы» деп қарауға да болатын сияқты.

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

24.09.2018

Қазақстанда 14 миллион тоннаға жуық астық жиналды

24.09.2018

«Түн құдайы» фильмі Парижде өткен ретроспектива барысында көрсетілді

24.09.2018

Универсиада алауы Алматы арқылы өтті

24.09.2018

Бүгін Бакуде үш дзюдошымыз белдесуде

24.09.2018

Бизнес салымдар үшін қай қаржы ұйымы тиімді?

24.09.2018

Юлия Путинцева WTA жаңартылған рейтингінде 46-орынға көтерілді

24.09.2018

БҰҰ Бас Ассамблеясының 73-ші сессиясы өз жұмысын бастады

24.09.2018

Виктория көліндегі апатта қаза тапқандар саны 225 адамға жетті

24.09.2018

Солтүстік Қазақстанда Жансүгір батырға еңселі кесене тұрғызылды

24.09.2018

Музей қызметкерлеріне үстемеақы төленгені жөн

24.09.2018

Жергілікті ерекшеліктер ескерілсе игі

24.09.2018

Қайрат «қаһарына» мінді

24.09.2018

Илон Масктың SpaceX компаниясы алғашқы жолаушының есімін жариялады

24.09.2018

Өзен арнасын бекіту – кезек күттірмейтін мәселе

24.09.2018

Медициналық көмек сапасы артады

24.09.2018

Атты әскер дивизиясының тағдыры

24.09.2018

Ұлттық рухтың ұстыны

24.09.2018

ШҚМТУ – ғылыми зерттеулер мен заманауи технологиялар орталығы

24.09.2018

Тіл арқылы этномәдени кодтарды ашу

24.09.2018

Өнегесі өріс жайса...

ТАҒЫ ЖҮКТЕУ
КОЛУМНИСТЕР

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу