Қайырымдылық көмектің қайыры болады

Табиғат апатына немесе соғыс, қарулы қақтығыс салдарынан күйзеліске ұшырап, аштыққа, босқыншылыққа тап болған елдерге қайырымдылық көмек көрсету – халықаралық қоғамдастықтың игі шарала­ры­ның бірі. БҰҰ-ның Халықаралық соты ондай көмектердің азық-түлік, киім, дәрі-дәрмек түрінде болуын, қару-жарақ түрінде берілмеуін қатаң бекіткен.

Егемен Қазақстан
19.04.2018 90
3

Бейбітшіл ел ретінде Қазақстан да бұл іс­тен тысқары қалмай, қиын жағдайларға ұшы­раған елдердің халқына қолдан келгенше қайырымдылық көмек көрсетуде. Бұл іс елі­міздің халықаралық беделін көтеріп, таны­мал­дығын арттыруға үлес болып қосы­луда. Ежел­ден қайырым мен мейірімді бойына сіңірген қазақ халқы мемлекетіміздің мұн­дай істеріне ризашылық білдіріп жатады. Қа­си­етті Құранда да «көршісі аш кезде өзі тоқ жат­қан адам бізден емес» (Хаким, ІІ,15) де­ген сөздер бар. Сол айтқандай, басына іс түс­кен жандарға көмек қолын созбасақ, адам­гер­ші­лігіміз қайсы? Сондықтан да Қазақстан қи­ыншылыққа ұшыраған жандарға қолдан келген қайырымдылық көмегін үнемі жасап тұрады.

Соңғы жылдары ғана Қазақстан жоға­ры­да айтылған себептермен бірнеше елдің мұқ­таж­дыққа ұшыраған халқына көмек қолын созды. Соның ішінде бірнеше жылдардан бері қарулы қақтығыстың салдарынан босқыншылыққа ұшыраған Сирия халқына БҰҰ бастамасымен ұйымдастырылған қайырымдылық көмекке Қазақстан алғашқылардың бірі болып үлес қосты. Ақтау қаласынан шыққан қазақстандық кемелер Сирияның Тартус портына былтыр 500 тонналық қайырымдылық көмекті аман жеткізді. Жүктің ішінде ұн, макарон, ет және сүт өнімдерінің консервілері, шай және т.б. бол­ған еді. Өздерінің қасіретін сәл де болса жеңіл­деткен Қазақстан халқы мен басшысына Сирия өкіметінің өкілдері өз жұртшылығы атынан шын жүректен шыққан алғыстарын жеткізді.

Ал 2015 жылы Қазақстан соғыс қимылдары жүріп жатқан Донецк облысына 300 тонна азық-түлік жеткізіп, сондағы халықтың алғысына кенелген. Бұл көмекті Украина тарабы қабылдап, елдің шығысындағы Донецк аумағына жеткізуге көмек берді.

Қазақстанның қайырымдылық көмегі туралы Украинаның ақпарат құралдары жарыса жазып, халықтың алғысын білдірді. Елі­міз­дегі украин халқының өкілдері де бұл іске ризашылығын айтты. Ұзын саны алты ва­гон­нан тұратын бұл жүкте 128 мың дана ет консервілері, 40 тонна қант, 150 тонна қа­ра­құмық, 36 мың литр май болғандығы айтылған. Бұлардың бәрі Донецк пен Луганск об­лыстарының тұрғындарына таратылып берілді.

Ал былтырғы жазда Қазақстан табиғат апатына ұшыраған Тәжікстан Республикасының хал­қына қайырымдылық көмек ретінде құны 914 мың АҚШ долларына бағаланған көмек аттандырды. Бұл жүк 21 вагонға толты­рыл­ған ұннан, ет және сүт өнімдерінің консер­ві­ле­рінен тұрды. Жалпы салмағы 1320 тонна. Қазақстандық көмекті Тәжікстан Үкіметінің аты­нан қабылдаған ресми адамдар Қазақстан басшысы мен халқына алғыстарын айтты.

Әлемдегі бай мемлекеттер де қайырым­ды­лық көмектер жасауға соңғы кездері қатты ден қойып жүр. Жуырда ғана Францияның прези­денті Эммануэль Макрон Твиттердегі парақ­ша­сын­да Францияның Сирия тұрғындарына 50 млн еуро көмек беретінін жазды. «Қолы жомартқа Құдай береді» демекші, қай кезде болсын жомарт жүрекпен берілген қайырымның қайтары болары сөзсіз.

Қазіргі заманда мұқтаж халықтарға бейбіт мақ­сатпен беріліп жататын қайырымдылық кө­мек тек азық-түлік, дәрі-дәрмек түрінде ғана емес, зияткерлік бағытта да болып жатыр. Қа­зақ­­станның бірнеше жылдан бері Прези­де­нт­тің бастамасымен Ауғанстанның мың­ға жу­ық аза­маттарын өзінде тегін оқытып, маман­дық бе­ріп жатқаны да қайырымдылық көмектің бір тү­рі. 2010 жылдан бастап 2020 жылға дейін Қазақстанда оқып, мамандық алатын осы жас­тар­дың шығынына еліміз 50 млн АҚШ доллары көлемінде қаражат қарастырған. Ал жуырда Назарбаев университетінде «Ауғанстанның да­муына ресми көмек көрсету аясында Қазақстанды қолдау» жобасы аяқталды. Бұл жо­баға 2015 жылғы қазан айында Астанада Қазақстан Президенті Нұрсұлтан Назарбаев пен Жапонияның Премьер-министрі Синдзо Абэ қол қойған еді.

Жоба – ауған әйелдерінің экономикалық тұрғыдағы дербестігін нығайтуға, мемлекеттік басқару мен денсаулық сақтау бағыттарындағы белсенділігін арттыруға бағытталған. Сонымен қатар ана мен бала денсаулығын жақсарту мәсе­лесіне назар аударды. Оны Назарбаев уни­­верситетімен қатар Жапонияның Халық­ара­лық ынтымақтастық агенттігі және БҰҰ Даму бағдарламасы бірлесіп, семинарларда дәрістер оқып, тренингтер жасау әдісімен өткізді. Алғашқы фазасы 2017 жылғы 8-13 шілде аралығында Астана қаласында болып, оған Ауғанстан Ислам Республикасының мем­лекеттік қызмет және үкіметтік емес ұйым­дар сек­торында қызмет істейтін 24 өкіл қатыс­ты. Екін­­ші фазасы да Астана қаласында, Назар­ба­ев университетінде биылғы 31 наурыз бен 12 сәуір аралығында өтіп, Ауғанстаннан ден­сау­­лық сақтау қызметінде еңбек ететін 30 өкіл қа­тысты. Аталмыш саланың 80 пайыз қыз­мет­керлері әйелдер екенін ескерсек, бұл се­ми­нар­дың толықтай осы қауым өкілдеріне арнал­ға­ны белгілі.

Міне осылай, Қазақстан мұқтаж елдерге барлық формадағы қайырымдылықтарын жасап жатыр. «Кең болсаң кем болмайсың» деген­дей, бұл қадамдар еліміздің әлемдік қоғам­дас­тықтағы беделінің артуына әрі шет мемле­кет­термен ынтымақтастықтың жан-жақты даму­ына үлкен ықпалын тигізуде. Ал осының бар­лығы, өз кезегінде мемлекетіміздің сауда-эко­номикалық, мәдени байланыстарының қар­қын алуына, осылайша орнықты дамуына, әлеу­мет­тің әлеуеті арта беруіне негіз болары анық.

Жақсыбай САМРАТ,

«Егемен Қазақстан»

СОҢҒЫ ЖАҢАЛЫҚТАР

23.01.2019

Жас мамандарға пайдалы ақпарат (видео)

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Наурызда шаршы алаңға шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

22.01.2019

Франциядан Англияға бет алған ұшақ Ла-Манш бұғазында жоғалып кетті

22.01.2019

Жастар жылының логотипі бекітілді

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу