Таңсұлу Алдабергенқызының «Әйелмен әлем әдемі» атты кітабының тұсаукесері өтті

Әртүрлі мазмұндағы кітап­тардың ішінен әлемнің мойнына әшекей болып тағылған әйел туралы жазылған қалың томдар түгілі, пышақтың қырындай жұ­қалтаң кітаптың өзі кез келген санаттағы оқырманның қызы­ғушылығын еріксіз оятатын ерек­­­ше­лігі бар көрінеді. Әсіресе әйел туралы оқу әйелдің өзіне қызық. Жақында белгілі журналист, «Түркістан» халықаралық саяси апталығының қызметкері Таңсұлу Алдабергенқызының «Әйелмен әлем әдемі» атты жаңа кітабының тұсаукесер-таныстырылымына жиналған қыз-келіншектердің лебізі, олардың қуанышы осыны аң­ғартты. 

Егемен Қазақстан
25.04.2018 1403
2

Мемлекеттік сый­лықтың лауреаты, жазушы Бек­сұлтан Нұр­жекеұлының кітапқа жазған кіріспе сөзіне көз жүгіртіп шық­қаннан кейін мұқабасы әдемі кітап арқылы әйел әлемі мен бел­гілі отбасылар өміріне сапарлап шығатынымызды іштей сезініп те үлгерген едік. Расында да, қоғамдағы белгілі әйелдер немесе белгілі тұлғалардың сүйікті жары жайлы жазылған таңдаулы эссе, мақала, сұхбаттар бір күннің емес, бірнеше жылғы еңбектің жемісі.

«Түркістан» газетіне көп жыл­дар басшылық жасаған алаштың абызы, Қазақстанның халық жазушысы Қалтай Мұ­хаметжановтың идеясымен дү­ниеге келген «Әйел-әлем» қыз-келіншектер бетінен бастау ал­ған Т.Алдабергенқызының шы­ғармашылығындағы тың топтамалар өз тұрақты оқырманын әлдеқашан қалыптастырып алған. Талай жылдардан бері ханымдар тақырыбына талмай қалам тербеп келе жатқан Таңсұлу Ал­дабергенқызы ой-пайымын, сыр-сұхбатын қазақы таныммен өріп, тарқатады. Онсыз да бөліп-жаруға келмейтін әйел мен отбасыны бүтін бір ұғымға айналдырады. Көңіл күйдің, іште тыншып ағып жататын әртүрлі сезімдердің, отбасылық жарасымның генераторы әйел екеніне кәсібі де, тағдыры да бір-біріне ұқсамайтын кейіп­керлерінің әңгімесі тіпті көз­ жеткізе түседі. Мысалы, 100­ жасаған актриса Хабиба Еле­бекованың әпкесі Далила туралы әңгімесі, ғасырмен құр­дас тағы бір актриса Айша Абдуллинаның жүрекжарды сыры, Серке Қожамқұловтың қы­зы Ренатамен, халық жазушы­сы, ақын Әбу Сәрсенбаевтың қызы Райханмен өрбіген сұхбат­тары шынайылығымен һәм тереңдігімен тартымды.

Кітаптағы аса қызықты тарау­лар­дың бірі «Жары жақсының – жаны жақсы» деп аталады. Мұнда ұлт журналистикасының алғы көшінен көрінген ұс­таз-журналист Балғабек  Қыдырбек­ұлының зайыбы Сапура апай, қазақ музыкасының сайыпқыраны Нұрғиса Тілендиевтің жары Да­риға Тілендиева, әдебиет пен мәдениетке мол мұра сыйлап кеткен Қадыр Мырза Әлінің әйелі Сал­танат, талантты актер әрі режиссер Райымбек Сейітметовтің жары Нейла Малдыбаева, жазушы Баққожа Мұқайдың жары Нұржамал Ахметова, бел­гілі­ сахна майталмандары Ес­бол­­­ған Жайсаңбаев пен Әнуар Молдабековтің жарлары Сәлиха Қо­жақова мен Баян Имашева, бар ғұмырын театр тануға ар­наған бірегей өнер зерттеушісі Әшір­бек Сығайдың шаңырағы мен мұрасына ие болып отырған Күләш апай сөз алып, ұлт руханиятына қызмет еткен айтулы тұлғалардың отбасындағы ел біле бермейтін жар, әке, бауыр ре­тіндегі қарапайым міндеті туралы қызықты сыр шертеді.

Бұдан бөлек автор өнерде, әде­биетте, жалпы руханият саласына еңбек сіңіріп жүрген танымал әйелдердің бірталайының тұтас галереясын жасап шыққан. Әйел мен отбасына байланысты түйіткілді мәселелердің бәрін де қамтуға тырысқан «Өнерім – өмірім», «Тәрбие деген бір тәңір», «Өмірдің өзі» тарауларының да көтеріп тұрған жүгі мол. Сайып келгенде, өз уақытындағы таң­даулы әйел болудың сырын, от­басын ішкі-сыртқы қатерден қор­ғап қалудың құпиясын тануға Таң­сұлу Алдабергенқызының осы кітабы тамшыдай болса да өз үлесін қосары сөзсіз.
 
Айгүл АХАНБАЙҚЫЗЫ,
«Егемен Қазақстан»

АЛМАТЫ

СОҢҒЫ ЖАҢАЛЫҚТАР

23.01.2019

Жас мамандарға пайдалы ақпарат (видео)

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Наурызда шаршы алаңға шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

22.01.2019

Франциядан Англияға бет алған ұшақ Ла-Манш бұғазында жоғалып кетті

22.01.2019

Жастар жылының логотипі бекітілді

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу