Елбасы Жетісуда атқарылып жатқан жұмыстарға оң баға берді

Кеше Мемлекет басшысы Нұрсұлтан Назарбаев Алматы облысына жасаған жұмыс сапары барысында Талдықорған қаласындағы Көр­­ме орталығы мен Салтанат сарайының жұмы­сымен танысты.

Егемен Қазақстан
10.05.2018 4423
2

Кәсіпкерлікке қолдау көп

Облыс орталығындағы Көр­ме кешені қазіргі заманғы озық үлгімен салынған бірегей ғима­рат. Қазір мұнда «Атамекен» ұлт­тық кәсіпкерлер палатасы об­лыс­тық филиалының кеңсесі орна­ласқан. Аймақтағы бизнес қа­уым­дастықтың басын бірік­тіріп отырған Кәсіпкерлер пала­та­сының қызметі сан салалы. Әсіресе ниетті адамдарды кәсіп­керлікке баулу жолындағы құқық­тық кеңес беру мен құжат рәсім­деу жұмыстарының бір орта­лықтан әрі тегін көрсетілуіне ай­мақ тұрғындары дән риза. Кәсіп­керлерді қызықтырған сау­алдар мен алаңдатқан сұрақтар бойынша көрсетілетін қызмет «бизнес ин­кубатор» жүйесіне негізделіп жүр­гізіледі. Осы мақ­сатта заңгер, есеп­ші, салық маманы сияқты білік­ті кеңесшілердің халықпен жұ­мыс істеуіне толық жағдай жа­сал­ған. Жергілікті кәсіп­керлер­дің бас қосатын шаңы­рағына ай­нал­ған бұл орталық қазір Аtameken Business Cіtу атауына ие болды. 

Мемлекет басшысы осы Аta­meken Business Cіtу орталығы­ның жұмысымен танысып, Кәсіп­керлер палатасының атқарып отырған қызметінің нәтижесіне ри­зашылық білдірді. Кәсіпкерлер палатасының директоры Нариман Әбілшайықовтың айтуынша, аймақта 100 000 шағын және орта бизнес нысандары жемісті жұмыс жасауда. 

– Кәсіпкерлікті қолдауға бағыт­талған тапсырмаңызды орын­дау бойынша тиянақты жұмыс жүргізудеміз. Былтыр бір ғана «Бастау» мектебінде 1 312 адам оқып, кәсіпке бейімделді. Бұл оқыту бағдарламасы биыл да жалғасын тауып, 19 ауданды түгел қамтитын болады. Қазірдің өзінде 3 361 адам кәсіпкерлік әліп­песін үйренуге ниетті, – деді Нари­ман Әбілшайықов.

Аtameken Business Cіtу орта­лығының жұмысы жанданғалы бері өңірдегі бизнестің дамуына кең жол ашылған. Кәсіпкерліктің өркендеуіне кедергі болатын жағдайлардың алдын алу арқылы іскерлердің табысы мен жұмысқа құлшынысы артып, аймақ экономикасында жаңа серпіліс пайда болды. Бизнесті себепсіз тексеру мен қолдан жасалатын әкімшілік кедергілерге қатысты даулы істердің 70 пайыздан астамы оң шешімін тауып отыр. Нәтижесінде кәсібін алаңсыз дөңгелетіп, өнім өндіріп отырған кәсіпкерлер қатары көбейді. 

Өңірдегі ірі бизнес құрылы­мына айналған, ет өндіруші «Meat Processing & Service» ЖШС құрылтайшысы, белгілі кәсіп­кер Бақытжан Әбдірасылов Елбасымен кездесуге арнайы келіп, еліміздегі шағын және орта бизнестің дамуына мемлекет тарапынан көрсетіліп отырған қамқорлыққа алғысын айтты.

– Құрметті Нұрсұлтан Әбіш­ұлы, Сіздің 2016 жылы Иранға жасаған cапарыңызда, делегация құрамында болып едім. Сол жолы біз ирандық кәсіпкерлермен ет экспорты жөнінде келісімшартқа қол жетізген едік. Қазір сол уағ­да­ластықты орындап жатырмыз. Оған мүмкіндігіміз жетеді. Өзім шаруашылыққа ет өндіруге байланысты 2 млрд теңгеге жуық инвестиция тарттым. Райымбек ауданында 3 000 басқа арналған мал бордақылау алаңын салдық. Мал соятын орталық та бар. Да­йын етті сататын дүкендер же­лісін де аштық. Жұмысымыз клас­тер жүйесі бойынша жүреді. Қара­сай ауданын да етпен қамтып отыр­мыз. Мемлекет өндірген өнімі­міз­ге субсидия төлеп, шыққан шығы­нымызды өтеп беріп отыр, – деді кәсіпкер.

Елбасының аймақтағы аг­рарлық саланың дамуына қатысты қойған сұрақтарына тиянақты жауап берген облыс әкімі Амандық Баталов өңірдегі ауыл шаруашылығының бүгінгі аяқ алысына тоқталды. Былтыр бұл сала бойынша жалпы өндірілген өнім көлемі 647,6 млрд теңгені құраған. Биылғы болжам бойынша ол 704,9 млрд теңгеге жетпек. 

– Ауыл шаруашылығына инвестиция құюға ынталы тараптар қатары көбейіп келеді. Өткен жылы салаға инвестиция тарту 42,7 млрд теңгені құраса, биыл 53,9 млрд теңгеге жетеді. Бұл еліміздегі инвестициялық қолайлы климаттың қалыптасқанының арқасында мүмкін болып отыр, – деп мәлімдеді Амандық Баталов.

Мемлекет басшысы Нұр­сұлтан Назарбаев аралап көрген келесі нысан Салтанат сарайы болды. Жақында ғана қолданысқа берілген қос қабатты ғимарат жер­гілікті бюджет есебінен салынған. Сарайда неке қиятын арнайы зал мен конференция өткізетін орын бар. Сондай-ақ Президентке Талдықорған қаласындағы құрылысы қызу жүргізіліп жатқан әлеуметтік нысандар мен жаңа театр ғимаратының жобасы таныстырылды. Бұл нысандардың біразы мемлекет пен жекеменшік әріптестігі аясында салынуда. 

Аудандар экономикасына айрықша назар қажет

Жұмыс сапары аясында БАҚ өкілдері үшін брифинг өткізген Мемлекет басшысы өңірді да­м­ытудың негізгі бағыттары және са­­парының қорытындылары бо­йынша облыс басшылығына бе­ріл­ген тапсырмалар жөнінде айт­ты.

– Менің тапсырмаларымның бәрі облыста толық орындалуда. Бұл өңірдегі жұмыстардың бастамасы жақсы деп санаймын. Үш жылда 3 миллион шаршы метр­ден астам тұрғын үй пайдалануға берілді. Тек былтырдың өзінде 35 мектеп салынды, – дейді Елбасы.

Сонымен қатар Қазақстан Президенті «Бес әлеуметтік бас­та­маның» өңірдегі іске асырылу барысына оң баға беріп, облыс­тың туристік әлеуетін дамыту қажеттігі туралы айтты.

– Жұмыс сапарым барысында Алакөлге барып, оның туристік кластерімен таныстым. Барша қазақстандықтарға бізде тамаша демалыс орны бар екенін айтқым келеді. Бұл жер осыған дейін иге­рілмеген болатын. Оның инфра­құрылымы да, қонақүйлері де болмаған еді. Бүгінде бұл өңірде бизнес өкілдері белсенді түрде жұмыс істеуде. Көлдің жаға­сында әлемдік стандарттарға сай келетін бес жұлдызды қонақүй салынды, – деді Елбасы.
Нұрсұлтан Назарбаев өңірдегі инфрақұрылымдық жобаларды іске асырудың қазіргі нәтижелері мен алдағы жоспарлары жөнінде әңгімеледі.
Сондай-ақ Елбасы өңір­дің негізгі экономикалық көрсет­кіштері оң қарқын алып отыр­ғанын атап өтіп, облыстың даму барысына тоқталды.

– Алматы облысы, әсіресе аграрлық салада, бәріне үлгі бо­лып отыр. Өңір экономикасы 4,2 пайызға өсті, бұл еліміздегі орташа көрсеткіштен жоғары. Ауыл шаруашылығы мен құ­ры­лыс салалары өркендеп, іске қо­сылған әлеуметтік нысандар көбейіп келеді, – деді Нұрсұлтан Назарбаев.
Сонымен бірге Қазақстан Пре­­зиденті облыс басшылығы тара­­пынан ерекше назар аударуды қажет ететін міндеттерге тоқ­талды.

– Облыстың бүкіл экономикасы 3-4 ауданда шоғырланған. Оның өзі тек өнеркәсіпті қам­тиды. Осы аудандар өңір эко­но­микасының 70 пайызын қамта­масыз етіп отыр. Басқа аудандар баяу дамуда, осы мәселеге назар ау­дару керек, – деді Елбасы.

Сонымен қатар Нұрсұлтан Назарбаев осы өңірде мал ша­руа­шылығы мен ауыл шаруашылығы өнімдерін қайта өңдеу секторын дамыту қажеттігі жөнінде айтты.

Алакөлде туристік кластер қанат жайып келеді

Елбасының Жетісу өңіріне сапары Алакөл ауданынан бас­тал­ғаны белгілі. Алакөл жағасында еліміздің туристік әлеуетін арт­тыруға қатысты арнайы жиын өт­кізген Президент өз сөзінде «Алакөл – Қазақстанның ту­ристері көптеп келетін жер болуы керек. Дәл елдің ортасын­да, Алматыға да, Қарағанды мен Ас­танаға да жақын. Мына жақ­тан Балқаш пен Жезқазғанға да жақын. Бұл – шипалы көл. Суы­ның емдік қасиеті бар. Өте қа­жетті жер. Қазақстандықтар осы жерге келіп демалуы керек...» де­ген болатын. Жоғарыда айтып өт­кеніміздей, Талдықорғандағы кездесу барысында да Елбасы жергілікті кәсіпкерлерді Алакөл аумағын дамытуға шақырды. 

Алакөлге асыққан демалушылар үшін барлық жағдай қарастырылған. Бұйырса, турис­тер саны 1 миллион адамға жетпек. Көлге темір жолмен қатынас жолға қойылған. Биылдан бастап Алакөлдегі демалыс орындарына дейін пойызбен қатынауға мүмкіндік бар. Елбасы осы сапарында аралап көргеніндей, Ақши ауылындағы жаңа темір жол вокзалы іске қосылмақшы. 

– Мемлекет «Алматы – Тал­дықорған» бағыты бойынша тамаша жол салып берді. Бұл Алакөл арқылы Шығыс Қазақстанға апаратын өтпелі жол болады. Жол салудың арқасында көп жұмыс орны ашылады, – деді Мемлекет басшысы.

Былтырдан бері көлге тікелей әуе қатынасы ашылып, ұшақпен қатынау қызметі іске қосылған еді. Алакөлге Астана, Алматы және Талдықорған қалалары ар­қылы тікелей әуе рейстерімен баруға болады. Билет бағасы да қолжетімді. Туристердің қызы­ғушылығын арттыру үшін билет құнының біршама мөлшерін об­лыстық бюджет есебінен суб­сидиялау қарастырылған. Биыл әуе көлігінің қызметін пайда­ланушыларға қо­лайлы жағдай жасалып, Үшарал бағытына Scat әуе компаниясы қызмет көрсете бастайды. Бұл туралы жақында Алматы облы­сының әкімі Амандық Бата­лов Scat әуе компаниясының бас­шылығымен жүздесуде тал­қыланды. Жақында Ресейдің Но­восібір қаласынан тікелей әуе қатынас жолы ашылады деп жос­парланып отыр. 

Қазір Алакөлдегі туристік кластерді дамытуға мемлекет тарапынан үлкен жұмыстар жасалуда. Әсіресе көл жағалауындағы инфрақұрылымды дамыту мен Үшарал қаласына дейінгі жолдарды күрделі жөндеуге қомақты қаржы бөлінді. 

Жалпы, Алматы облысы бойынша кейінгі 4 жылда туристік қызмет көрсету көлемі екі есеге өскен. Тиісінше, қазынаға түскен табыс та еселеніп келеді. Мысалға, былтыр бюджетке 8,3 миллиард теңге кіріс кірген. Биыл бұл көрсеткішті 10 миллиард теңгеге дейін жеткізуге ынта бар.

Қалмаханбет МҰҚАМЕТҚАЛИ,
«Егемен Қазақстан»

Алматы облысы

СОҢҒЫ ЖАҢАЛЫҚТАР

17.01.2019

Асықтан төсеніш пен ойыншықтар жасайды

17.01.2019

Оралда «Автобус» жедел шарасы өтуде

17.01.2019

27 ақпан күні «Нұр Отан» партиясының кезекті XVIII съезі өтеді

17.01.2019

Жаңа әліпби негізіндегі қазақ тілі емлесінің ережелері

17.01.2019

Тікұшақ апатынан қайтыс болған ұшқыштың кім екені анықталды

17.01.2019

СІМ мен Ауылшаруашылық министрлігі инвестициялар мен экспорт бағытындағы үйлестіру жұмыстарын нығайтуда

17.01.2019

Жүзге жуық оқушы Wiki Camp акциясына қатысты

17.01.2019

Қорықшыларға қастандық жасағандар анықталды (видео)

17.01.2019

Үшінші мегаполистің төрт ауданында әкімдер тұрғындар алдында есеп берді

17.01.2019

4 мешітті ҚМДБ меншігіне өткізуде кедергілер бар

17.01.2019

Ақтөбелік жастар тұрғын үймен қамтамасыз етіледі

17.01.2019

Нұрлан Сейтімов Сыртқы істер министрлігінің Жауапты хатшысы болып тағайындалды

17.01.2019

Қостанайда тергеуші кісі тонаушыны қылмысы үстінде ұстады

17.01.2019

Алматыда Денис Теннің өліміне қатысты сот үкімі шықты

17.01.2019

Алматыда тікұшақ апатқа ұшырады

17.01.2019

Алғашқы медициналық санитарлық көмек қызметіне қатысты мәселелер талқыланды

17.01.2019

Сенат бірқатар үкіметаралық келісімді ратификациялады

17.01.2019

Алматыда Жүрсін Ерманның бес томдық шығармалар жинағының тұсаукесері өтеді

17.01.2019

2250 әскери қызметші жеңілдікпен пәтер сатып алды

17.01.2019

Жамбылда экономиканың барлық саласында 4-5 пайыз өсім бар

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу