Шаш алу да бір өнер

Шаш алу – біздің қоғамда елеусіздеу кәсіп, елеусіз болса да ар­найы мамандануды талап ­ететін өнер. Ал осы са­ла­ның білікті маманы болу үшін не істеу керек, қанша уақыт кетеді!? Ғалам­тордағы хабар­ламаларға көз жүгіртіп көрсек, бір-екі айда үйре­­тетіндер көп екен. Мәсе­лені нақ­ты, қа­йнаған орта­­сынан білмек болып, Астана­да жұмыс істеп жүрген шаштараздың бірі­мен әңгімелесіп көрдік.

Егемен Қазақстан
14.05.2018 16217
2 Суреттерді түсірген: Орынбай БАЛМҰРАТ, «Егемен Қазақстан»

Заңғар Мұсабекұлы Қытай елінде туып-өскен. Мектеп бітіргеннен кейін тарихи отаны Қазақстанға оралмақ болады. Алайда белгілі бір се­беп­терге байланысты бір жылға қалуға тура келеді. Міне, осы уақытта ауылында жұрт мақ­таған қытай шаштаразы бар екен, соның қасына екі ай шәкір­ті болып ілеседі. 

– «Ұстазы жақсының ұста­ны­мы жақсы» дейді ғой. Бәрі сол ұстазымның ақылымен бас­талды. Егер ол жөн көрсетпесе бұл салада жүруім екіталай еді. Сол кісінің айтуымен екі айдан кейін Құлжа қаласындағы «Фу Каң» деген шаштараз мектебінің филиалына құжат тапсырдым, – деп сабақтады әңгімесін Заңғар.

Мектептің ерекшелігі сол – қызметі жағынан біздегі сән салондары секілді. Ол жерге клиенттер келіп шашын алдырады, оларға түрлі қызметтер көр­сетіледі. Ал оқушылары мен ұс­таздары жатын орнымен, уа­қы­тылы ас-суымен қамта­ма­сыз етіледі. Оқуы тегін. Тіпті сол жерде жүріп, ақша табу­ға да болады. Қысқасы, шаш алатын мамандар үшін жағдай­дың бәрі жасалған. Басты талап – сабырлық таныту, бар зейі­нің­мен тыңдап, үйренуге ұмтылу.


                                                                                     (Фу Каңда оқып жүрген кезі)

– Ауылдағы ұстазымның қа­сында жүріп біраз нәрсені үй­рен­генмін. Енді тағы бірер ай осы мектепте оқысам нағыз маман болып шығамын деп ойлағанмын. Сөйтсем ол ойым бекер болып шықты. «Фу Каң­да» әрбір ұсақ нәрсеге үлкен көңіл бөледі екен. Сенесіз бе, бастапқы үш айда клиенттің басын жуып, кептіруді ғана үйретті. Ал келесі үш айымыз шаш бұйралайтын бигудиді қою­ға ғана кетті. Міне, осы уа­қыт ара­лығында сабырлық та­ныт­па­ған­дары оқуын тастап кетіп жатты, – деп есіне алды кейіпкеріміз.

Тағы бір ерекшелігі, әрбір кезеңді оқып бітірген сайын ар­найы емтихан тапсырады екен. Сынақ кезінде шашты дұ­рыс тарау, оның түсу салдары, шам­пуннің құрамындағы пай­далы, зиянды қосындылары секілді қарапайым сұрақтардан басталып, бигуди тектес түрлі құрыл­ғылардың жылдам әрі кәсіби түрде орнатылуына дейін тексеріледі. Ол – ол ма, тіпті химия, геометрия сабақ­тары­­нан да белгілі бір деңгей­де ем­тихан алынады. Неге десе­ңіз, геометрия шаштың тегіс алынуын, ал химия түрлі қоспа­лар­­дың нәтижесінде шығатын бояу­дың түсі және оның адам те­рісіне қаншалықты әсер бере­тінін үйретеді екен. Сынақ­тан сүрінбей өткендері келесі ке­зеңге жолдама алса, жал­қау­ла­нып, жүрдім-бардым қара­ған­дары үш ай қалып қайта оқиды.


(Фото: instagram.com)

– Бір қарағанда оңай жұмыс болып көрінуі мүмкін. Бірақ шын мәнінде әрбір кезеңнің өз қиындығы бар. Оқушылардың күнделікті тапсырмасы болады. Соны мұғаліміңнің көңілінен шығатындай, тап-тұйнақтай етіп орындағаннан кейін ғана клиенттердің басын жуып, кептіруге рұқсат. Ол үшін оқу­шыға белгілі бір көлемде ақша беріледі, – дейді Заңғар.

                       (Жұмыс барысынан көрініс)

Айта кетерлік тағы бір жайт, осы саланың бүге-шүгесіне дейін мән бергені сондайлық, тіпті клиентпен сөйлесіп, тілін табу­дың да жолдарын үйретеді екен. Себебі қаншалықты шебер бол­ғаныңмен келген адаммен жылы сөйлесе алмасаң, жұмыс ор­ның­ның беделіне нұқсан ке­л­е­ді. «Клиенттің ісі ылғи да дұрыс».

Заңғар кәсіби деңгейде шаш алу үшін үш жыл уақытын тек оқуға жұмсапты. Яғни шаштараз болу үшін үш жыл оқыған. Бәрін сәтті аяқ­тағаннан кейін, яғни 2013 жылы оқушыларды «Фу Каңның» Шан­хайдағы негізгі орталығына тә­­жі­рибеден өтуге жібереді. Ұстаздарының ойы­­­нан шыққаннан кейін ғана ше­бер дәрежесін иеленген екен. Сол жылдың қараша айында Қазақ­станға көшіп келеді.


(Фу Каңды бітіріп шыққаннан кейін алған сертификаты)

Заңғардың әңгімесін тыңдап отырып, мұндай жұмыстан «Фу Каңға» қандай пайда бар деген сұрақ туындады. Оқуы тегін, баспанасы, уақытылы тамағы бар. Одан қала берді клиенттің басын жуып, кептіріп бергені үшін ақша алады. Осы ойымды аңғарған Заңғар әңгімені өзі жалғай жөнелді.

– «Фу Каң» өте танымал салон. Сондықтан клиенттері де өте көп. Мысалға бір адам шашын алдырғаны үшін 20 юань төлесе, соның жеті юані шеберге, ал бір юані шашын жуған оқушыға беріледі. Ал қалғаны меке­меге тиесілі. Сондықтан ол жерде оқушылар тегін оқыған­мен, кәсіпорынның да есебі түгел, – дейді.

Заңғардың әңгімесінен ке­йін ғаламтордағы «бір-екі айда үйретеміз» деген хабар­ландырудың жарнамалық сипаты айқындала түскендей көрінді. Атам қазақ «дүние бір тиыннан құралады...» деген үлгі қалдырған. Сондықтан шаш алу кезінде де, оның саудасын жүргізу барысында да әрбір ұсақ нәрсе назарға алынса, «құда да риза, құдағи да риза». Бұны кәсіби шеберлік деп атаса керек.

Аян ӘБДУӘЛИ,
«Егемен Қазақстан»

СОҢҒЫ ЖАҢАЛЫҚТАР

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Наурызда шаршы алаңға шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

22.01.2019

Франциядан Англияға бет алған ұшақ Ла-Манш бұғазында жоғалып кетті

22.01.2019

Жастар жылының логотипі бекітілді

22.01.2019

Жол азабына ұшырағандарға шекарашылар көмекке келді

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу