Nur Otan Trends атты жаңа жоба басталды

«Нұр Отан» партиясы қоғамдағы өзекті әрі маңызды мәселелерді ашық талқылап, оның шешу жолдарын қарастыратын Nur Otan Trends атты жаңа жобаны қолға алды. 

Егемен Қазақстан
16.05.2018 1442

Осы орайда партия Төрағасының бірінші орынбасары Мәулен Әшімбаевтың қатысуымен жобаның тұсаукесер кездесуі өтті. Онда қатысушылар «Қазақстанда несие үстемесі неге жоғары?» тақырыбын жан-жақты сараптап, көтерілген мәселеге қатысты өз пікірлерін білдірді. Белгілі экономист Рахым Ошақбаевтың модераторлығымен өткен іс-шара Facebook әлеуметтік желісінде тікелей эфирде көрсетілді.

Бүгінде «Нұр Отан» партиясы Елбасының тапсырмасы бойынша партия қызметін жаңғырту аясында жүйелі жұмыс жүргізуде. Осы бағытта бірқатар тың бастамалар мен партиялық жобалар қолға алынды. Nur Otan Trends жобасы да осы қарқынды жұмыстың нәтижесі екені сөзсіз. Бұл бастаманың маңызы мен мәніне тоқталған партия Төрағасының бірінші орынбасары қоғамдағы өзекті мәселелерді шешудің басы-қасында жүру партияның басты міндеті екенін айтты.

– Алдағы уақытта Nur Otan Trends жобасы қоғамдағы әлеуметтік, экономикалық, саяси және тағы да басқа мәселелерді ашық талқылайтын еркін пікірталас алаңы ретінде тұрақты жұмыс істейді деп сенемін. Бүгінгі отырысымызда қазіргі кездегі ең өзектілердің бірі жоғары үстемелі несие мәселесіне тоқталып отырмыз. Өйткені бұл түйткілдің халыққа да, бизнес-қауымдастыққа да тікелей қатысы бар. Сондықтан осындай жүйелі мәселені өзгертудің тиімді тетіктерін қарастыру үшін білікті сарапшылармен бірлесіп талқылаудың берері мол деп есептеймін, – деді Мәулен Әшімбаев.

Сондай-ақ «Нұр Отан» партиясы Төрағасының бірінші орынбасары бұл жерде мәселелер жай талқыланып қана қойылмай, соның нәтижесінде нақты ұсыныстар даярланатынын жеткізді. Кейін оларды Үкімет пен Парламентке жолдау бағытында жұмыстар жүргізілмек. Одан бөлек, отырыстың әлеуметтік желіде тікелей эфирде көрсетілгеніне назар аударған Мәулен Әшімбаев: «Бұл партияның елмен етене әрі ашық жұмыс істейтінін айқын дәлелдейді. Осылайша біз қоғам белсенділері және белгілі сарапшылармен тығыз байланыс орнатып, ел дамуына оң әсерін тигізетін тұстарды айқындайтын боламыз. Бұл Елбасы жүктеген стратегиялық міндеттерді жүзеге асыруға да өз септігін тигізеді», деді.

Партияның бастамасымен қолға алынған жобаның алғашқы тақырыбы шын мәнінде өте өзекті. Себебі әлі күнге дейін еліміздегі банк секторы 2007 жылғы қаржы дағдарысының салдарын тартып келеді. Тіпті кейбір жекелеген банктер айтарлықтай келеңсіздіктерге тап болып, жұмыстарын тоқтатуға да мәжбүр болғанын білеміз. Осыған орай мемлекет тарапынан бұл салаға қаржылай қолдау көрсету ісі тұрақты түрде жүргізілуде. Соған қарамастан елімізде несие көлемі ұлғаймай, 2015 жылғы деңгейде қалып отыр. Несие үстемесі де өте жоғары деңгейде.

Осындай олқылықтардың алдын алу мақсатында түрлі мемлекеттік бағдарламалардың да қолға алынғаны белгілі. «Бизнестің жол картасы-2020», «Агроөнеркәсіптік кешенді дамыту», «Нәтижелі жұмыспен қамтуды және жаппай кәсіпкерлікті дамыту» сияқты тың бастамалар мен «Нұрлы жер»,
«7 – 20 – 25» сияқты қолжетімді тұрғын үй бағдарламалары жұмыс істеуде. Осылайша отандық банктердің олқы тұстары мемлекет есебінен реттелуде.

Nur Otan Trends алаңында осы мәселелерге баса назар аударылып, сарапшылар өздерінің нақты ұсыныстарын жеткізді. Атап айтқанда, көпшілікке «Halyk Finance» акционерлік қоғамы мен «Талап» қолданбалы зерттеулер орталығының аталған мәселені оңтайлы шешуге бағытталған жобалары таныстырылды. Бұл жобаларда несие берудің тоқырау себебі, экономикадағы құрылымдық мәселелер, ірі бизнестердің банк жүйесінен тыс қаржыландырылуы, экономикадағы мемлекеттік компаниялар үлесінің өсуі сияқты бағыттар толыққанды сарапталып, оларды шешудің нақты механизмдері қарастырылған.

Іс-шараны қорытындылаған «Нұр Отан» партиясы Төрағасының бірінші орынбасары бұл бастаманың дер кезінде қолға алынғанына тоқталды. Енді партия елдің дамуы жолындағы өзекті мәселелерді ұдайы басты назарда ұстап, оларды оңтайлы шешу үшін осылай білікті сарапшылармен бірлесіп жұмыс істемек.

– Бүгін көптеген ұтымды ойлар айтылды. Соның нәтижесінде мәселелердің себебі мен салдарын анықтадық. Жоғары үстемелі несиелердің келеңсіз тұстарына назар аудардық. Бұл макроэкономикалық тұрақтылық, жекешелендіру, шағын және орта бизнеске жүйелі қолдау көрсету және несие алушылар мен жалпы банк жүйесіне қатысты мәселелерді қамтиды. Отырыста соларды шешу жолдарын талқылап, экономикамыз бен отандық бизнесті қаржыландырудың қолжетімділігін қамтамасыз ету жайын пысықтадық, – деді Мәулен Әшімбаев.

Жолдыбай БАЗАР,

«Егемен Қазақстан»

СОҢҒЫ ЖАҢАЛЫҚТАР

15.07.2018

Астанада Қазақстандық-Швейцариялық Іскерлік кеңесінің 4-ші отырысы өтті

15.07.2018

Қазақстанның ЕАЭО елдерімен өзара саудасы 7,4 пайызға артты

15.07.2018

Болат Мажағұлов Қазақстан джиу-джитсу қауымдастығын басқарады 

15.07.2018

Б. Сағынтаев денсаулық сақтау жүйесін дамыту және өнімді жұмыспен қамту мәселелері бойынша кеңес өткізді

15.07.2018

Нұрсұлтан Назарбаев Зәмзәгүл Шәріпованың жақындарына көңіл айтты

15.07.2018

Қазақстан Президенті «Біржан-Сара» операсына барды

15.07.2018

Жетісуда егін жинау науқаны басталды

15.07.2018

Алматы облысында Мемлекеттік басқару академиясының филиалы ашылды

14.07.2018

Бақытжан Сағынтаев шағын несие беру мәселесі жөнінде кеңес өткізді

14.07.2018

Қазақстанның халық әртісі Зәмзәгүл Шәріпова өмірден озды

14.07.2018

ӘЧ-2018: Хорваттар жеңсе, ешкім таңқалмас - Ермұхамед Мәулен

14.07.2018

10 елдің өнерпаздары Ұлытауға жиналды

14.07.2018

«Бастау» домбырашылар тобы Голливудта алтын медальға ие болды

14.07.2018

Құлсарыдағы көп қабатты тұрғын үйлерді ауыз сумен қамту проблемасы шешіліп жатыр

14.07.2018

Казунори Намура: «Ваби-саби» әдісі - шынайылықтың шыңы

14.07.2018

Токио-2020: Олимпиада алауының эстафетасы Фукусимадан басталады

14.07.2018

Астанада 21 шілдеден бастап автобустарға жаңа тариф енгізіледі

14.07.2018

Қазақстан БҰҰ Қауіпсіздік Кеңесіне климаттың өзгеруі мәселелеріне қатысты өз көзқарасын ұсынды

14.07.2018

Қазақстандық әнші «Славян базары» халықаралық байқаудың финалына өтті

14.07.2018

Депутаттар Маңғыстау облысындағы спорт мектебіне барды

ТАҒЫ ЖҮКТЕУ
КОЛУМНИСТЕР

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

Қорғанбек АМАНЖОЛ, «Егемен Қазақстан»

Жалғыздық жыры

Жақында жастық шағында жарқылдап дәурен сүрген, марқұм ағамызбен бақытты ғұмыр кешкен, қазір сексеннің сеңгірін саялаған бір жақсы апамыздың көңілін сұрап, халін білгенбіз. 

Жолдыбай БАЗАР, «Егемен Қазақстан»

«Қарты бар ел – қазыналы ел»

Осыдан 4 жыл бұрын Еңбек және халықты әлеуметтік қорғау министрлігі елімізде 2030 жылға қарай егде жастағы адамдардың үлесі (2014 жылы – 6,9 пайыз) 11,2 пайызға жетеді деп болжам жасаған болатын. Алайда, бүгінгі жағдай жоғарыдағы көрсетілген жорамалды теріске шығарғандай. Өйткені Қазақстанда қазірдің өзінде жасы 60-тан асқан тұрғындар саны 12 пайызға көбейіп, өмір сүрудің орташа ұзақтығы 72 жасты көрсетіп отыр.

Сайраш ӘБІШҚЫЗЫ, Қазақстанның білім беру ісінің құрметті қызметкері

Аралас тілді мектеп – ана тілімізге тұсау

 Қазақ мектебінің кезең-кезеңімен латын әліпбиіне көшетіні айқын болды. Тіл тұғырын бекемдейтін тарихи кезеңнің көшін бастау – қазақ мектебін орта білім беру ісінде бағдаршам болатын деңгейге алып шығатыны анық. Жауапты кезеңде бастауыш буынның бірінші сыныбынан араластілділік туғызып, ағылшын тілін қосақтау – қазақ мектебінің мемлекеттік маңызды міндет биігінен көрінуіне көп кедергі келтіруі мүмкін. Араластілділік мек­теп табалдырығын аттаған балауса ұрпақтың еркін білім алуына бөгет болатыны қоғамдық ортада наразылық туғыз­ғаны орынды. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу