Ғасыр бойы күткен жол. Бөкейорданың жол мәселесіне Елбасы қозғау салды

Елбасы Нұрсұлтан Назарбаев биылғы 15 мамыр күні Батыс Қазақ­стан облысына кел­ген сапарын­да жер­гі­лікті тұрғын­дар­дың талай жылдан бері шешіл­мей келе жатқан түйткілі – Бөкей ордасы мен Жәнібек аудан­да­рына баратын қат­­қыл табанды жол салу мәсе­лесіне қозғау салды.

Егемен Қазақстан
25.05.2018 1696
2

Батыс Қазақстан облы­сында республикалық маңы­зы бар автожол­дардың ұзақ­тығы 1392,6 шақырымды құрай­ды. Оның 76,4%-ы ғана асфальт­талған. Ал облыстық және аудандық маңызы бар 5103,7 км жолдың небәрі 23 пайызы ғана осы заманғы жол деу­ге лайық. 

Батыс Қазақстан облыстық жолау­шылар көлігі және автомобиль жолдары басқармасы берген мәліметке қарағанда, өңірдегі республикалық ма­ңыз­ы бар жолдардың 118 шақы­рымы, ал облыстық және аудандық маңызы бар жол­дардың 3674,7 километрі мүл­дем қанағаттанғысыз күйде. 

– Бөкей ордасы мен Жәні­бек аудандарына Кеңес өкі­меті кезінде де асфальт жол болған жоқ. Облыс орта­лығынан 500-600 шақырым қашықта жатқан аудан орта­лықтарына жол салу мәселесі талай жылдан айтылып келе­ді. Бірақ ол мәселені шешуге облыстың күші жетпейді. Өзіңіз білесіз, жол салу шы­ғын­дары өте қымбат. Оның үсті­не, қатқыл табанды жол құ­рылысына қажетті қиыршық тас та, битум да біздің өңірде жоқ, түгелімен сырттан тасымалданады. Мұның бәрі жол құрылысы шығынын еселеп арттырады, – дейді Батыс Қазақстан облыстық жолаушылар көлігі және автомобиль жолдары басқармасы Автомобиль жолдарын пайдалану бөлімінің басшысы Бауыржан Есенғалиев.

Шыны керек, бұрын өңір­дегі жол мәселесі тіпті мүшкіл болған. Соңғы төрт жылдан бері Оралдан Тасқала арқылы Ресей Федерациясының Саратов қаласы бағытына шығатын автожол «Нұрлы жол» бағдарламасы аясында салынып жатыр. Ұзын­дығы 104 км болатын бұл халық­аралық трасса биыл пайда­лануға беріледі. Сондай-ақ Чапаев – Жалпақтал –Қаз­талов бағытындағы 213 шақы­рым­дық жолды күрделі жөн­деу де биыл аяқталады. Сөй­тіп Қаз­талов ауданының ор­та­лығы мен Орал қаласы­ның арасы асфальт жолмен жалғанады. Енді қалып тұр­ғаны – Жәнібек және Бөкей орда­сы аудандары. Қаз­талов­тан әрі қарай 300 шақы­рым­ға жуықтайтын бұл жолды жөн­д­еуге өңірдің өз күші жет­пейді. Жылына 15-20 ша­қы­рым «жылдамдықпен» не бітеді?!

Бір тәуірі, өңір басшысы бұл мәсе­лені жасырып-жаппай, Елбасы­ның алдында нақты жағдайды мәлім етті. Мемлекет басшысы Оралда өткіз­ген Батыс Қазақстан об­лы­сы­ның әлеу­меттік-эко­но­микалық даму мәселе­лері жөніндегі кеңесте Бөкей орд­асы мен Жәнібекке дейін 300 шақырым жолда асфальт мүлдем жоқтығын, егер бұл мәселе шешілсе, жергілікті халыққа үлкен қолдау болатынын Алтай Көлгінов ашық айтты.

– Бөкейордаға біз оны салуымыз керек. Мен Үкімет­ке тапсырма бердім, қаражат шығарып, екі жолақты, жақсы жол салынуы керек. Біз Бөкей ордасына туристерді апар­ғымыз келеді. Жол бол­маса қалай апарамыз? Сондықтан осы мәселені қолға алып, бірге шешеміз, – деді Елбасы.
Шыны керек, Мемлекет басшысы­ның бұл сөзін Батыс Қазақстан облысы тұр­ғындары ерекше қуанышпен қарсы алды. Тіпті әлеуметтік желілерде, whatsapp торабын­да бөлісіп, бір-бірі­нен сүйінші сұрағандар көп болды. 

– Өткен ғасырларда Орал­дан Ордаға баратын жолаушылар ат көлікпен айға жуық уақыт жүріпті. Қазір астын­да желмен жарысқан авто­көлік болса да Бөкей ордасы мен Жәнібек ауданы тұрғындары көктем мен күзде, ауа райының қолайсыз кезінде екі араға 10-12 сағат жүреді. Тіпті жолда қонып, ертесіне келіп жатамыз. «Жол азабы – көр азабы» деген ма­қал­ды шығарған менің жер­лес­терім шығар, – дейді түбі бөкейордалық, бүгінде Орал қаласында тұратын өлке­­тану­шы Айболат Құрымбаев. 

ХІХ ғасырдың ғажайып ескерткіші, Қазақстанның жалпыұлттық 100 киелі нысаны қатарына кірген Бөкей ордасы тарихи-музей кешені мен күйші-композитор Дәу­леткерей Шығай­ұлы­ның кесенесі орналасқан өңірге асфальт жол келсе, тарихи мекен­ді тамашалап келушілер де көбейіп, жергілікті туризм­нің де тынысы ашы­лар еді деп санайды Бөкей ордасы тари­хи музей-кешеннің директоры Ғайса Мақымов.

Біздің ғасыр қарым-қатынастың ғасыры ғой. ХХІ ғасырдың адамына бүгінде бір қаладан таңғы асын ішіп, бір қаладан түстеніп, тағы бір шаһарға қонып жүре беру таңсық емес. Ал туған ауылынан облыс орталығына жету үшін бір күн уақытын ысырап қылу адам төзгісіз жағдай ғой. Жол мәселесін шешу үшін түрлі идеяны ортаға тастап, ұсыныс айтып жүргендер көп. Бөкей ордасы ауданының біраз аумағы «Капустин Яр» сынақ полигонына қарайды ғой. «Телегей» қоғамдық бірлестігінің төрағасы Нұрлан Сәдір «полигонға берілген жер үшін Ресейден алынатын өтемақыны түгелімен жол салуға жұмсау керек» деген ойын жариялап жүр. Тіп­ті «Ұлы Отан соғысы кезін­де Жәнібек пен Бөкей ор­дасы аудандары Волгоград май­данының жақын тылы бол­ған, жау ұшақтары Сай­хын­ды, Жәнібекті бірнеше мәр­те бомбалаған, бұл жерде қаншама адам қаза тапқан. Сондықтан бұл екі ауылға «Қаһарман кент» мәртебесін беріп, Германиядан өтемақы талап етейік, сол өтемақыға жол салайық» деушілер де бар. Мұның бәрі, әрине, жол азабын әбден тартқан бөкей­ліктердің тығырықтан шығар жол іздеуі ғой. 

Сонымен Бөкей ордасына жол салына ма? «Егемен Қазақстан» газе­тінің оралдық оқырмандары да бізден мұны жиі сұрайды. 

Айта кетейік, Мемлекет басшысы­ның тапсырмасы­нан кейін кідірмей өңір бас­­шысы Алтай Көлгінов жауап­ты мамандарымен бірге Ас­танаға арнайы барып, Премьер-Министрдің бірін­ші орынбасары Асқар Мамин­нің қабылдауында болды. Мәселеге жан бітті, іс қоз­ғалды деуге болады. Одан кейін Оралға Инвес­ти­ция­лар және даму министр­лігі Автомобиль жолдары ко­м­итеті төрағасының орын­­басары Сайранбек Бар­мақов пен «Қазавтожол» АҚ төрағасының орынбасары Берік Желдікбаев арнайы келді. Астаналық мамандар мән-жайды көзімен көріп, жол жағдайымен танысу үшін облыстың Жәнібек, Бөкей ордасы аудандарына сапар шекті. Бұйырса, көп кешікпей нақты жұ­мыс жоспары да жарияланып қалар. Екі ауданда тұратын 35 мыңдай тұрғынның талай жылдан бері шешілмей келе жат­қан мәселесіне қоз­ғау сал­ған Елбасы Нұрсұлтан Назарбаевқа халық­тың ал­ғысы шексіз. Енді нақты жұ­мыс қолға алы­нып, жол құ­ры­лысы баста­лып кетсе бол­ғаны. Батысқазақ­стандық­тар­дың күткені осы.

Қазбек ҚҰТТЫМҰРАТҰЛЫ,
«Егемен Қазақстан»

СОҢҒЫ ЖАҢАЛЫҚТАР

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Наурызда шаршы алаңға шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

22.01.2019

Франциядан Англияға бет алған ұшақ Ла-Манш бұғазында жоғалып кетті

22.01.2019

Жастар жылының логотипі бекітілді

22.01.2019

Жол азабына ұшырағандарға шекарашылар көмекке келді

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу