KADEX - әскери ынтымақтастық көрмесі

Осы күндері Астанада V Халықаралық қару-жарақ және әскери-техникалық мүлік көрмесі тұңғыш рет Қазақстан Республикасының Қорғаныс және аэроғарыш өнеркәсібі министрлігінің қолдауымен өтуде. Ауқымды іс-шараны «Қазақстан инжиниринг» ҰК» АҚ бірлесе ұйымдастырып отыр. 

Егемен Қазақстан
25.05.2018 1848

Қорғаныс министрліктері мен ведомстволарының басшылары, сонымен қатар алыс және таяу шет мемлекеттердегі компания­лар өкілдері қатысып отырған көрме елорданың Халықаралық әуежайындағы әскери сектор аумағында орналасты. 

Бұл көрме 2010 жылдан бері өткізілуде. Осы уақыт аралы­ғында «KADEX-2018» көрмесі қорға­ныс өнеркәсібі өнімдерін өнді­руші­лер мен тұтынушылар ара­сында өзара тиімді байланыс көпірін орнату мен дамы­тудың нәтижелі алаңына және технологиялық жаңарту мәселе­лерінде тәжірибе алмасу тетігі ретінде танылды. 

Атап өтерлігі, «Advanced Def Tech» ғылыми-тәжірибелік кон­ференциясы бұл көрменің негіз­гі іс-шарасына айналды. Жиын­да әскери-техникалық ынты­мақ­тастық, қорғаныс-өнеркәсіп салаларын жаңарту тетіктері, жаңа технологияларды ендіру бойын­ша өзекті мәселелер кеңінен тал­қыға салынды.

Конференцияның алғашқы күні төрт панельдік сессия өтті: «Кеңестік броньдалған тех­никаны жаңарту. Жаңа тех­но­логиялық шешімдер», «Брон­далған доңғалақты машиналарды дамытудың заманауи үрдістері», «Ұшқышсыз басқары­латын ұшу аппараттары. Жаңа буындағы қарулану», «Оқ ату реактивті жүйесін жаңарту – жүйелерді жетілдіру». ҚӨК (қорғаныс-өнеркәсіп кешенінің) ірі өндірушілері кеңестік бронь­далған техниканы жаңарту, оқ ату реактивті жүйелері, брон­далған доңғалақ көліктер және ұшқышсыз басқарылатын ұшу аппараттарын шығару саласындағы заманауи зерттемелер бойынша  жобалар таныстырылды. Соны­мен бірге Т-72, БТР-80, БПМ-1, БМП-2 танкі негізінде заманауи ұрыс модульдерін және электр-оптикалық аспаптарды ықпалдастырудың қаншалықты қажеттігі сарапқа салынды. Жиында РЗСО БМ-21 «Град» кешенін жаңартуда қатты отын ракеталық қозғалтқыштарды пайдалану аспектілері, құрлық әскерлерін шынжыр табандыдан доңғалақты техникаға қайта жарақтандыру, бейбіт уақытта және ұрыс іс-әрекеттері кезінде  ұшқышсыз басқарылатын ұшу аппараттарын тәжірибелік тұр­ғыда қолдану мәселелері кеңінен талқыланды.
Конференцияның екінші күні Қорғаныс және аэро­ғарыш өнеркәсібі министрі Бейбіт Атамқұловтың қатысуымен «Қорғаныс-өнеркәсіп кешенін дамытудың өзекті мәселелері» тақырыбында пленарлық сессия өтті. Б.Атамқұловтың айтуынша, қорғаныс-өнеркәсіп кешенінің бүгінде ел экономикасында өзін­дік маңызды орны бар және елеу­лі экспорттық әлеуетке ие. Бұл өз кезегінде әскери қуатпен қатар азаматтық сектордың дамуы­­­на да әсер етеді.  Бүгінде ҚӨК ғы­лыми қам­тымды жүйе болып табылады. Оның құрамына 9 мың адамды жұмыспен қамтитын 40 кәсіпорын кіреді.
Ал «Қазақстан инжиниринг» ҰК» АҚ басқарма төрағасы Әсет Құрманғалиев өз баяндамасында бесінші мерейтойлық «Kadex-2018» көрмесі таяуда құрылғаны­на 15 жыл толған «Қазақстан инжиниринг» ком­паниясының мерейтойымен тұспа-тұс келгенін атап өтті. 

– «Қазақстан инжиниринг» компаниясы үшін «КADEX-2018» көрмесі өте маңызды іс-шара. Дәл осы жерде біз өзіміз­дің әлеуе­ті­мізді және жұмы­сы­мыз­дың нәтижелерін барынша толық таныстыра аламыз, әлеует­ті серіктестермен кездесуге, қор­ғаныс-өнеркәсіп кешені сала­сын­дағы жетістіктер мен жаңа­шыл­дықтарды зерделеуге мүмкіндік бар. Сондықтан бүгінгі пленарлық сессия ҚӨК дамытудың өзекті мәселелерін кеңінен талқылаудың тиімді алаңына айналып отыр, – деп атап өтті ол.

Ә.Құрманғалиев  бірқатар машина жасау кәсіпорындарын біріктіретін «Қазақстан инжи­ниринг» елдегі ҚӨК басты ком­пания екендігін атап өтті. Хол­дингтің кәсіпорындары көп бейінді технологиялық базаға ие. Бұл өз кезегінде дайындау­дан бастап дайын өнімді шыға­руға дейінгі өндірістің толық циклын қамтамасыз етуге мүм­кіндік береді. Бұл кәсіп­­орын­дар­дың әрқайсысы көп­­жылғы тәжірибенің арқа­сында жинақ­талған маңызды құзыреттерге және тапсырыс берушілер­мен берік бай­ла­­ныс­­тарға ие. Ком­пания өзінің еншілес және тәуелді ұйым­дарында бірыңғай өнді­рістік, технологиялық, қар­жы­лық және кадрлық саясатты қамтамасыз етеді. 

Оның айтуынша, бұл факторлар «Қазақстан инжини­ринг» компаниясының әлеуеті және келешегінің зор екендігін көрсетеді.

Сонымен бірге ол конфе­ренцияға қатысушылар мен журналистерге «KADEX-2018»  көрмесіне компанияның 17 енші­лес және тәуелді ұйымы келесі бағыттар бойынша қаты­сып отырғанын баяндады, оның ішінде құрлықтағы қарулану және техника; әуедегі қарулану және техника; әскери  қарулану және техника бар.

– Сіздер көріп отырғандай, әскердің барлық түрлері мен бағыттары бойынша тауарлар мен қызметтерді ұсына аламыз, – деді «Қазақстан инжиниринг» компаниясының басшысы. – Сонымен қатар біздің компания экспортқа бағытталған жаңа техникалық шешімдерді әзірлеумен айналысады.

Бұл компанияның мүмкін­діктерін көрсететін шағын ғана тізім. Ол «Қазақстан инжи­ниринг» өнімдерімен және қыз­меттерімен павильонда кеңінен танысуды ұсынды.

Сонымен бірге соңғы жылдары компания өнімдер мен қызметтерді кеңейту жұмыс­тарын белсенді түрде жүргізетіні атап өтілді. Бұл мақсатта бір­қатар инвестициялық жоба іске асы­рылған. Олардың қата­рында ЕС145 тікұшақтарын құрастыру, оптикалық аспаптарды шығару, «Арлан» және «Алан» брондалған көліктерін жасау, Астанада Әуе-техника­лық орталығын құру және тағы басқалары бар.

Ә.Құрманғалиевтің баянда­уынша, Мемлекет  басшысының тапсырмасына сәйкес алдағы жылдары еліміздің қорғаныс өнеркәсібіндегі 9 ірі кәсіпорында технологиялық жаңарту жұмыс­тары жүргізіледі. Жаңарту есебі­нен еңбек шығындарын қыс­қарту, өнімнің өзіндік құнын тө­мен­дету, сапасын көтеру, бұ­йым­­ның нақтылығын арттыру, еңбек өнімділігін арттыру ба­ғытында басымдыққа ие ар­тық­шылықтарға қол жеткізу жос­парланып отыр. 

Компания ішкі нарықтың қажеттіліктерін қамтамасыз ету және оны экспортты ілгерілету мақсатында машина жасау саласында, өзара сабақтас өндіріс­терде мультипликативті нәтижені қалыптастыратын, сонымен бірге сервистік қыз­меттердің аясын кеңейтетін келешегі бар кластерлерді дамытуды көздеп отыр. Ал­дағы уақытта «Қазақстан инжи­ниринг» қызметінің негізгі ба­ғыттарына айналатын клас­терлер ретінде ракеталық-отын, бронь­­далған танк және әуе клас­терлері аталды.

«Advanced Def Tech» ғылыми-тәжірибелік конференциясының қорытындысы бойынша тұжы­рымдама қабылданды. Оған өңірдегі мемлекеттер арасында әскери-техникалық саладағы ынты­мақтастықтың барлық бағыт­тары кірді.

Мақсұт ИРЖАНОВ
 

СОҢҒЫ ЖАҢАЛЫҚТАР

23.06.2018

Ұлттық бірыңғай тестілеудің Қазақстан бойынша орта көрсеткіші - 83 балл

23.06.2018

Серік Түсіповтың отбасы әрдайым назарымызда - семейлік құқық қорғаушылар

23.06.2018

Семейде үйін су шайып кеткен отбасылар баспаналы болды

23.06.2018

Ақтөбеде тұңғыш рет пантымен емдеу орталығы бой көтерді

23.06.2018

Семейде қала әкімі полиция қызметкерлерін кәсіби мерекелерімен құттықтады

23.06.2018

Бүгін - Мемлекеттік қызметші күні

23.06.2018

Қызылжарда Мағжан Жұмабаевқа ескерткіш орнатылды

23.06.2018

Семейде суға кеткен Бобровка тұрғындарының үйлері жөнделіп жатыр

23.06.2018

Дипломаттар халықаралық күн тәртібінің өзекті мәселелерін талқылады

22.06.2018

«Нұр Отан» Маңғыстау облыстық филиалы мемлекеттік және полиция қызметкерлерін марапаттады

22.06.2018

Қазақстан мен Ресейдің парламентаралық ынтымақтастығы нығая түспек

22.06.2018

Қазақстанның Ауыр атлетика федерациясы 2020 жылы Азия чемпионатын өткізуге ниет білдіргенін растады

22.06.2018

Маңғыстау облысында «Нұрлы жер» және «Қолжетімді баспана» бойынша отырыс өтті

22.06.2018

Астанада медиабілімнің даму мәселелері талқыланды 

22.06.2018

Солтүстік Қазақстанда бұршақ жаууы мүмкін

22.06.2018

Астана қаласы маңындағы орман көлемі 100 мың га дейін кеңейтіледі

22.06.2018

«Ақтау Теңіз Порты» АЭА мен DP World инвестициялық жобаларды жүзеге асырмақ

22.06.2018

Қызылорда облысында «Жасыл» технологияларды енгізу бойынша меморандумға қол қойылды

22.06.2018

Сыртқы істер министрлігінде Қазақстанның Польшадағы Елшісінің брифингі өтті

22.06.2018

Кіші Аралда желкенді кемелер жүзе бастады

ТАҒЫ ЖҮКТЕУ
КОЛУМНИСТЕР

Жолдыбай БАЗАР, «Егемен Қазақстан»

Бас ауырып, балтыр сыздағанда...

Халықты әлеуметтік тұрғыда қолдау ісі мемлекеттік саясаттың басым бағыттарының бірі екені дау тудырмайды. Дегенмен қолға алынған әлеуметтік шаралардың ойдағыдай жүзеге асуына кейбір келеңсіз жағдаяттардың кедергі келтіріп, тұрғындардың көңіл-күйіне кері әсерін тигізіп жататыны жасырын емес.

Александр ТАСБОЛАТОВ, «Егемен Қазақстан»

Ақты ақ, қараны қара деген ұтады -Александр ТАСБОЛАТ

Сотқа жүгінбейтін адам жоқ. Бірақ солардың дені «Мен сүттен ақ, судан тазамын» дейді. Яғни «Мен кінәлімін, мен ұры­мын, мен парақормын» деп ешкім айта қоймайды. Және тараптардың қай-қай­сының да сотта келтірген уәждері сенім­ді көрі­неді. 

Сұңғат ӘЛІПБАЙ, «Егемен Қазақстан»

Астық шығымы неге артпайды?

Кейінгі жылдары еліміздің егін шаруашылығы саласына келіп жатқан жаңа технологиялардың нәтижесінде мұндағы еңбек өнімділігінің өсе бас­тағаны белгілі. 

Дархан ҚЫДЫРӘЛІ, «Егемен Қазақстан»

Түркістан – тамырластық тұғыры

Түркістан екі дүние есігі ғой, Түркістан ер түріктің бесігі ғой, Тамаша Түркістандай жерде туған, Түріктің Тәңірі берген несібі ғой!

Жұмабай ШАШТАЙҰЛЫ, «Егемен Қазақстан»

Әр қазаққа қажет ұстаным

Қазіргі өмір барысына ой жіберіп қараған кезде ақыл-ойымыздың тереңдігіне малданып, сезімтал аңғарғыштығымызды артықшылыққа балайтын жөніміз бар ма? Аға ұрпақ санатына қосылған ендігінің ақсақалы біздер қазақ сөзіне әкелген жаңалығымыз, яғни бейнелі тіркес­теріміз кәне дегенге кесімді жауап беру қиын-ау. Ұлғайыңқы тартқан осынау шағымызда қазақ қарияларының сөз саптау мәдениетін жиі-жиі еске алып, жадыда жаңғыртуға тырысатын дертке шалдықтық. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу