Өскеменде 210 жас сарбаз әскери ант қабылдады

Кеше «Шығыс» өңірлік қолбасшылығына қарасты 27943 әскери бөліміне Ақмола, Алматы, Жамбыл, Қызылорда және Солтүстік Қазақстан облыстарынан келген 210 жас сарбаз салтанатты түрде саптық алаңда Әскери ант қабылдады.

Егемен Қазақстан
27.05.2018 2605
2

«Бүгінгі күн сіздердің өмірлеріңіздегі тарихи күн. Әскери ант қабылдай отырып, Сіздер біздің Тәуелсіз Қазақстанымыздың Отан қорғаушылары болдыңыздар. Ел сенімін ақтау - әрбір әскери қызметшінің құрметті де қасиетті борышы. Еліміздің жүз мыңдаған ұл-қыздары Ұлы Отан соғысы жылдарында біздерге үлгі боларлық қайталанбас, мәңгі өшпес ерлік көрсетті. Бүгінгі таңда біздер батырларымыз - Сағадат Нұрмағамбетов, Талғат Бигелдинов, Бауыржан Момышұлы, Әлия Молдағұлова, Мәншүк Мәметова және тағы да басқалардың есімдерін мақтанышпен айтамыз. Олар да осылай Отанға адал болуға ант қабылдап, өз әскери жауынгерлік міндеттерін табандылықпен орындады. Осынау батырлардың Отанға деген шексіз сүйіспеншіліктері Сіздер мен біздер үшін нағыз үлгі, құрметті жауынгерлер», - деді 27943 әскери бөлімінің командирі, подполковник Мұрат Арапбаев өзінің құттықтау сөзінде. 

Салтанатты шара барысында Шығыс Қазақстан облысы бойынша Қарулы Күштер ардагерлері кеңесінің төрағасы, запастағы подполковник Төкен Біләлов, «Шығыс» өңірлік қолбасшылығы әскерлер қолбасшысының атынан полковник Виталий Борисович пен жас сарбаздар ата-аналарының атынан Ерлан Зауырбековтың анасы Жансая Асқарқызы мен Біржан Нұржанұлының әкесі Нұржан Әбенұлы құттықтау сөз сөйледі. Қызылорда облысынан шақырылған қатардағы Біржан Нұржанұлы жас сарбаздар атынан лебізін жеткізіп, офицерлер мен сержанттарға алғысын айтты.

Мәрия Шайхисламова сонау Қызылорда облысы Шиелі ауданы Тәжібай ауылынан Әскери ант қабылдау рәсімін көруге арнайы келіпті. «Бұл – әскери борышын өтеуге келген алғашқы немерем. Таяқ ұстап жүрсем де келіп отырмын. Командирлерінің сарбаздарға деген қамқорлығын көріп, көңілім орнына түсіп, қуанып отырған жайым бар. Немереме елін, жерін абыроймен қорғасын деген тілек айтамын. Басқа да сарбаздарға сәттілік тілеймін», - дейді 73 жастағы апамыз.

Мәлік Созақбаев немересі Тамерлан Шаншаровтың ант қабылдау рәсіміне қатысу үшін Алматы облысы Қапшағай қаласынан жетіпті. «Әскери ант қабылдау әр сарбазға зор жауапкершілік жүктейді. Сарбаздар қабылдаған Антына берік болсын деймін. Бабаларымыз ақ білектің күшімен, ақ найзаның ұшымен қорғаған жерімізді абыроймен қорғасын дейміз. Бұл әскери бөлімнің мотоатқыштар батальонында 1975-1977 жылдары өзім де әскери борышымды өтегенмін. Әрине, ол кезде заман басқа еді. Одан бері қанша жыл өтті. Қазір бәрі өзгерген. Сарбаздарға барлық жағдай жасалған», - дейді ол.

27943 әскери бөлімінің идеологиялық жұмыстар, арнайы насихат және мемлекеттік – құқықтық дайындық бойынша аға офицері, капитан Нұржан Малғаждаров жас сарбаздарды әскери өмірге бейімдеп, әр бағыттағы жауынгерлік, саптық дайындықтардан өткізу әскери бөлім командирінің тәрбие және идеологиялық жұмыстар жөніндегі орынбасары, подполковник Асыл Ерғалиевке жүктелгенін айтады. «Жиын әкімшілігінің офицерлер мен сержанттар құрамы жас сарбаздарды тәрбиелеп, әскери қызметтің қыр-сырларын үйретуде өз қызметтік міндеттерін дұрыс атқара білді. Атап айтқанда, мемлекеттік тіл саясатының жарқын үлгісі ретінде жиын басшысының тәрбие және әлеуметтік-құқықтық жұмыстар жөніндегі орынбасары, капитан Мұрат Сәбитов сарбаздарға Әскери ант мәтінін мемлекеттік тілде жаттап оқуларын талап етсе, сержант  Дулат Қадырбеков, 2 сыныпты сержант Нұрлан Қорабаев әскери командаларды қазақша беріп, орындауды қолға алды», - дейді ол. 

Іс-шара соңында жас сарбаздар жеке құрамы қысқа мерзімде өздері меңгерген қоян-қолтық ұрыс жаттығуларынан қарумен және бөлімнің штаб батальоны барлау ротасы жеке құрамы жауынгерлік ұрыс, оқу-тактикалық жаттығуларынан көрсетілімдерді және әскери оркестр жеке құрамы дефелесін қонақтар назарына тарту етті.

Азамат Қасым,

«Егемен Қазақстан»

ӨСКЕМЕН

Суретті түсірген Нұржан Малғаждаров

СОҢҒЫ ЖАҢАЛЫҚТАР

21.02.2019

Зейін Әліпбек Ұлттық музей директорының кеңесшісі болып тағайындалды

21.02.2019

«Болашақ» - керемет бағдарлама - Шамиль Аляутдинов  

21.02.2019

Әділхан Ержановтың «Түн құдайы» фильмі Үндістанда өтетін фестивальде бақ сынамақ

21.02.2019

Тұрмысы төмен отбасыларға үй беріледі

21.02.2019

Қызылордалық жастар екі жүзге жуық адамды тегін тамақтандырды

21.02.2019

Қызылордада 5 млн теңгені қолды қылған ұры 10 жылға сотталды

21.02.2019

Қазақстанның Қарулы күштері «Кыш-2019» оқу-жаттығуына қатысады

21.02.2019

Заң университеті жас ғалымдарға гранттар бөлді

21.02.2019

АҚШ-тың әуе компаниялары Қазақстанға биыл ұша алады

21.02.2019

Өзбекстан мен Қырғызстаннан кіргізілетін өнімдерге шектеу қойылмақ

21.02.2019

Қорғалжың қорығында балық аулауға тыйым салынды

21.02.2019

Инфекциялық аурулармен күресуге 2,3 млрд теңге бөлінді

21.02.2019

FlyArystan компаниясы мамырда Орал-Алматы әуе рейсін шығарады

21.02.2019

Маңғыстаулық көп балалы аналар қоғамдық көлікте тегін жүреді

21.02.2019

Маңғыстауда мұқтаж отбасыларға гранттар беріледі

21.02.2019

Маңғыстауда мүгедек балалардың емделуіне жағдай жасалады

21.02.2019

Маңғыстауда көп балалы отбасыларға 100 мың теңге төленеді

21.02.2019

Қарағандыда жас сарбаз өз-өзіне оқ атып, мерт болды

21.02.2019

2010 жылдан бері 120 мың тұрақты жұмыс орны құрылды - Жеңіс Қасымбек

21.02.2019

«Батыс» өңірлік қолбасшылығы әскери бөлімдерінде жауынгерлік атыстар өтті

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу