«Жас қанат-2018» байқауының жеңімпазы анықталды

Үміт толы жанар... Лүпіл қаққан жүрек... Қиял қанатында қалықтаған арман... «Жас қанат» байқауына қатысушы өнерпаздардың барлығын ортақтастыратын сезім бұл! Бес күн бойы бір қорқыныш, бір үміт, бір қуаныш, бір күдік жұдырықтай жүректерін тыным тапқызбай, мың мәрте толқытқан айтулы ән байқауы кеше өз мәресіне жетті. Астанадағы Бейбітшілік және келісім сарайында өткен шын жүйрік анықталған салтанатты жиында Қазақ елі «Жас қанат-2018» жас орындаушылардың XXVІІ республикалық байқауының кезекті  жеңімпазымен танысты. 

Егемен Қазақстан
28.05.2018 2100
Суреттерді түсірген Орынбай БАЛМҰРАТ, «Егемен Қазақстан»

1991 жылдың көктемінен бері жыл сайын үздіксіз ұйымдастырылып келе жатқан байқау өзінің 27 жылдық тарихында жас әншілердің тұтас толқынын тәрбиелеп шығарды. Талай таланттың бағын ашып, өнердегі бағытын айқындады. «Жас қанаттан» түлеп ұшқан Медеу Арынбаев, Ерлан Көкеев, Нұрлан Абдуллин, Бақыт Шадаева, Жанар Дұғалова, Мәдина Сәдуақасова, Маржан Арапбаева, Димаш Құдайберген бастаған таланттар шоғыры бүгінде отандық ән өнерінің мақтанышы. 

Еліміздегі ерекше танымалдыққа ие, айтулы музыкалық жоба Бейбітшілік және келісім сарайының киелі сахнасында мамырдың 25-і мен 27-сі аралығында өтті. Биыл «Жас қанатқа» республиканың түкпір-түкпірінен  12 үміткер іріктеліп алынды. Олардың арасында Астана, Тараз, Қарағанды, Алматы, Петропавл, Орал қалаларының және Ақтөбе облысының намысын қорғайтын өнерпаздар бар. Атап айтсақ, Арманай Әбдімомынова (Қарағанды), Бақтияр Ақылбек (Астана), Нұрай Ғаниқызы (Тараз), Диас Кәрімжанов (Астана), Нұрдәулет Қуандықұлы (Ақтөбе), Риза Мағзұм (Орал), Дәмел Ортамышева (Петропавл), Замира Сағадиева (Астана), Сымбат Сейілханова (Алматы), Жанболат Таласбай (Тараз), Аян Тасыров (Алматы), Сәуле Тыныштықова (Тараз)  байқаудың негізгі жүлдесі – «Алтын қанаттың» иесі болуға барын салып бақты. 3 сайыстық кезең бойынша өнер көрсеткен қатысушылар кәсіби музыка мамандарының бағасымен қатар шығармашылық үлкен тәжірибе мектебінен  өтті.  

«Жас қанат-2018» байқауы тек  қаты­сушылар үшін ғана емес, қазылар үшін де жауапты сәт болды. Себебі эстрада аспанында жаңа жұлдыздың жағылып, жас орындаушының үлкен сахнадағы алғашқы қадамына төрелік айту – тарихи һәм жауапты қадам. Өздеріне жүктелген салмағы зіл батпан сенімді абыроймен алып шығуды көздеген сарапшылар барынша әділетті болу үшін барын салды. 

«Жас қанаттың» биылғы XXVІІ маусымына жобаның төл перзенттері, яғни «Жас қанаттың» әр жылдардағы лауреаттары мен дипломанттары қазылық етті. Олар – Маржан Арапбаева, Медеу Арынбаев, Нұрлан Абдуллин, Бақыт Шадаева. Сондай-ақ «Астана Опера» театрының дирижері Абзал  Мұхитдинов, профессор Раиса Мұсаходжаева, «Астана Опера» театрының бас хормейстері Ержан Дәуітов, Kazakh-TV телеарнасының директоры Сандуғаш Рахимжанова және байқаудың негізін қалаушы, продюсер Мұрат Ерғалиев те байқау мықтыларына өз төрелігін айтты. 

– «Жас қанат» жылдан жылға жасарып бара жатыр. Небәрі 16-17 жастағы қатысушылар жоғары деңгейде өнер көрсетуде. Жастығына қарамастан бойларында әншіге керек барлық қасиет тоғысқан: жүрек те, дарын да, талап та, талғам да бар. Біз осы балалардай кезімізде үлкен сахнаға шығып, бақ сынамақ тұрмақ, әлі көркемөнерпаздар үйірмесінен де ұзай қоймап едік. Бүгінгі жастар шынымен де бақытты», – деп «Жас қанаттың» ең алғашқы түлегі, белгілі әнші Медеу Арынбаев байқаудан алған әсерімен бөлісті. 

Хош! Сонымен көптен күткен тарихи сәтке де келіп жеттік.  Қазылар алқасының шешімімен ақтық сынға 3 үміткер таңдалды. «Жүзден жүйрік, мыңнан тұлпар» шыққан өнерпаздар кәсіби орындау шеберлігі мен ұпай санына байланысты І, ІІ және ІІІ орынды өзара бөлісті. Байқау қорытындысы бойынша, қазылар алқасының бірауыздан қолдауымен «Жас қанаттың» бас жүлдесі – «Алтын қанат» жүлдесіне Бақтияр Ақылбек (Астана) лайық деп танылды. «Күміс қанатты» Замира Сағадиева (Астана) еншілесе, Арманай Әбдімомынова (Қарағанды) «Қола қанаттың» иегері атанды. 

Сондай-ақ  «Жас қанат» бағдарламасында осымен үшінші жыл «Арманға бір қадам» атты «байқау ішінде байқау» өтіп келеді. Ереже бойынша арнайы жобадағы үміткерлердің арасынан қазылар алқасы «Жас қанат-2019» байқауына іріктеусіз өтетін бір орындаушыны таңдап алуы керек еді. Бірақ биыл «Жас қанат» байқауының тарихында тұңғыш рет қатысқан үш өнерпаздың үшеуі де келесі жылға жолдама алды. Олар: Тоғжан Қали (Астана), Өркен Миров (Қарағанды) және Ақбота Құснадин (Астана).  Бұл өнерпаздар келесі жылы дәл осы уақытта өтетін «Жас қанат-2019» байқауына іріктеусіз қатысады. 

Өнер байқауы үшін 27 жыл – аз уақыт емес. Осы уақыт аралығында «Жас қанат» өз дәстүрі мен талғамын қалыптастырып үлгерді. Оның игі мысалы – байқауға қатысушылар жыл сайын жасқанаттық дәстүр бойынша «Жас қанат» аллеясында естелік ағаштарын отырғызды.  Ағаш тамырымен бірге асыл армандары жазылған үшбу хатты да топырақпен бірге көмеді. Сол арқылы болашақ өнер адамы жүрегінің түкпірінде ешкімге айтпай  аялап келген аяулы арманын сыртқа шығаруға мүмкіндік алады. Бұл дәстүр «Жас қанатпен» бірге жасап, әуелдегі 2-3 тал ағаш бүгінде мәуелі орманға айналып үлгерді. Бірнеше буын қатысушыларының бар арман-тілегі мен сырын «Жас қанат» аллеясының мәуелі ағаштары жылдан-жылға аман жеткізіп, сақтап келеді...

Назерке ЖҰМАБАЙ, 
«Егемен Қазақстан»

СОҢҒЫ ЖАҢАЛЫҚТАР

20.06.2018

Мемлекет басшысының тапсырмасымен Б.Сағынтаев пен Ә.Жақсыбеков Түркістан облысының әкімін таныстырды

20.06.2018

Астанада робот техникасы бойынша ұлттық біріншілік басталды

20.06.2018

ҰБТ нəтижелерін Telegram-нан көруге болады

20.06.2018

Қазақстан азаматтары үшін Шенген визасының құны 80 еуроға дейін қымбаттауы мүмкін

20.06.2018

Ғ. Әбдірахымов Шымкент қаласының әкімі қызметіне тағайындалды

20.06.2018

Жансейіт Түймебаев Түркістан облысының әкімі болып тағайындалды

20.06.2018

Сенаторлар Президент бастамасын іске асыру барысын талқылады

20.06.2018

Астанада тамақ қалдықтарын тыңайтқышқа айналдырмақ

20.06.2018

Солтүстік Қазақстанда А.Винокуров атындағы халықаралық жарыс өтті

20.06.2018

Түркістаннан тарту» бағдарламасы «Түркия үні» радиосы арқылы тыңдаушыларға жол тартты

20.06.2018

Мақтаралда арнайы комиссия құрамы ҰБТ өтетін нысанды қабылдап алды

20.06.2018

Ұлттық кітапханадағы залға көрнекті ғалым Өмірзақ Сұлтанғазиннің есімі берілді

20.06.2018

Жұмат Әнесұлының шығармашылығы

20.06.2018

Қармақшылық мектеп бітіруші түлектер ҰБТ тапсыруды бастады

20.06.2018

Маңғыстауда «Мирас» кеңесінің отырысы өтті

20.06.2018

Маңғыстауда медицина мекемелерінің қызмет көрсету сапасы тексерілді

20.06.2018

Маңғыстаулық екі мемлекеттік қызметші республикалық байқауда топ жарды

20.06.2018

Қостанайда Астана күндері өтіп жатыр

20.06.2018

Кен алыбының жобасы салалық «Алтын Гефест» байқауында үздік деп танылды

20.06.2018

Қазақстан мен Өзбекстан бизнес-омбудсмендері келісімге қол қойды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Астық шығымы неге артпайды?

Кейінгі жылдары еліміздің егін шаруашылығы саласына келіп жатқан жаңа технологиялардың нәтижесінде мұндағы еңбек өнімділігінің өсе бас­тағаны белгілі. 

Дархан ҚЫДЫРӘЛІ, «Егемен Қазақстан»

Түркістан – тамырластық тұғыры

Түркістан екі дүние есігі ғой, Түркістан ер түріктің бесігі ғой, Тамаша Түркістандай жерде туған, Түріктің Тәңірі берген несібі ғой!

Жұмабай ШАШТАЙҰЛЫ, «Егемен Қазақстан»

Әр қазаққа қажет ұстаным

Қазіргі өмір барысына ой жіберіп қараған кезде ақыл-ойымыздың тереңдігіне малданып, сезімтал аңғарғыштығымызды артықшылыққа балайтын жөніміз бар ма? Аға ұрпақ санатына қосылған ендігінің ақсақалы біздер қазақ сөзіне әкелген жаңалығымыз, яғни бейнелі тіркес­теріміз кәне дегенге кесімді жауап беру қиын-ау. Ұлғайыңқы тартқан осынау шағымызда қазақ қарияларының сөз саптау мәдениетін жиі-жиі еске алып, жадыда жаңғыртуға тырысатын дертке шалдықтық. 

Анар ТӨЛЕУХАНҚЫЗЫ, «Егемен Қазақстан»

Арайланған, абаттанған Астанам!

Махамбет «Еділдің бойы ен тоғай, ел қондырсам деп едім» деп жалынды жырына қосқандай, бүгінде еңсесі биіктеген елорда көз алдымызда қанатын жайып, өсіп-өркендеп, сары даланың сәніне сән қосқан керім қалаға айналғаны анық.

Қарашаш ТОҚСАНБАЙ, «Егемен Қазақстан»

Ән мен күйдің бұлағы – Астананың құрағы 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу