Басқа басылымдардан. АҚШ президенті Солтүстік Корея басшысымен кездесуден бас тартты

Егемен Қазақстан
28.05.2018 5953
2

CNN

АҚШ президенті Солтүстік Корея басшысымен кездесуден бас тартты 

Ақ үйдің ресми сайтында жария­ланған хатында Д.Трамп Сингапурда өтуі тиіс саммит КХДР ұсынысымен басталғанын еске салып, АҚШ-тың оған қатысуға ниетті еместігін жет­кізген. Сонымен қатар ол КХДР-ға ядролық қару күштерімен мақтан­бауын ескерте отыра, АҚШ-тың арсеналы әлдеқайда мықты екенін еске салып өтті. Әйтсе де, Д.Трамп келешекте Солтүстік Корея басшы­сымен кездесуден үміттенетінін мәлімдеді.

CNN арнасының хабарлауынша, Ақ үй басшысының бұл шешімі АҚШ пен КХДР арасындағы айларға созылған дипломатиялық ілгерілеуге нұқсан келтіріп отыр. Ендігі жерде Вашингтон мен Пхеньян байланысы қайта нашарлап кетуі әбден мүмкін. 

Д.Трамптың саммиттен бас тарт­қанына қарамастан, Солтүстік Корея ядролық бағдарламасын тоқтату жөніндегі жұмыстарын жалғастырып жатыр. Таяуда ел билігі ядролық тун­нельдерді жою ісін шетелдік жур­налис­тердің тамашалауына мүмкіндік берді. 

Оқиға орнынан мәлімет таратқан CNN арнасының тілшісі Уилл Рипли­дің ақпаратына сүйенсек, шара­ға­ ядро­лық қару жөніндегі халық­ара­­лық мамандар мен сарапшылар ша­қырылмаған көрінеді. 

У.Риплидің айтуынша, шараға қатысуға жүзден астам журналист өті­ніш білдірген. Алайда Солтүстік Корея билігі оншақты тілшіні ғана іріктеп алған көрінеді. Атап айтқанда, АҚШ, Ресей, Қытай, Ұлыбритания және Оңтүстік Кореядан екі-екіден журналиске рұқсат берілген. Бір қызығы, шараға қатысуға телевизия тілшілері ғана алынған екен. 

Өз кезегінде Солтүстік Корея басшысы Ким Чен Ын кез келген уақытта Д.Трамппен кездесуге әзір екенін хабарлады. Бірақ КХДР сыртқы істер министрінің өкілі АҚШ президентінің шешімі Корей түбегінде бейбітшілік орнатуға бағытталған халықаралық қоғамдастық талпынысына кедергі келтіріп отыр деп мәлімдеген.

CNN арнасы таратқан мәліметке сай, саммиттің өтпеуі туралы шешім АҚШ-тың аймақтағы жақтастарын әрі-сәрі күйге түсіруде. Екі ел арасын татуластырушы ретінде әрекет еткен Оңтүстік Корея президенті Мун Чжэ Ин түн ішінде кезектен тыс жиын өткізген. 

Кейіннен Оңтүстік Корея сыртқы істер министрі АҚШ-тың мемлекеттік хатшысы Майк Помпеомен сөйлесіп, алдағы қадамдары туралы талқылаған. Ал Жапония тарапы АҚШ пен оның жақтастары КХДР-ға санкция салып, дипломатиялық қысым көрсе­туді жалғастыра беру керек деп есептей­тінін жеткізді. 

 

THE GUARDIAN

Ирландия абортқа қатысты референдум өткізіп жатыр

Ирландия тұрғындары түсік жа­сатуға қатысты бүкілхалықтық ре­ферен­дум өткізіп жатыр. Дауыс беру учаскелері таңғы 7:00-де ашылды. Ирландия халқы 22:00-ге дейін өз шешімін білдіруі қажет.

The Guardian газетінің деректе­ріне сүйенсек, аборт жасауды қолдау­шы­лардың саны басым. Әйтсе де, көп­шілік «иә» деп жауап берсе де, түсік жасатуға бірден рұқсат етілмейді. Әуе­лі конституцияға өзгеріс енгізіліп, пар­ламенттің соған сәйкес заң шыға­руына мүмкіндік беріледі. Жаңа заң жобасына сәйкес, түсік жасату жүк­тіліктің 12 айына дейін ғана рұқ­сат етіледі. 

Қазіргі таңда Ирландияда аборт жа­сатуға тыйым салынған. Жүктілік өмірге қауіпті болған жағдайда ғана баланы алдырып тастауға рұқсат етіледі. Жалпы, Ирландия дәстүрлі католик дінін ұстанатын ел саналады. Сондықтан шығар, жүктілікке қарсы дәрілерге 1985 жылы тыйым салынған. 

Елдегі қазіргі заңнамаға сай, түсік жасатқандар не соған қатысы барлар 14 жылға дейін бас бостандығынан айы­рылады. The Guardian басылымының деректеріне сүйенсек, жыл сайын төрт мыңға жуық әйел баласын алды­рып тас­тау үшін шетелге шығады екен. Бұдан бөлек екі мыңнан астам қыз-келіншек онлайн сауда арқылы жүк­тілікке қарсы дәрілер сатып алатын кө­рінеді. 

The Guardian басылымының па­йым­­дауынша, дауыстарды санау сен­бі күні жүргізілетініне қарамастан, нәти­женің қалай болатынын анықтау қиын емес. Яғни референдум қорытын­дысы бойынша түсік жасатуды қол­дай­тындар жеңіске жетуі ықтимал. Оқи­ғаның маңыздылығы соншалық, кейбір азаматтар шетелден арнайы референдум үшін келіп, дауыс беріп жатқан көрінеді. 

Жалпы, Ирландия халқының 78 пайы­зы католик дінін ұстанады. Бірақ жастардың арасында дін ұстанатындар сирек. Сонымен қатар шіркеуге баратындар саны 1972 жылмен салыстырғанда 91 пайыздан 30 пайызға дейін азайып кеткен. 

Шолуды дайындаған 
Абай АСАНКЕЛДІҰЛЫ,
«Егемен Қазақстан»

СОҢҒЫ ЖАҢАЛЫҚТАР

21.02.2019

Зейін Әліпбек Ұлттық музей директорының кеңесшісі болып тағайындалды

21.02.2019

«Болашақ» - керемет бағдарлама - Шамиль Аляутдинов  

21.02.2019

Әділхан Ержановтың «Түн құдайы» фильмі Үндістанда өтетін фестивальде бақ сынамақ

21.02.2019

Тұрмысы төмен отбасыларға үй беріледі

21.02.2019

Қызылордалық жастар екі жүзге жуық адамды тегін тамақтандырды

21.02.2019

Қызылордада 5 млн теңгені қолды қылған ұры 10 жылға сотталды

21.02.2019

Қазақстанның Қарулы күштері «Кыш-2019» оқу-жаттығуына қатысады

21.02.2019

Заң университеті жас ғалымдарға гранттар бөлді

21.02.2019

АҚШ-тың әуе компаниялары Қазақстанға биыл ұша алады

21.02.2019

Өзбекстан мен Қырғызстаннан кіргізілетін өнімдерге шектеу қойылмақ

21.02.2019

Қорғалжың қорығында балық аулауға тыйым салынды

21.02.2019

Инфекциялық аурулармен күресуге 2,3 млрд теңге бөлінді

21.02.2019

FlyArystan компаниясы мамырда Орал-Алматы әуе рейсін шығарады

21.02.2019

Маңғыстаулық көп балалы аналар қоғамдық көлікте тегін жүреді

21.02.2019

Маңғыстауда мұқтаж отбасыларға гранттар беріледі

21.02.2019

Маңғыстауда мүгедек балалардың емделуіне жағдай жасалады

21.02.2019

Маңғыстауда көп балалы отбасыларға 100 мың теңге төленеді

21.02.2019

Қарағандыда жас сарбаз өз-өзіне оқ атып, мерт болды

21.02.2019

2010 жылдан бері 120 мың тұрақты жұмыс орны құрылды - Жеңіс Қасымбек

21.02.2019

«Батыс» өңірлік қолбасшылығы әскери бөлімдерінде жауынгерлік атыстар өтті

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу