Әлем чемпионаты-2018. Кімге қанша қаражат беріледі?

Әлем чемпионаты 2018 жылғы ең маңызды спорттық жарыс екені айдан анық. Дүниенің ең мықты деген командалары алтын кубокке таласады. Алайда көптеген команданың ойында кубоктан бөлек ақшалай берілетін сыйақы тұратыны тағы белгілі. Тура Олимпия ойындарындағыдай әр елдің федерациялары өз командаларына сыйақы да тағайындап отыр. Оның үстіне ФИФА-ның беретін ресми бонусы тағы бар. Үстеме қаржы қанша миллион және чемпион қандай мөлшерде қаражат алады?

Егемен Қазақстан
08.06.2018 2339

ФИФА командаларға арналған қаражатты 5 біріншілік бойы көтермелеп келеді. 2002 жылы 154, 2006 жылы 262 миллион доллар бөлсе, 2010 жылы тіпті ойыншылары мундиальға қатысқаны үшін клубтарға да сыйақы беретін болды. Сонымен ОАР-да 420, Бразилияда сыйақы көлемі 564 мил­лион долларға дейін көбейді. Ал би­ыл­­ғы бірін­ші­лік­ке Халықаралық футбол қау­ымдастығы 791 миллион доллар тағай­ын­дап отыр. Оның 209 миллионы клуб­тарға, 134 миллионы футболшысы жа­ра­­қат алған клубтарға, қалған 48 милли­он жа­рысқа жолдама алған 32 құрамаға 1,5 мил­­ли­оннан бөлініп беріледі. Ал топтық ке­зең­ге қатысқаны үшін барлық командаға 8 мил­ли­оннан қарастырылған. Сонда Ресейдегі чем­пи­онатқа қатысқан барлық команда кем деген­де 9,5 миллион доллар алып қайтады. Ал егер команда өз тобынан плей-оффқа шықса он­да тағы да үстеме 4 миллион қосылады. Ширек финалға өткендерге тағы да 4 миллионнан. Жалпы сомада Әлем чемпионы болған құрама команда 38 миллион доллар алады.

Жолдама     –     1,5 миллион
Топтық кезең     –     8 миллион
1/8 финал     –     12 миллион
¼ финал     –     16 миллион
4-орын     –     22 миллион
3-орын     –     24 миллион
2-орын     –     28 миллион
Чемпион     –     38 миллион

Ресей

Әлем чемпионатын қабылдап жатқан Ресей құрамасы бұл үстеме қаржыдан бөлек мемлекет тарапынан да сыйақы алады. Бұл жайында бұқаралық ақпарат құралдары жарыса жазуда. Яғни Ресей футболшылары топтан шықса 300 миллион рубль, финалға өтсе 1,2 млрд рубль, ал жеңімпаз болса 
2 млрд рубль алады. Футбол федерациясының президенті Александр Алаев Ресей құрамасы чемпионатқа қатысқаны үшін алатын 9,5 миллион доллар құраманың оқу-жаттығу жиындары мен жолдастық кездесулеріне жұмсалады деп мәлімдеді. Ал егер құрама команда өз тобынан шығып тағы 4 миллион долларды еншілейтін болса, онда осы сома командаға теңдей бөлініп берілетінін жеткізді. 

Англия

Англия құрама командасы да мемлекет тарапынан сый күтеді. «The Sun» басылымының мәлімдеуінше, егер Англия чемпион болатын болса 5 миллион фунт стерлинг көлемінде сыйлық алады. Ол ақша команда мүшелеріне 200 мыңнан бөлінетін болады. Британиялықтар чемпионаттың фавориттері қатарында жоқ және чемпион болмағанына жарты ғасыр уақыт өткен. 

Германия

Неміс футбол қауымдастығы құрамасы чемпиондық атақты қорғап қалса, 8 миллион еуро көлемінде қаржы беретін болды. Сонда жалпылама алғанда чемпион атанған әрбір ойыншы – 350 мың еуро, күміспен күптелсе – 200, қола медаль иеленсе 150 мың еуродан алады. 

Испания

Испаниялық AS газеті де құрама қанша қаржы алу мүмкін екендігін жариялады. Испаниялық футболшылар плей-оффқа шыққаны үшін ешқандай да үстеме алмайды. Егер команда ширек финалға шықса онда әр футболшы 30 мың еуро, жартылай финалда ойнаса 60 мың еуро, екінші орын алса 90 мың еуро, чемпион болса 125 мың еуродан иемденеді. Сонымен қатар испаниялықтар чемпион болса 90 мың еуро тұратын Patek Philippe Nautilus фирмасының сағаттарын қолдарына тағады. 

Франция

2016 жылы өз жерінде Еуро додасын өткізген кезде Франция құрамасының әр ойыншысы чемпион атанған жағдайда 300 мың еуродан алар еді. Бірақ бұл сомаға француздар сәл ғана жетпей қалды. Енді осы үстеме Әлем чемпионатына ауысты. Үстіне тағы 100 мың қосылды. Енді Дидье Дешам шәкірттері Ресей жерінде атой салып, чемпион атанар болса 400 мың еуродан алады. 

Бельгия

Бельгия құрамасы осы біріншіліктің жасырын фавориті. Көптеген мамандар осы ұжым чемпион атанып кетуі мүмкін деп болжап отыр. Футболшылардың да чемпион атануға деген құлшынысы зор. Әрине әр футболшыға 600 мың еуро сыйақы тағайындалған соң, кім қарап қалсын?! Негізі, Еуро додасы кезінде бұл сома 1 миллион болатын. 

Бразилия

Осы әлем чемпионатына қатысқалы отырған құрамалардың ішінде Бразилияның сыйақысы ең көп команда. Бразилиялықтар алтыншы мәрте Әлем чемпионы атанар болса, онда әр футболшы 1 миллион доллардан алатын болады. Тіпті, үшінші қақпашы да!

Нигерия

2014 жылғы чемпионатта Нигерия құрамасы уәде етілген сыйақымызды алмадық деп жаттығуға шықпай қойып еді. Мұндай келеңсіз оқиға қайталанбас үшін Нигерия футбол федерациясының президенті Аммаджу Пинник футболшыларға 2,8 миллион еуро көлеміндегі ақшаны теңдей бөліп бердік деп мәлімдеді.

Ермұхамед МӘУЛЕН,
«Егемен Қазақстан»

СОҢҒЫ ЖАҢАЛЫҚТАР

14.08.2018

Қара жолдың қасиеті

14.08.2018

Бұқар жырау Қалқаманұлының 350 жылдығына арналған көрме-байқауы өтті

14.08.2018

Қажымұқан көтерген тас

14.08.2018

Арал аумағында атқарылар шаруа көп

14.08.2018

«Хрущевкалардан» құтылудың тиімді тетігі

14.08.2018

Оқулық шығаруда олқылықтарға жол берілмеуі қажет

14.08.2018

Байзақ батыр кесенесі

14.08.2018

Жеті айдың қорытындысы бойынша экономикалық өсім 4% құрады — ҚР ҰЭМ

14.08.2018

Ұлы Абайдың туған күні тұңғыш рет Ташкентте тойланды

14.08.2018

Шәкәрімнің үш анығы

14.08.2018

Қолма-қол ақшасыз есеп айырысулар саны өсуде

14.08.2018

Цифрлы қаржы: тез, арзан, тиімді

14.08.2018

Дулат Исабековтің кітапханасы ашылды

14.08.2018

Бекболат Әдетов шыққан белестер

14.08.2018

Бес елдің мөрімен бекітілген құжат

14.08.2018

Курчатовта төрт жолақты бассейн салынады

14.08.2018

Инженерия үздіктері анықталды

14.08.2018

Ақтау саммиті әлем назарында

14.08.2018

АҚШ-тың Қазақстандағы елшісі ауысуы мүмкін

14.08.2018

Зейнетақымен қамсыздандыру заманға икемді ме?

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

Жақсыбай САМРАТ, «Егемен Қазақстан»

Халық санының артуы – елге құт

Халық санының артуы Қазақстан сияқты жер көлемі үлкен, халық саны аз мем­лекеттерге ежелден маңызды мәселе­лердің бірі болып келеді. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу