Жәнібек жұлқынып тұр

Танымал боксшы Жәнібек Әлімханұлының жүріп өткен жолы барша қазақ жанкүйерлерінің көз алдында. Жастар буыны арасынан суырылып шыққан бетте-ақ ересектер дуына еркін қосылып, әуесқойлар арасында орасан зор табысқа қол жеткізген ол енді кәсіпқой рингте күш сынасуға белді бекем буып отыр. Күні кеше ғана қазақ жігітінің даңқты промоутер Боб Арум жетекшілік ететін «Top Rank» компаниясымен келісімшартқа отырғанын естіп кәдімгідей қуанып қалдық. 

Егемен Қазақстан
19.06.2018 4107
2

Бәрі де күні кешегідей көз алды­мызда. 2012 жылы Астанада өт­кен Қазақстан чемпионатында тосын нәтижелер көп тіркелген жоқ еді. Жеңіс тұғырының ең биік сатысына әдеттегідей әккі бокс­шылар бірінен кейін бірі кө­теріліп жатты. Бас жүлдені ол­жа­лаған Біржан Жақыпов, Ілияс Сүлейменов, Қайрат Ералиев, Берік Әбдірахманов, Мерей Ақшалов, Данияр Елеусінов, Алмат Серімов, Антон Пинчук және Жан Кособуцкий сынды саңлақтардың есімін барша жұрт жақсы біледі. Бұл жарыста тек 75 кило салмақ дәрежесіндегі жағдай өзгеше болды. Басты фавориттер – Рустам Сыбаев пен Ерік Әлжановты қапы қалдырған 19 жастағы Жәнібек Әлімханұлы осы салмақта топ жарып, өзінің өрелі өнерінің арқасында сан мың көрерменнің көзайымына ай­нал­ды. Міне, Жәнібектің үлкен спорттағы жеңісті жолы осылай басталған еді.

– 2002 жылы белгілі кәсіпкер және меценат Бауыржан Оспанов өзінің кіндік қаны тамған жері – Алматы облысы, Алакөл ауда­ны­ның Жыланды ауылында бокс үйірмесін ашып, бапкер болу жөнінде маған ұсыныс айтты. Жәнібекпен сол жақта табыстым. 7 жасар баланы анасы қолынан жетектеп әкеліп, маған табыстады. Содан қауырт жұмыс басталды. Арада біраз уақыт өткенде Жәнібек өз қатарластары арасынан оқшауланып, өзгелерден оқ бойы озық екенін байқатты. Содан бұл балаға бүкіл көңілімді бөліп, бар білгенімді үйрете бастадым. Бірде мынадай қызық жағдай болды: Қауырт жұмыстан қо­лы бір сәтке босап, ауылға кел­ген Бауыржан аға: «Қалай, жұ­мысың оңды ма? Жыландыда мық­ты жігіттер бар ма екен?» деп тіл қатты. Сол мезетте мен: «Аға, бір үйір жылқының ішінен на­ғыз дүлдүлді жазбай таныдым. Бойын­да бұла күш бұлқынып, кө­зі жанып тұр, қарап тұрыңыз, бұл бала келешекте әлем чемпи­оны атанып, қазақтың мақтан тұ­тар ұлына айналады» деп, қа­сымдағы жасы әлі 10-ға да тол­маған Жәнібекті көрсеттім, – деп атақ­ты боксшының жеке бапкері Мұрат Сиқымбаев өткенді еске алды. 

Уақыт оза білікті маманның айтқаны айнадай келді. Ел бірін­ші­лігіндегі жеңісінен кейін Қазақ­стан ұлттық құрама коман­дасы сапына қабылданған Әлім­ха­н­ұлы 2013 жылдың шілде айдында Иордания астанасы – Амманда Азия чемпионы атанды. Арада үш ай өткеннен соң төрткүл дүниенің дүлдүлдері Алматыда бас қосты. Алатау баурайында да Жәнібек жасын­дай жарқырады. Бастапқы бәсе­келерде әзербайжандық Сұл­тан Мигидинов, мексикалық Хуан Антонио Меркадо және румы­ниялық Богдан Журатониді жең­се, жартылай финалда ағыл­шын боксшысы шаршы алаң­ға шығудан бас тартты. Ақ­тық айқаста қандасымыз ирлан­дия­лық Джейсон Куиглиді қапыда қал­дырды. Сол бәсекені тама­шалау үшін Қазақстан Рес­пуб­­ли­касының Президенті Нұр­сұл­тан Назарбаевтың өзі Балуан Шолақ атындағы спорт сарайына ат басын арнайы бұрған еді. Елбасының көз алдында Жәнібек қар­сыласын ұрып жыққанда, барша жанкүйерлердің ерекше шаттыққа бөленгенін көзіміз көр­ді. Сөйтіп 20 жасында Әлім­хан­ұлы әлем чемпионы атанды. Ал 2014 жылы Инчхонда алауы тұтанған жазғы Азия ойындарында қазақтың ұлы алтын тұғырдан қол бұлғап, өзінің мықтылығын тағы бір дәлелдеді. 

Осы жеңістерге масаттанған жан­күйерлердің барлығы да «енді Жәнібек Әлімханұлын тоқ­та­татын күш жоқ» деп ойлады. Расында да сол тұста ол садақтың адыр­насындай ширығып тұрған еді. Екі қолының да соққысы зілдей, қимылы ширақ, рингте өзіне өте сенімді. Бір сөзбен айтсақ, жас болса да, бас болуға лайық азамат! Сондықтан да келесі әлем чемпионаттары мен Олимпия ойындарында да осы жі­­гіттің жеңіс тұғырына кө­те­­рі­летініне күмәнданғандар кем­де-кем еді. Бірақ көз тиді ме, әлде сөз тиді ме, әйтеуір, содан кейін-ақ Жәнібектің жолы бір оңғарылмай-ақ қойды. 2015 жыл­ғы Азия біріншілігінде өзбек­стан­дық Бектемір Мелекузиевтен ұтыл­са, әлем чемпионатында ирлан­диялық Майкл О’Рейллиге есе жіберді. Екі ретінде де ол же­ңіс тұғырына сынық-сүйем қал­ғанда сүрінді. 

Десек те осы сәтсіздіктерден кейін де жас боксшыға деген ел сүйіс­пеншілігі еш суыған жоқ. Кері­сінше, көп кешікпей бір жақ­сылықтың болатынына сендік. Әсіресе Рио Олимпиадасы қар­са­ңында Жәнібектің жолына үміт­пен қарап, дарынды жас­ты жеңіс тұғырынан көрсек деп армандадық. Алайда ол се­нім ақталмады. Ширек финал­да қандасымыз ойда-жоқ­та Қазақ­станда туып-өскен әзер­бай­жан боксшысы Шамран Шах­суварлыдан ұтылып, елге еңсесі түсіп оралды. 

Соңғы рет Жәнібек 2017 жылы Шымкентте өткен Қазақ­с­тан чемпионатында күш сына­сты. Бұл жігітке не болғаны белгісіз, бастапқы бәсекелердің бірінде есімі көпшілікке бей­мә­лім қостанайлық Михаил Кохан­чикке есе жіберді. Тіптен, рингке шыққан бетте жұдырықтасуға зауқы соқпай, жеңісті өз қолы­мен қарсыласына ұстата сал­ған­дай көрінді бізге. Содан кей­ін Әлімханұлы спортсүйер қауым­ның назарынан тыс қалды. 

Жуырда Жәнібек кәсіпқой боксқа ауысатыны жайында мә­лім­деп, БАҚ өкілдерінің қаты­суымен ашық жаттығу өткізді. Белгілі менеджер Эгис Климаспен «тіл табысып», Америкаға аттанып бара жатқанын айтты. Ал күні кеше қазақ боксшысының Боб Арум жетекшілік ететін «Top Rank» компаниясымен келі­сімшартқа отырғаны белгілі болды. 

86 жастағы Боб Арум кәсіп­қой бокс әлеміндегі ең беделді тұлғалардың бірі әрі бірегейі. Сонау 1962 жылы ол әйгілі Флойд Патерссон мен атышулы Сонни Листон арасында чем­пи­ондық белбеу үшін жекпе-жек ұйымдастырып, өз есімін дүй­ім жұртқа мәшһүр етті. Әр жыл­дары Мұхаммед Әли, Джо Фрейзер, Джордж Форман, Марвин Хаглер, Роберто Дюран, Карлос Монсон, Томас Хирнс, Хулио Сесар Чавес, Шугар Рэй Леонард, Оскар Де Ла Хойя, Эрик Моралес, Мигель Котто, Мэнни Пакьяо, Флойд Мейвезер және тағы да басқа көптеген шоқ жұлдыздар жоғарыда есі­мі аталған абыз ақсақалдың ша­пағаты мен қамқорлығын көр­ді. Қазіргі кезде де Боб Арум бас­қаратын ұйымда Василий Лома­ченко мен Теренс Кроуфорд бастаған дарабоздардың қалың шоғыры өріп жүр. Енді сол азамат 25 жастағы қазақ жігіті Жәнібек Әлімханұлын кәсіпқой бокс әлемінің ең ұшар шыңына шығарады деп үміттенеміз. 

Ал Жәнібектің өзі жаттығу жұмыстарын бастап, жекпе-жекке шығамын деп жұлқынып тұр. Сөз жоқ, даңқты Боб Арумен жұмыс істеу осы спорт түрін серік еткен әрбір азамат үшін үлкен мәртебе. Оның үстіне, қандасымыз кілең саңлақтармен бір залда даярланады. Жұлдыз­дар­мен бірге жаттығып, бірге жүру­дің өзі кәсіпқой бокста алғаш­қы қадамдарын жасап жүр­ген Жәнібек Әлімханұлына ерекше рух беретіні даусыз. 

Ғалым СҮЛЕЙМЕН,
«Егемен Қазақстан» 

АЛМАТЫ 

СОҢҒЫ ЖАҢАЛЫҚТАР

21.11.2018

«Қасиетті Қазақстан: Туған жерге тағзым» атты тарихи-танымдық экскурсиялар сериясы басталды

21.11.2018

ҰБТ-ға өзгерістер енгізіліп жатыр

21.11.2018

Мемлекет басшысы бірқатар заңдарға қол қойды

21.11.2018

Елбасы білім беру жүйесін одан әрі жаңғырту мәселесі жөнінде кеңес өткізді

21.11.2018

Түркістанның ежелгі беделін қайта көтеру – бүкіл түркі әлемі үшін үлкен жетістік болады

21.11.2018

Мархабат Байғұт: Әлемдік әдемі әңгіме

21.11.2018

Түркі киносын әлемге танымал етудің жайы талқыланды

21.11.2018

Бердібек Сапарбаев Ақтөбе қаласындағы өндіріс нысандарын аралады

21.11.2018

«Егемен Қазақстан» газетінің журналистері болашақ тілшілермен кездесті

21.11.2018

Голландиялық бизнесмен Ақтөбе облысының инвесторларға тартымды екенін айтты

21.11.2018

Нұрболат Ахметжанов: Көне тарих көмескі тартпасын

21.11.2018

Әбдіманап Бектұрғанов: Тарихқа тағзым

21.11.2018

Қ.Әбдірахманов: «Ұлы даланың жеті қыры» әлем мәдениетін жақындастырады

21.11.2018

Павлодарда археологтар б.з.д. 5-ші мыңжылдықта жерленген жылқылар сүйектерін тапқан

21.11.2018

«Ақтөбе» футбол клубы сенімді басқармаға берілді

21.11.2018

Ұлттар Лигасының қорытындысы шығарылды

21.11.2018

Такир Балықбаев: Жаңа еңбек жаңаша ой салды

21.11.2018

Ақтөбеде кәсіп бастағысы келетін жандарға кеңес берілді

21.11.2018

Мәулен Әшімбаев: Ұлт тарихын танудың жаңа кезеңі

21.11.2018

Chartbeat жобасы аясындағы байқау жеңімпаздары ашық деректер панелін құрады

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Táýelsizdiktiń tánti bolar tusy kóp

Jylda, Táýelsizdik kúni jaqyndaǵan saıyn osy ýaqyt ishinde elimiz qandaı jetistikterge jetti degen saýaldy ózimizge qoıyp, ony saralaýǵa tyrysamyz. Biraq mundaıda jappaı aıtylyp júrgen jetistikterdi emes, ózimiz baıqaǵan jeke kózqarastaǵy tabystardy taldaýǵa tyrysamyz. Sonyń ishinde kózge túsetin bir ǵanıbetti jańalyq – halqymyzdyń burynǵydaı eshkimnen qysylmaı, kimmen bolsa da ómirdiń barlyq salasynda ıyq teńestire túskeni.

Анар ТӨЛЕУХАНҚЫЗЫ, «Егемен Қазақстан»

Stokgolm sındromy

Jumyr jerdiń betinde sany jaǵynan bizden áldeqaıda kóp, alaıda táýelsiz el atanýdy mańdaılaryna jazbaǵan, ol oryndalmas armandaı kórinetin halyqtar az emes jeterlik. Jaratqannyń qalaýymen qolǵa tıgen táýelsizdik qazaq balasynyń eń bir asyl muraty edi.

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу