Таразда тұңғыш рет трансплантациялық ота жасалды

Бүгінгі таңда отандық медицина дамып, әлемнің дамыған елдерімен бәсекелесе алатындай дәрежеге жетті. Әрине медицина ғылымының қарыштап дамуы азаматтардың денсаулығын нығайтуға үлкен септігін тигізетіні анық. 

Егемен Қазақстан
21.06.2018 860

Қазіргі кезде қауіпті қатерлі дерттердің алдын алу, оны болдырмау шаралары елімізде жоғары дәрежеде қолға алынды. Сонымен қатар, ағза ауыстыру жұмыстары да өз кезегінде биік деңгейде атқарылып келеді. 

Трансплантация – бүгінде хирургияның айтулы жетістігі ретінде белгілі. Еліміз бойынша осы уақытқа дейін Тараз қаласында тұрғындарға кардиохирургиялық көмектер көрсетіліп келді. Бұл жұмыстардың бәрі де сәтті болған болатын. Осы орайда Тараз қаласындағы профессор Сейітхан Жошыбаев басқаратын «Кардиохирургия және трансплантология ғылыми-клиникалық орталығының» атқарып отырған жұмысы аз емес. Аталған клиника мамандарының он жылдық тынымсыз ізденістерінің нәтижесінде өңірде жуырда бүйрек алмастыру отасы сәтті жасалды.

Бұл – Тараз қаласында тұңғыш рет жасалған бүйрек алмастыру отасы. Ота жамбылдық азамат Ерланға жасалды. Ерланның ағасы Руслан інісіне бір бүйрегін беріп, бауырмалдықтың, азаматтықтың нағыз үлгісін танытты. Ерлан бір үйдің кенже ұлы екен. Өкінішке қарай, ол 2007 жылдан бері бүйрек ауруының зардабын тартып келеді. Науқастың анасы Мира Керітбаеваның айтуынша, тіпті соңғы уақытта Ерланның екі бүйрегі бірдей жұмыс істемей қалыпты. Қыс бойы айына бірнеше рет ауруханаға жатып, гемодиализ арқылы ем де қабылдаған екен. Бұған қоса қан қысымы көтеріліп кете беретінді шығарады. Сөйтіп жүргенде, дәрігерлер Тараз қаласындағы «Кардиохирургия және трансплантология ғылыми-клиникалық орталығына» қаралуға кеңес береді. Ал аталған клиниканың мамандары Ерланға бүйрек алмастыру отасын жасау қажеттігін, алайда оған донор керек екенін ескертеді. Осы кезде Екібастұз қаласында жұмыс істейтін ағасы Руслан үйіне келіп, бауырының жағдайын көрген соң бір бүйрегін інісіне беруге шешім қабылдайды. Нәтижесінде Ерланға ота сәтті жасалды.

Операцияны Қазақстан Республикасының ағзаларды транспланттау жөніндегі ұлттық үйлестірушісі Жақсылық Досқалиев жасады. Бүйрек алмастыру отасын көрші Қырғыз Республикасынан және еліміздің өзге де өңірлерінен келген хирургтар тікелей трансляция арқылы көру мүмкіндігіне ие болып, өзара тәжірибе алмасты. Жақсылық Досқалиевтің айтуынша, Жамбыл өңірі бойынша қазіргі кезде 100 адам донор бүйрегін күтуде екен. Шынында да науқастың жағдайын түсініп, оған донор болу оңай емес. Ол үшін жүрек пен жігер керек. Ал Русланның бұл ерлігі өзге азаматтарға да үлгі әрине.

  Сәтті отадан кейін Қазақстан кардиохирургтері жалауының көтерілуіне арналған жиын өтіп, профессор Сейітхан Жошыбаев трансплантацияны жасау үшін көптеген дайындық жұмыстарының жүргізілгеніне тоқталды. Бүгінгі таңда әуелі кардиохирургиялық орталық болып ашылған емдеу мекемесі аз уақыттың ішінде трансплантологиялық ғылыми-клиника деңгейіне көтерілді. Өз сөзінде Жақсылық Досқалиев трансплантация отасын жасауға аталған мекеменің материалдық-техникалық базасының сай екенін айтса, Қырғыз Республикасы, Талас облыстық ауруханасы бас дәрігерінің орынбасары Алмас Асынбаев жоғары деңгейлі клиникада ағза алмастыру отасының сәтті жүзеге асқанын жоғары жетістік ретінде бағалады. Сонымен қатар, Жамбыл облыстық денсаулық сақтау басқармасы басшысының орынбасары Хамит Мырзақасымов, медицина ғылымдарының докторы Сағындық Ордабеков трансплантациялық отаның сәтті жасалуы Жамбыл өңірі ғана емес, еліміз үшін де елеулі оқиға екенін жеткізді.

Хамит Есаман,

«Егемен Қазақстан»

Жамбыл облысы ​​

СОҢҒЫ ЖАҢАЛЫҚТАР

18.07.2018

Қой терісі демеңіз...

18.07.2018

Қазақ әдебиеті әлем тілдеріне аударылады

18.07.2018

Павлодар облысы жаңару мен жаңғыру жолында

17.07.2018

Гинеколог-акушер жас ананың өліміне қатысты пікір білдірді (видео)

17.07.2018

Елбасы Павлодар облысының әлеуметтік-экономикалық даму мәселелері жөнінде кеңес өткізді

17.07.2018

Каспий маңы елдерінің басшылары Ақтауда кездеседі

17.07.2018

Еліміздің үш қаласынан Баянауылға әуе рейстері ашылады

17.07.2018

Биыл Қазақстан перзентханаларында 31 ана қайтыс болды

17.07.2018

Алматыда Оңтүстік Кореямен бірлескен амбулаторлық клиника ашылды

17.07.2018

Еліміздің бірнеше өңірінде ауа райына байланысты ескерту жарияланды

17.07.2018

Арқайым – аңыздар андыздаған алқап

17.07.2018

Инновациялық жобалар мен тың идеяларға байқау жарияланды

17.07.2018

Ақпарат және коммуникациялар министрі Smart city жобасын жүзеге асыру бойынша есеп берді

17.07.2018

Елбасы «Павлодар мұнай химиясы зауытына» барды

17.07.2018

«Президент кубогы» басталды

17.07.2018

Қазақмыс биылғы алты айда 14 млн 507 мың тонна кен өндірді

17.07.2018

«Qazaqstan» мен «Qazsport» футболдан әлем чемпионатының көрсетілімін қорытындылады

17.07.2018

Жаңаөзенде «Астанаммен мақтанам!» атты дөңгелек үстел өтті

17.07.2018

Биыл Алматыда заңсыз 77 нысан анықталды

17.07.2018

Мемлекеттік хатшы «Айбын» әскери-патриоттық жиынының ашылуына қатысты

ТАҒЫ ЖҮКТЕУ
КОЛУМНИСТЕР

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

Қорғанбек АМАНЖОЛ, «Егемен Қазақстан»

Жалғыздық жыры

Жақында жастық шағында жарқылдап дәурен сүрген, марқұм ағамызбен бақытты ғұмыр кешкен, қазір сексеннің сеңгірін саялаған бір жақсы апамыздың көңілін сұрап, халін білгенбіз. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу