Астана шежіресі: 1998 жыл

Елбасы Нұрсұлтан Назарбаев өткен жылы жарық көрген «Тәуелсіздік дәуірі» атты еңбе­гінде: «Жас мемлекетке міндетті түрде жаңа, заманауи астана қажет екенін тәуелсіздіктің бірінші күнінен-ақ ойладым. Осы ойымның дұрыстығына нық сенімді едім. 1992 жылдың өзінде-ақ Ақмолаға жұмыс сапарымен келгенде, астананы осында ауыстыру туралы ойға келдім» деп, жаңа дәуірге қадам басқан еліміздің баянды болашағы жайлы тәуелсіздіктің алғашқы күндерінен бастап, ойға алғаны жайлы жазыпты. 

Егемен Қазақстан
22.06.2018 3034

Нақты шешім ретінде 1997 жылғы 20 қазанда Қазақстан Республикасының Президентінің «Ақмола қаласын Қазақ­стан Республикасының астанасы деп жариялау туралы» аса маңызды Жарлығы шықты.

Осы бір тарихқа толы 1997 жылдың 7 қарашасында Президент Әкімшілігі мен Үкіметі Алматыдан Арқаға қоныс аударса, 10 желтоқсан күні Президент Жарлығымен «Ақмола қаласы Қазақстан Республикасының жаңа астанасы» деп танылды.

Осылай басталған жаңа дәуір жылнамасына биыл 20 жыл толып отыр. Бір ғана дерек: 1998 жылы бар-жоғы 300 мыңға жуық тұрғыны бар шағын қалада қазір бір миллионнан астам адам өмір сүруде. Яғни 20 жыл – 20 дәуір. Осындағы әрбір жылдың қойнауында жаңа дәуірге бет алған Қазақ елінің тарихы жатыр. Атап айтқанда: 

1998 жыл

6 мамыр – «Қазақстан Респуб­ликасының астанасы Ақмола қаласын Қазақстан Республикасының астанасы Астана қаласы деп қайта атау туралы» Қазақстан Республикасы Президентінің Жарлығы шығып, дәл осы күні «Қазақстан Республикасының астанасы Астана қаласында Сарыарқа және Алматы аудан­дарын құру туралы» Жарлығы жарияланды. 

6 мамыр – Қазақстан Республикасы Президентінің Жарлығымен Ұлы Отан соғысындағы неміс-фашист басқыншы­ларына қарсы күресте көрсеткен ерлігі мен қаһармандығы үшін кіші сержант Бақтыораз Бейсекбаевқа «Халық Қаһарманы» атағы беріліп, кешікпей қаладағы Жуковский көшесі Бақтыораз Бейсекбаев болып өзгерді. 

7 мамыр – Президент Н.Назарбаевтың Жарлығымен Әділбек Рыскелдіұлы Жақсыбеков Астана қаласының тұңғыш әкімі болып тағайындалды.
9 мамыр – Астанада түркі тілдес мемлекеттер басшыларының алғашқы саммиті өтті. Оған Әзербайжан Респуб­ликасының Президенті Гейдар Әлиев, Өзбекстан Президенті Ислам Каримов, Қырғызстан Президенті Асқар Ақаев, Түркия президенті Сүлеймен Демирел, Түрікменстанның Мәжіліс төрағасы Сахат Мұрадов және Қазақстан Пре­зиденті Нұрсұлтан Назарбаев қатысты. 

20 мамыр – Президент Н.Назарбаев «Қа­зақстан Республикасы астанасының мәртебесі туралы» заңға қол қойды. Заң ел астанасының құқықтық мәртебесін, саяси және экономикалық негіздерін айқындап берді. 

9 маусым – Қазақстан Республи­ка­сының астанасы – Астана қаласында Отан қор­ғаушылар ескерткіші іргета­сы­ның қалану рәсімі болды. Оған Түр­кияның президенті Сүлеймен Демирел, Қырғыз­станның президенті Асқар Ақаев және басқа да жоғары мәртебелі меймандар қатысты. 

10 маусым – Астананың халық­аралық тұсаукесер тойы болып өтті. Тұ­саукесерге жоспарлы түрде әзірлену үшін арнайы қысқа мерзімді бағдарлама қабылданды. Мұны іске асыруға 217 қазақстандық және шетелдік компания қатысты. Құрылыс-монтаж бен жөндеу жұмыстарына бар­лығы 13,8 мың адам қатысып, қаланың 248 мың шаршы метр аумағы түбегейлі жаңғыртылды. 

12 маусым – Қазақ қоғамындағы билер институтының үлгісі ретінде белгілі халқымыздың қадірлі тұлғалары: Төле, Қазыбек, Әйтеке билерге арналған ес­керткіш Жоғарғы сот ғимаратының жа­нында ашылды. Бұл шараға Мемлекет басшысы Нұрсұлтан Назарбаев қатысты. 
18 маусым – Астана қаласының тұ­саукесер рәсімін әлем қазақтарына таныту мақсатында осы күні елорда төрінде дүние жүзі қазақтарының кіші құрылтайы өтті. Оған әлемнің 20 елінен 100-ге тарта қонақ келіп қатысты. 

7 қазан – Президент Н.Назарбаев Астананың жаңа орталығын дамытудың бас жоспарының жоба-идеясына жария­ланған халықаралық конкурстың қоры­тындысын шығарып, жапон сәулетшісі Кисе Курокаваның жұмысын жеңімпаз деп жариялады.

15 желтоқсан – Қазақстан Республи­касының Президенті Н.Ә.Назарбаевқа Астана қаласын елордасы ретінде қайта салуға, қалыптасуына және перспекти­валық дамуына қосқан зор үлесі үшін «Астана қаласының құрметті азаматы» атағы берілді.

Дайындаған 
Бекен ҚАЙРАТҰЛЫ, 
«Егемен Қазақстан»

СОҢҒЫ ЖАҢАЛЫҚТАР

18.07.2018

Қой терісі демеңіз...

18.07.2018

Қазақ әдебиеті әлем тілдеріне аударылады

18.07.2018

Павлодар облысы жаңару мен жаңғыру жолында

17.07.2018

Гинеколог-акушер жас ананың өліміне қатысты пікір білдірді (видео)

17.07.2018

Елбасы Павлодар облысының әлеуметтік-экономикалық даму мәселелері жөнінде кеңес өткізді

17.07.2018

Каспий маңы елдерінің басшылары Ақтауда кездеседі

17.07.2018

Еліміздің үш қаласынан Баянауылға әуе рейстері ашылады

17.07.2018

Биыл Қазақстан перзентханаларында 31 ана қайтыс болды

17.07.2018

Алматыда Оңтүстік Кореямен бірлескен амбулаторлық клиника ашылды

17.07.2018

Еліміздің бірнеше өңірінде ауа райына байланысты ескерту жарияланды

17.07.2018

Арқайым – аңыздар андыздаған алқап

17.07.2018

Инновациялық жобалар мен тың идеяларға байқау жарияланды

17.07.2018

Ақпарат және коммуникациялар министрі Smart city жобасын жүзеге асыру бойынша есеп берді

17.07.2018

Елбасы «Павлодар мұнай химиясы зауытына» барды

17.07.2018

«Президент кубогы» басталды

17.07.2018

Қазақмыс биылғы алты айда 14 млн 507 мың тонна кен өндірді

17.07.2018

«Qazaqstan» мен «Qazsport» футболдан әлем чемпионатының көрсетілімін қорытындылады

17.07.2018

Жаңаөзенде «Астанаммен мақтанам!» атты дөңгелек үстел өтті

17.07.2018

Биыл Алматыда заңсыз 77 нысан анықталды

17.07.2018

Мемлекеттік хатшы «Айбын» әскери-патриоттық жиынының ашылуына қатысты

ТАҒЫ ЖҮКТЕУ
КОЛУМНИСТЕР

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

Қорғанбек АМАНЖОЛ, «Егемен Қазақстан»

Жалғыздық жыры

Жақында жастық шағында жарқылдап дәурен сүрген, марқұм ағамызбен бақытты ғұмыр кешкен, қазір сексеннің сеңгірін саялаған бір жақсы апамыздың көңілін сұрап, халін білгенбіз. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу