Елорда тойы әлем елдерінде аталып өтті

Егемен Қазақстан
09.07.2018 5809
2

Елорда тойы­ –­ Нью-Йоркте

Қазақстанның Нью-Йорк­тегі Біріккен Ұлттар Ұйымы жанындағы Тұрақты өкілдігінде Астананың 20 жылдығы атап өтілді. Салтанатты қабылдауға Біріккен Ұлттар Ұйымының түрлі құрылымдарының бас­шылары, БҰҰ-ға мүше мем­лекеттердің өкілдері, халық­аралық ұйымдардың бөлімше басшылары мен Нью-Йорктегі БҰҰ жанындағы үкіметтік емес ұйымдардың басшылары, сарапшылар мен журналистер қатысты.

Кешті ашқан Қазақстанның БҰҰ жанындағы Тұрақты өкілі Қайрат Омаров Астананың қа­лыптасу тарихы, қаланың заманауи дамуы мен әлемдік аренадағы рөлі туралы мә­лім­деді. Ол Астананың же­тіс­тіктері Қазақстанның Тұң­ғыш Президенті Нұрсұлтан Назарбаевтың есімімен тығыз бай­ланысты екенін айтты.

БҰҰ Бас хатшысының орын­басары, Ең нашар дамы­ған елдер, теңізге шығар жол­дары жоқ дамушы елдер, және шағын аралдардағы даму­шы елдер бойынша БҰҰ Жо­ғар­ғы өкілі Фекитамоелоа Утоикаману Қазақстан ас­танасының мерейтойымен құттықтады. Өз сөзінде ол Ас­тана үміт пен табысты транс­формацияның символына ай­нал­ғанын атап өтті. Сонымен қатар БҰҰ Бас хатшысының саяси мәселелер жөніндегі орын­басары Розмари ДиКарло да Астананың серпінді және қызықты қала екендігін айтты.

Іс-шара барысында «Астана – бейбітшілік қаласы» фильмі көрсетілді, сондай-ақ Қазақстан Республикасы Тұңғыш Пре­зи­денті Қоры әзірлеген Ас­тананың 20 жылдық мерей­тойы­на арналған «A Day in Astana» мерейтойлық фотоальбомы ұсынылды.

Түркиядағы торқалы той

Қазақстанның Түркиядағы елшілігі Астананың 20 жыл­ды­ғына орай «Ұлы Дала Астанасы» атты халықаралық конференция ұйымдастырды. Іс-шараға Түркия Респуб­ликасы Президентінің Бас кеңес­шісі Ялчын Топчу, Ұлы Ұлттық Мәжілісінің экс-спикері Хикмет Четин, бұ­рынғы Мәдениет министрі Намык Кемал Зейбек, бұрынғы Денсаулық сақтау министрі Халил Шывгын, Қожа Ахмет Ясауи университеті Өкілетті кеңесінің төрағасы Мұса Йыл­дыз және түрік зия­лы қауымы, кәсіпкерлер мен іскерлері, елшілер мен шетелдік диплома­тиялық мекемелердің өкілдері қатысты.

Жиынды Қазақстанның Түркиядағы елшісі Абзал Сапарбекұлы құттықтау сөзбен ашып, «Түркияның Қазақстан тәуелсіздігін алғашқылардың бірі болып мойындағанын, бауырлас екі ел арасында тығыз қарым-қатынас орнап, Елбасы бастамасымен іргесі қаланған Астананың құрылысына түрік инвесторлары мен кәсіпкерлері белсене атсалысқанын атап өтті.

Түркия Президентінің Бас кеңесшісі Ялчын Топчу: «Болашақта қазіргі әлем тарихы жазылар уақытта Қазақстан мен қазақ түркілері бөлімінде «Тұңғыш Президент», «түр­кі дүниесінің Ақсақалы Нұрсұлтан Назарбаев», «Ас­тана қаласы» деген сөздер бір ұғымға айналып, қатар аталатын болады. Нұрсұлтан Назарбаев тәуелсіз елдің сим­­волы ретінде Астананы ірге­тасынан бастап түбегейлі жос­парлап, әрбір ғимараттың құ­рылысын қалтқысыз қада­ғалап, әр кірпішін қамқор қол­мен қалады», деді.

Жиынның аясында Ас­тананың 20 жылдығына ел­шіліктің тартуы ретінде қазақ және түрік тілдерінде жарық көрген «Ұлы Дала Астанасы» атты кітаптың арнайы таныс­тырылымы өтті.

Әзербайжан астанасындағы айрықша көрме

Әзербайжан астанасындағы Гейдар Алиев орталығында Қа­зақ­стан елордасының 20 жылдығына арналған «Ас­­тана – Ұлы Дала жау­һары» атты фотокөрме өтті. Іс-­шара Қазақстанның Тұң­ғыш Пре­зиденті – Елбасы қоры­ның, Қазақстанның Әзербайжандағы ел­шілігінің және Гейдар Алиев Қо­рының ұйымдастыруымен өтті.

Мәдени шараны Тұңғыш Президент-Елбасы қоры ат­­қару­шы директорының орын­­басары Игорь Рогов пен Гей­дар Алиев орталығы дирек­торының бірінші орынбасары Адил Керимли ашты.

Фотокөрмені Әзербай­жан­­ның белгілі мемлекет қайрат­керлері, дипломатиялық корпус, мәдениет қайраткерлері және журналистер тамашалады. Құрметті қонақтардың ішінде Әзербайжан Парла­ментінің депутаттары, Вене­циялық Комиссияның Прези­денті Джанни Букиккио және Әзербайжанның Консти­туциялық сотының төрағасы Фархад Абдуллаев бастаған Еуропа және ТМД елдерінің Конституциялық соттарының басшылары болды.

Мәдени іс-шара барысында келген қонақтарға Астананың 20 жылдығына арналған «A Day in Astana» фотоальбомы және «Бурабай» ұлттық мемлекеттік табиғи бағына арналған «A Day in Burabay» атты фотоальбомдары тарту етілді.

Хорватиядағы жиын Астананың даму тарихына арналды

Хорватия астанасы Заг­реб қаласында Қазақстан елор­­­дасының 20 жылдығына орай «Астана – Қазақстанның тәуел­сіздігі мен прогрестің рә­мізі» атты дөңгелек үстел оты­рысы өтті. Іс-шараны Қазақ­станның Хорватиядағы елшілігі «Хорватия-Қазақстан» достық қоғамымен бірлесіп ұйымдастырды.

Жиын барысында Қазақ­станның жаңа елордасын құру тарихы және оның елдің саяси, әлеуметтік-экономикалық және мәдени дамуындағы рөлі туралы мультимедиялық таныстырылым және фильм көрсетілді.

Отырысқа қатысушылар Қазақстан Президенті Нұрсұлтан Назарбаевтың жа­ңа елорда құрудағы көрнекті рөліне кеңінен тоқталды. Со­нымен қатар Астананың әлем­дік үнқатысу, сенім және өзара түсінушілік орталығы ретіндегі орны да айрықша аталып өтті. 

Аустриядағы салтанатты кеш

Қазақстанның Аустриядағы  елшілігінде Астананың 20 жыл­­дығына және Қазақстан дип­­ло­матиялық қызмет күніне орай салтанатты кеш өтті.

Кездесуде Елші Қайрат Сарыбай қонақтарға БҰҰ Қауіпсіздік Кеңесіндегі қазақ дипломаттары жұмысының нәтижелері туралы мәлімдеп, Астанада өткен маңызды бас­тамаларымен, оның ішінде ЕҚЫҰ, АӨСШК, ИЫҰ, ШЫҰ, ТМД, ЕЭО саммиттерінің, әлемдік және дәстүрлі діндер көшбасшыларының съездері мен ЭКСПО-2017 көрмесінің қорытындыларымен таныстырды.

Қазақстан дипломаттарын Астананың 20 жылдығымен және кәсіби мерекесімен құт­­тықтауға Аустрия және Сло­вения қоғамдық-саяси топ­тарының, Аустрия СІМ-нің, дипломатиялық корпустың өкілдері, Аустрия және Сло­ве­ниядағы Қазақстанның Құр­метті консулдары, халық­аралық ұйымдарда жұмыс істейтін қазақстандық азамат­тар, Аустрия-Қазақстан қоға­мының өкілдері, қазақ диаспорасы мен студенттер қатысты.

Сауд Арабиясында бас қаланың сәулеті таныстырылды

Қазақстан Респуб­ли­ка­сының Сауд Арабиясы Король­дігіндегі елшілігі ғимаратында Астана қаласының 20 жылдық мерейтойына орай фотокөрме ұйымдастырылды.

Фотокөрмеге Сауд Ара­биясының лауазымды тұл­ғалары, іскер топтары, мәдени тұлғалар, дипломатия және БАҚ өкілдері қатысып, Астана қаласының әсем бейнесі мен негізгі архитекторлық ерекше орындары, сондай-ақ Қазақстанның алуан түрлі табиғаты бейнеленген сирек экспозицияларды тамашалады.

Дайындаған Қамбар АХМЕТ,

«Егемен Қазақстан»

СОҢҒЫ ЖАҢАЛЫҚТАР

26.03.2019

Қостанайдың аудандары мен қалаларында елорданың жаңа атына орай акция өтті

26.03.2019

Қостанай облысында полицейлер азаматтық алып берді

26.03.2019

Сенат Төрағасы Түркия Ұлы Ұлттық Мәжілісі Төрағасымен телефон арқылы сөйлесті

26.03.2019

Мамандар Қаламқастағы апат зардабын өрт ауыздықталған соң анықтамақ

26.03.2019

«Қаламқас» кен орнындағы жағдай бойынша қылмыстық іс қозғалды

26.03.2019

Сыртқы істер министрінің орынбасары тағайындалды

26.03.2019

Мен кешегі шалдарды түгел көрдім

26.03.2019

Қазақстан мен Вьетнам арасындағы өзара құқықтық көмек туралы шартты ратификациялау туралы заң жобасы қаралды

26.03.2019

Сенат комитетінде арнайы экономикалық және индустриялық аймақтар туралызаң жобалары қаралды

26.03.2019

Ақтамберді жыраудың басына кесене орнатыла ма?

26.03.2019

Нұрсұлтан Назарбаев Украина Президенті Петр Порошенкомен телефон арқылы сөйлесті

26.03.2019

Ержан Жылқыбаев еңбек және халықты әлеуметтік қорғау вице-министрі болып тағайындалды

26.03.2019

Алмат Мадалиев Әділет вице-министрі қызметіне тағайындалды

26.03.2019

#NurOtanTrends пікірталас алаңының кезекті отырысы өтті

26.03.2019

Францияның Бас Консулдығы «Франция мәдениеті» байқауын ұйымдастырды

26.03.2019

Алматыда алғашқы «Қыз Жібек аруы» байқауы өтті

26.03.2019

Академик Асқар Жұмаділдаев жасырған есебін шығарған СДУ студентіне 100 доллар сыйақы берді

26.03.2019

Байқау жеңімпаздары оңтүстікті аралайды

26.03.2019

Қазақстан Республикасының Тұңғыш Президенті – Елбасы Алматы қаласына барды

26.03.2019

Нұр-Сұлтан – Токио бағытында рейс ашылды

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Сакен (30.07.2018 15:44:45)

Я горд тем что у нашей столице такая высокая оценка с мировой арены. Процветай, Астана!

Абылай (30.07.2018 15:43:16)

Тек өзіміз емес, басқа елдерде біздің жас қаламыз елдордамызды құттықтауда. керемет

Тимур (30.07.2018 15:42:03)

Керемет. Жастардың елдордаға тосын сыйлары деп айтуға болады. Әлем бойынша құттықтаулар қуантты

Сакен (30.07.2018 15:11:57)

Я горд тем что у нашей столице такая высокая оценка с мировой арены. Процветай, Астана!

Пікір қосу