Шомылу маусымындағы шошытарлық ахуал. Өткен демалыс күндері 20 адам суға кетті

Міне, жаздың орта шеніне жет­пей шомылу маусымында ажалы судан болғандар туралы ақпараттар легі дүңк-дүңк естіле бастады. Айталық, өткен аптаның демалыс күндерінде елімізде 20 адам суға кетті. 

Егемен Қазақстан
11.07.2018 292
2

Олардың ішінде Шығыс Қазақстан облысында – 5, Қызылорда облысында – 3, Қа­рағанды облысында – 3, Ақмола облысында – 2, Солтүстік Қазақстан облысында 2 адам суға кеткен. Сондай-ақ Алматы қаласы мен Алматы, Қостанай, Батыс Қазақстан облыстарындағы су қоймаларында да батып кеткен адамдар бар. Ішкі істер министрлігі Төтенше жағдайлар комитетінің хабарлауынша, жағажайда жан­т­әсілім еткен жандардың көбі – балалар. Аталған ведомствоның өкілі Руслан Иманқұлов бұл қай­ғылы оқиғалардың дені азамат­тардың басым бөлігінің мама­н­дардың ескертпесіне құлақ ас­пай­тындығынан туатынын ай­тады. Ал Қазақстанда бүгінде ірі­лі-ұсақты 50 мыңнан астам су қоймасы бар екен. Сондық­тан суға шомыларда өзіңнің және жақындарыңның, әсіресе бала­лардың өміріне жауапкершілікті естен шығармау керек.

Осы оқиғаларға байланысты соңғы күндері жағажайлардағы қауіпсіздік жұмысы күшейтілді. Мә­селен, Астана қаласындағы Есіл өзенінің жағалауларында құт­­­қарушылардың тұрақты кезек­­шілігі ұйымдастырылды. Маман­дар қайықпен жүзіп жүріп, ел­орда тұрғындары мен қонақ­тары­на рұқсат етілмеген жерлерде шо­мылудың соңы неге соға­ты­нын тәптіштеп түсіндіріп жүр. Сүң­гуірлердің айтуынша, суға кез­дейсоқ батып кетпеу үшін арнайы жарақтандырылған жағажайларда ғана шомылған абзал. 

«Астананың барша тұрғыны мен қонақтарынан өтінеріміз, су жаңсақтықты кешірмейді. Өйткені жүзе, малти білетін адамның өзі жүрек соғысының жиілігінен, қол-аяғының тартылып қалуынан суға батып кетуі әбден мүмкін. Сондықтан абай­ламаудың соңы үлкен қайғы­ға ұласады», дейді Астана қала­лық төтенше жағдайлар депар­та­ментінің бөлім басшысы Элдар Райымбеков.

Өткен аптаның өзінде өңір­лерді қоса есептегенде 45 адам суға кетті. Әсіресе, Қарағанды, Шығыс Қазақстан және Атырау облыстарында суға бату оқиғалары көп кездесті. Мұндай жағымсыз дерек оңтүстік өңірлерде де тіркеліп отыр.

ІІМ Төтенше жағдайлар жө­ніндегі комитетінің төрағасы Вла­димир Беккер балалардың суға бату оқиғаларына жүргізілген талдау бойынша, қайғылы оқиға­лардың дені сағат 15.00 мен 18.00 аралығында болатынын, яғни сабақтан босағаннан кейін балалардың қараусыз қалаты­ны­нан туатынын айтады. 

Соңғы уақытта суға батқан балалардың жасы негізінен 3 жастан 10 жасқа дейін және 92 проценті ұл балалар. «Негізі, ұлдар шешімтал келеді. Сон­дықтан ата-аналары қыздарға қарағанда ұлдарды жеткілікті деңгейде бақылауға алмауы мүмкін. Бұл балалардың өзара топтасып, үйден шығып кетіп, емін-еркін жүруіне, қыдыруына мұрсат береді. Еліміздің шы­ғысында өткен демалыс күн­дері ірі су қоймалары алты адам­ның өмірін жалмады. Оның үшеуінде балалар құрбан болды. Құтқарушылар өзеннен 6, 7 және 11 жасар балалардың денесін шығарды. Олардың бәрі шомылуға арналмаған жерлерде үлкендердің қарауынсыз суға түскен. Дәл осындай себептермен солтүстік өңірде екі ер адам қайтыс болды. Сол­түстікте суға батып кеткен та­ғы үш адам сүңгуірлердің кө­ме­гімен құтқарылды», дейді В.Беккер. 

Ал Солтүстік Қа­зақ­стан облысы төтенше жағ­дай­лар департаментінің құт­қару­шы­лар жасағының жетек­шісі Сергей Черкасовтың айтуынша, суға батудың негізгі себебі – балалардың қараусыз қа­луы мен ересектердің спиртті ішім­дік ішіп шомылуы. «Жедел құтқару жасағы күн райының қолайсыздығына қарамастан күнделікті рейд жүргізеді. Тіпті нөсер құйып тұрса да рейд жұ­мыстары жалғаса береді. Өйт­кені кейде жағалауда отырған балықшылар қармағына әлдебір зат жабысып, оратылып қалса да, ілмегі суға түсіп кетсе де өзен­ге қойып кетеді. Ал асау өзен ағысы адамды қақпақылдап ағы­зып ала жөнеледі. Осылайша, болмашы дүние үшін өмірін құрбан ететін жағдайлар жиі кездесіп жатады», дейді ол. 

Төтенше жағдайлар жө­ніндегі комитет төрағасының айтуынша, елімізде шомылуға арналған 100-ден аса қалалық және 600 жеке жағажай бар. Бұл жағажайларда төтенше жағдайлар жөніндегі комитетінің бө­лімшелерінде арнайы даяр­лықтан өткен және қоғамдық құтқарушыларды қоса есептегенде 1285 құтқарушы дема­лушылардың қауіпсіздігін ба­қылайды. Сондай-ақ 390 құтқарушылар бекеті құрылған. Ал қауіпті әрі күзет қойылмаған су қоймалары маңайында коми­теттің жедел құтқарушылар жасағының кезекшілігі ұйым­дастырылды. Оның жалпы саны – 53. Бүгінде комитет әкімдіктермен бірлесе отырып шомылуға тыйым салынған орындарды анықтады. Мұндай санаттағы жағалауларға 3 мың­нан астам ескерту және тыйым салу белгілері орнатылды. Ал ақпараттық жұмыстарға биыл алғаш рет еріктілер ұйымдары тартылып, «Жас Отан» жастар қанатымен бірге тиісті жоспар-кесте бекітілді. Атап айтқанда, 330 акцияға 2 мыңнан астам ерікті тартылып, 200 бейнематериал түсірілді және 123 мың насихаттық өнім таратылды. Сонымен бірге жергілікті полиция қызметі жағалаудағы және стихиялы жағажайлардағы бұқаралық демалыс орындарында рейдтер жүргізіп, спиртті ішімдіктердің сатылуына және тыйым салынған орындарда шомылуға қарсы белсенді жұмыс жүргізуде. Бұл ретте 9 сәуірден бері 2,5 мыңнан астам рейд жүргізіліп, 563 адам әкімшілік жауапкершілікке тартылған. 

Әсіресе жазғы маусымда балалардың қауіпсіздігін қамтамасыз ету өте өзекті. Сон­дықтан су қоймаларында балаларды суға тұншығудан сақтау туралы бейнеролик­тер көрсетіліп, қалалық жаға­жай­ларда 100-ден аса балаларға арналған қауіпсіз шомылу орны жабдықталды. Онда балаларды дұрыс малту мен жүзуге де үйретеді. Құт­қа­рушылар бүгінге дейін 500-ге жуық балдырғанға жүзу ма­шығын үйретіп үлгерді. Елі­міздегі 115 балалар лагерінде де осы іспетті жұмыстар жүргі­зілуде. Таяуда Астанада 4 бал­дырғанның бір мезетте суға кеткені белгілі. Мамандардың айтуынша, олар тыйым салынған орында суға шомылған. Бұл ретте балаларды қараусыз қал­дырмаудың, бос уақытын тиімді ұйымдастырудың маңызы зор, дейді төтенше жағдай қыз­меткерлері. Осы орайда Білім және ғылым министрлігі және жергілікті әкімдіктермен бірге аула клубтарын дамыту, мектеп лагерьлерін құру, спорт секциялары мен шығармашылық үйірмелерін ашу жұмыстарының өзекті екені тағы да байқалып отыр.

Әрине, халқымыз «Ажал жетпей өлмек жоқ» дейді. Бірақ «Сақтансаң – сақтайды» дейтін тәмсіл барын да ұмытпаған абзал. Сондықтан жаздың шілдесі қалай шыжғырса да өміріңізді бәске тікпей, қауіпсіздік шаралары сақталған жағажайда шомылғаныңыз, өзіңіз де суға түсу барысында сергек ойлап, шомылу тәртібі мен қауіпсіздік ережесіне бағынғаныңыз жөн. Бұл жақындарыңыз үшін де маңызды.

Думан АНАШ,
«Егемен Қазақстан»

СОҢҒЫ ЖАҢАЛЫҚТАР

20.11.2018

Елбасы Ұлттық банк төрағасы Данияр Ақышевті қабылдады

20.11.2018

Қайырымды қала тұрғындары тегін дүкен ашты

20.11.2018

Гүлшара Әбдіқалықова Албания Республикасының Еуропа істері және сыртқы істер министрімен кездесті

20.11.2018

Қ.Тоқаев Албанияның Еуропа және сыртқы істер министрі Д.Бушатиді қабылдады

20.11.2018

Павлодардағы электр қуаты 4 процентке төмендеді

20.11.2018

Түркі киносын әлемге таныту тақырыбына арналған дөңгелек үстел өтті

20.11.2018

Атырауда мемлекеттік-жекеменшік әріптестік шеңберінде көшелерді жарықтандыру жобасы іске асырылады

20.11.2018

Павлодарда Елбасының өмірі туралы көрініске әртістер таңдалуда

20.11.2018

Түркістанда «Agrofest – 2018» фестивалі өтті

20.11.2018

Албанияның Сыртқы істер министрі Қазақстанға алғашқы ресми сапармен келді

20.11.2018

«Құлагер» ұлттық жүлдесі табысталды

20.11.2018

Жетпіс мың адамның жалақысы өседі

20.11.2018

Алматыда жаңа комедиялық фильмнің тұсауы кесілді

20.11.2018

Түркістан аймағының Берлинде басылған көне картасы

20.11.2018

Алматыда «Құлагер» ұлттық жүлдесі табысталды

20.11.2018

Талғат Ешенұлы. Жүрегі бар жалғыз үй

20.11.2018

Нұрсұлтан Назарбаев «Отырар сазы» оркестрінің жетекшісі Дінзухра Тілендиеваны қабылдады

20.11.2018

Қазақ ғалымы Швецияда су тазартудың экологиялық таза әдісін ойлап тапты

20.11.2018

«Қазақстан темір жолы» және «ҚазМұнайГаз» басқармаларының жаңа төрағалары тағайындалды

20.11.2018

Қайрат Әбдірахманов ЕҚЫҰ Парламенттік Ассамблея басшылығымен кездесті

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Stokgolm sındromy

Jumyr jerdiń betinde sany jaǵynan bizden áldeqaıda kóp, alaıda táýelsiz el atanýdy mańdaılaryna jazbaǵan, ol oryndalmas armandaı kórinetin halyqtar az emes jeterlik. Jaratqannyń qalaýymen qolǵa tıgen táýelsizdik qazaq balasynyń eń bir asyl muraty edi.

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу