Жәрдемақының мөлшері ағымдағы жылы ең төмен күнкөріс деңгейінен 1,05 немесе 29 699 теңгені құрайды. Жәрдемақы 18 жастан асқан, бала кезінен бірінші топтағы мүгедекке күтімді жүзеге асыратын адамдарға төленеді.
Атап өткен жөн, барлық тиісті әлеуметтік төлемдер мүгедектер үшін сақталады. Жәрдемақы бала кезінен бірінші топтағы мүгедек немесе оның заңды өкілі жүгінген күннен бастап бала кезінен бірінші топтағы мүгедектік белгіленген барлық кезеңге тағайындалады.
Бұл ретте бала кезінен бірінші топтағы мүгедекке күтім көрсету бойынша жәрдемақы мына адамдарға: кәмелет жасқа толмаған, сот әрекетке қабілетсіз не қабілеттігі шектеулі деп таныған, психиатриялық және наркологиялық диспансерде есепте тұрғандарға тағайындалмайды.
Отбасында екі немесе одан көп бала кезінен бірінші топтағы мүгедек болған жағдайда жәрдемақы олардың әрқайсысына тағайындалады және төленеді.
Осылайша, жәрдемақыны
14 мыңға жуық отбасы алатын болады.
«Егемен-ақпарат»