Петропавл темір жол вокзалы Астана уақытына көшті

«Егемен Қазақстан» газеті көтерген мәселе оң шешімін тапты.

Егемен Қазақстан
02.08.2018 24496

Осы уақытқа дейін Қызылжар темір жол вокзалында жолаушылар пойыздарының Мәскеу уақыты бойынша қатынауының салдарынан түрлі қолайсыздық туындайтын. Бұл мәселені «Егемен Қазақстан» газеті біраз уақыт бұрын көтерген болатын («ЕҚ», «Қызылжар вокзалы қашан қазақстандық болады?», №20, 30 қаңтар, 2018 жыл). Яғни қала вокзалынан Астананы бетке алғанда 50-60 шақырымдай қашықтықта орналасқан Смирнов темір жол бекетіне дейінгі аралық «Ресей темір жолдары» ААҚ-тың Оңтүстік-Орал теміржолына қарайтынын, соның салдарынан вокзал ғимаратының маңдайындағы сағат та, пойыздардың жүру кестесі де, жолаушы билетіндегі уақыт та көрші елдің уақытымен есептелетінін қаузаған едік. Осы мақаладан кейін Парламент Мәжілісінің депутаттары да аталған мәселе бойынша Премьер-Министрдің  атына сауал жолдағаны мәлім. Енді міне, «Егемен» көтерген мәселе ел пайдасына шешілді. Биыл 1 тамыздан бастап пойыздар жергілікті уақыт бойынша жүре бастады.

Петропавл темір жол бекеті билет кассаларының меңгерушісі Ольга Жапконың айтуынша Петропавл вокзалындағы пойыздардың келуі жəне жөнелтілуі жөніндегі кестеде, билеттерде, электронды таблода жəне ғимаратқа кіре берісте маңдайшада ілулі тұрған сағатта жергілікті уақыт көрсетіледі. Пойыздардың жүру уақыты дыбыс күшейткіш арқылы  хабарланады. Бұл жаңашылдық жолаушыларға сапалы қызмет көрсету талабынан туындап отыр. Бүгінде  ақпараттық жүйені өзгерту бағытында кешенді шаралар атқарылуда.

«Өзге қалаларда тұратын туған-туысқандарымызбен байланыстыратын жалғыз вокзалдың жергілікті уақытқа көшуін бұрыннан тілеп жүретінбіз. Мəскеу уақытына үйренісе алмай, талай шатасқан кезіміз болды. Кей кездері касса қызметкерлер пойыздың Мəскеу уақытымен жүретінін ескертуді ұмытып кетіп жататын.  Кешігіп, жолдан қалып қойған кездер жоқ емес», дейді қуаныштарын жасыра алмаған петропавлдықтар.

Петропавл вокзалы “Ресей темір жолдары” ААҚ-ның Оңтүстік Орал филиалына қарайды. Былтыр Оңтүстік Орал темір жолы арқылы 791 мың тонна жүк, 700 мыңға жуық жолаушы тасымалданыпты.    

2018-2019 жылдарға арналған бағдарламаға орай  вокзал аумағында жаңғырту шаралары жүргізілуде. Жоба бойынша ғимараттардың іші мен сырты заман талабына сəйкестендіріліп, эскалатор орнатылады.

Өмір ЕСҚАЛИ,

«Егемен Қазақстан»

Солтүстік Қазақстан облысы

СОҢҒЫ ЖАҢАЛЫҚТАР

16.08.2018

Генуядағы көпірдің құлауына кінәлілер анықталды

16.08.2018

Тілектес Есполов: «Ақтастағы Ахико» қойылымы көзімізге жас үйірді

16.08.2018

Қыздар Университетінде «Рухани жаңғыру» аясында жаңа пәндер енгізілді

16.08.2018

Инсультке иілмеу жолдары қаралуда

16.08.2018

Астаналық дәрігерлер ауылдарды аралады

16.08.2018

Алматыда науқас балаларға арналған ойын бөлмесі ашылады

16.08.2018

IX жазғы Спартакиада өз мәресіне жетті

16.08.2018

«Method PRO» жастарға жол ашады

16.08.2018

Солтүстік Қазақстанда науқас жандар тегін дәріге қол жеткізе алмай жүр

16.08.2018

Ресми бөлім (16.08.2018)

16.08.2018

Ақтау саммитінің қорытындылары бойынша Қайрат Әбдірахманов түсініктеме берді

16.08.2018

Қайрат Әбдірахманов Түркі академиясының қызметімен танысты

16.08.2018

Роботтандырылған хирургия – медицина мәртебесі

16.08.2018

Канаданың хоккейшісі «Барыста» ойнайды

16.08.2018

Азияда-2018: Бүгін Джакартада Қазақстанның байрағы көтеріледі

16.08.2018

Қарағанды облысында катодты мыс өндіретін кәсіпорын іске қосылды

16.08.2018

5G белесі: Қазақстан жаңа интернет жылдамдығына дайын ба?

16.08.2018

Ақтөбедегі вокзал маңы маскүнемдер мен қаңғыбастарға толы

16.08.2018

Семейде Жастар ресурстық орталығының ұйымдастыруымен мерекелік жиын өтті

16.08.2018

Қарқаралы ауданы Қоянды жәрмеңкесінің 170 жылдығын атап өтті

ТАҒЫ ЖҮКТЕУ
КОЛУМНИСТЕР

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу