Халықаралық Армия ойындары мәреге жетті

Мәскеу маңындағы «Алабино» полигонында төртінші Армия халықаралық ойындарының салтанатты жабылу рәсімі өтті.

Егемен Қазақстан
15.08.2018 601
2

Сайыс қорытындысы бойынша Қазақстан Республикасы  Қарулы Күштерінің құрамасы жалпы командалық үшінші орынды иеленді, бірінші орынға Ресей Федерациясының командасы, ал екінші орынға Қытай Халық Республикасының әскери қызметшілері қол жеткізді. Жүлдегерлерді марапаттау рәсіміне Қазақстанның Қорғаныс министрі Нұрлан Ермекбаев қатысты. 

Үздік үштікті түйіндеді

Қазақстанның әскерилер ко­ман­дасының даярлығын ұйым­дас­тырушылар жоғары баға­лады. Атап айтқанда, ойынның төре­шілер алқасының мүшелері Қазақ­стан Қарулы Күштері әскери қыз­метшілерінің дайындық деңгейі, кәсіби шеберлігі мен жа­уынгерлік машықтары жоға­ры екенін ерекше атап өтті. Ар­мия­лық ойындарда «Астана», «Оң­түстік», «Батыс», «Шығыс» өңір­лік қолбасшылықтарының 300-ге жуық әскери қызметшісі бақ­тарын сынаған еді. Сайыстардың қорытындысы бойынша Қазақ­стан құрамасы 4 алтын, 4 күміс және 4 қола медаль иеленді. 

АрХО сайысының жабылуы шеңберінде Қорғаныс министрі Н.Ер­мекбаев Ресей қорғаныс ве­домствосының басшысы, армия генералы С.Шойгумен кездесу өткізді. Кездесу барысында та­раптар екіжақты әскери ынты­мақ­тастықтың бұдан кейінгі мәсе­лелерін талқылады.

Аталған кездесуде С.Шойгу Қазақстан командасының Армия халықаралық ойындарындағы жеңістері қазақ әскерилерінің жо­ғары дайындық деңгейін паш ет­кендігін және бұл сайыс екі мемлекеттің әскери-техника­лық қарым-қатынастарын талқы­ла­й­тын таптырмас алаңға айналған­дығын атап өтті. 

– Сіздердің командаларыңыз жақсы өнер көрсетті, жүлдегерлер қатарынан көрінді, тіпті жекелеген сайыстарда бірінші орынды иеленді. Бұл Қазақстан ар­мия­сының жоғары деңгейде жарақ­тан­дырылып, оқыту-үйрету ма­шық­тарының артқандығының бел­гісі, – деді Ресей Қорғаныс ми­нистрі. 

Өз кезегінде Нұрлан Ермекбаев Ресейдің Қазақстан үшін ең жа­қын әскери серіктес екендігіне тоқталып, ынтымақтастық арта беретіндігіне сенім білдірді. 

Отарда оғландарымыз озды

Халықаралық ойындардың Қазақстан аумағында өткен кезеңі­нің жабылу рәсіміне Қорғаныс министрінің бірінші орынбасары – Қазақстан Қарулы Күштері Бас штабының бастығы, генерал-лейтенант Мұрат Майкеев қатысты. 

Армия ойындарының шең­бер­інде «Отар» 40-шы әскери ба­за­сының аумағында өткен байқау­лар­дың барлық кезеңдерінде Қа­зақ­стан Қарулы Күштерінің әске­ри қызметшілері бірінші болды. 

«Отар» әскери базасында Ар­мия халықаралық ойындары шең­берінде «Артиллериялық оқ ату шеберлері», «Сұңқар аңшылығы» және «Сенімді қабылдау» ха­лық­аралық байқаулары өткен болатын.

«Артиллериялық оқ ату ше­бер­лері» байқауының қорытындысы бойынша құрама командалар арасында қазақстандық әскери қызметшілер бірінші орынға, Беларусь пен Өзбекстанның қа­тысушылары екінші орынға, Әзербайжан мен Ресейдің артиллерияшылары үшінші орынға ие болды. 

«Сұңқар аңшылығы» бай­қауы­ның нәтижелері бойынша Қа­зақстанның әскери қызметшілері – бірінші, Ресей командасы – екінші және Беларусь командасы үшінші орындарды еншіледі. 

Ал «Сенімді қабылдау» бай­қауының қорытындысы бойынша қазақстандық армияның әскери байланысшылары абсолюттік жеңімпаз атанды. Ойынға барлығы 12 мемлекеттен, яғни, Әзербайжан, Беларусь, Венесуэла, Зимбабве, Иран, Қазақстан, Қытай, Қырғызстан, Ресей, Тәжікстан, Өзбекстан және Сириядан 18 команда қатысты.

Сайыстардың қорытындысы бойынша жүлдегерлер кубоктармен, дипломдар және бағалы сыйлықтармен марапатталды. 

«Достастық жауынгерлерін» күтіп алды 

Елордадағы «Нұрсұлтан На­зар­баев» әуежайында ағым­дағы жылғы шілденің 28-і мен тамыздың 3-і аралығында Арме­ния Республикасында өткен «Достастық жауынгері» халық­аралық байқауында бірінші орын алған қазақстандық команданы Қа­рулы Күштерінің басшылығы, әскери қызметшілердің қару­лас­тары мен жақын туыстары күтіп алды. 

Бұл жерде Қазақстан Қару­лы Күштері Бас штабы басты­ғы­ның орынбасары, генерал-ма­йор Мұхамеджан Таласов халық­аралық аренада қазақстандық ар­мияның намысын қорғаған әскери қызметшілерді мақтан тұтатынын айтты. Қазақстандық армияның құрама командасы «Достастық жауынгері» байқауы бес ке­зеңінің қорытындысы бойынша абсолюттік жеңімпаз атанғанын естеріңізге сала кетейік. 

Қазақстандық армияшылар, сондай-ақ «Эльбрус сақинасы» байқауында көшбасшылар үш­тігіне іліккен болатын.

14 тартысты, күрделі және әртүрлі арнайы тапсырмалардан кейін Қазақстанның командасы 10837 ұпай жинап, үшінші орынды иеленді. Бірінші орында – Ресейдің таулы бөлімшелері және екінші орында Қытай әскерилері. 

Сайыс құзға өрмелеу, тауда бағдарлау, таулы кедергілер жолағын еңсеру, оқ ату, өзен өткелдері және десанттық түсіруді қамтыды. Байқаудың шешуші кезеңі (2300 м) 100 шақырымдық маршруттан өту болды. Қабарда-Балқар Республикасында өткен «Эльбрус сақинасы» байқауына әлемнің 7 елінің таулы бөлімшелері қатысқан еді.

Серік ӘБДІБЕК,

«Егемен Қазақстан»

СОҢҒЫ ЖАҢАЛЫҚТАР

21.02.2019

Екатеринбургтағы жол апатында 5 қазақстандық зардап шекті

21.02.2019

Жамбылда аз қамтылған және көпбалалы отбасылар үшін 10 жатақхана салынады

21.02.2019

Үкіметті уақытша басқару Асқар Маминге жүктелді

21.02.2019

Мемлекет басшысының мәлімдемесі

21.02.2019

Елбасы Үкіметті таратты

21.02.2019

Н.Нығматулин Аустрия Парламенті Ұлттық Кеңесінің төрағасымен кездесті

21.02.2019

Сенаторлар халықаралық келісімдерді ратификациялады

21.02.2019

Индустрияландыру бағдарламасы аясында 20 мың тұрақты жұмыс орны ашылады

21.02.2019

Қызылордалық полицейлер заңсыз аң аулаушыларды ұстады

21.02.2019

Түркістан облысының өз футбол командасы құрылады

21.02.2019

Жайық өзені бойында ауқымды рейд өткізілді

21.02.2019

Биыл 65 мың ірі қара сатып алуға ақша бөлінеді

21.02.2019

Бас прокуратура өтемақы қорына өндіру тәртібін түсіндірді

21.02.2019

Қоғамға көмектесетін инклюзивті инновациялар

21.02.2019

Дариға Назарбаева Еуропалық Одақтың Орталық Азия жөніндегі арнайы өкілімен кездесті

21.02.2019

Airastana 1 сәуірден бастап Қазақстан арқылы Ташкентке рейстерді ұлғайтады

21.02.2019

Қазақстан Ұлттық Банкінің төрағасы неміс бизнес-қоғамдастығының өкілдерімен кездесті

21.02.2019

Қазақстан мен ЕҚДБ арасындағы ынтымақтастық мәселесі талқыланды

21.02.2019

Семейлік оқушы-кәсіпкер Нәдір Сәбитов жиһаз шығаратын цех ашты

21.02.2019

Алексей Луценко «Оман турының» жеңімпазы

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу