Қор бұл қаражатқа Алматы аймақтық балалар клиникалық ауруханасының гематология бөлімінде науқас балаларға арналған ойын бөлмесін ашуды жоспарлайды. Қор ұсынысына аурухана басшылығы бірден қолдау білдіріп, шарапатты іске ризашылық танытады.
Қазіргі кезде аталған нысанға еріктілер тарапынан жөндеу жұмыстары жүргізіліп, жиһаздар мен ойыншықтар сатып алынды. Ал «Simple art» студиясының суретшілері бөлме қабырғаларын әсем суреттермен безендірген. Ойын залы сырқатқа шалдыққан балалардың ем барысында көңілді ортаны сезінуіне септігін тигізіп, жылдам сауығып кетуіне ықпал ететіні сөзсіз.