Бірінші кезеңге 18 кітапхана қызметкері қатысты. Екінші кезеңге әр ауылдан 6 кітапханашы таңдалып алынды. Екінші кезеңге өткен кітапханашылар «Кітапханашы – бірегей мамандық» тақырыбы төңірегінде өзін-өзі таныстыру, «Жүрегім, жырым сенсің, Туған жер» тақырыбы бойынша өлең, оқу, ән айтудан сайысқа түсті. «Сұрақ-жауап» сайысында аудан тарихына байланысты сұрақтарға жауап берілді. Бас жүлдеге Бөдене ауылының кітапханашысы Айгүл Елемесова ие болса, I орынды Өндіріс ауылынан Бақыт Шайкенова, II орынды Башкөлден Люция Хамитова, III орынды Глуховкадан Светлана Кружальская алды. Барлық кітапханашылар мақтау қағаздарымен және бағалы сыйлықтармен марапатталды.
Раушан НҰҒМАНБЕК,
журналист
Шығыс Қазақстан облысы,
Бесқарағай ауданы