Шараға қаладағы орта білім беретін ұйымдар, мектептер мен колледж басшылары қатысты. Кездесу барысында «Sanaly urpaq» жобалық кеңсесінің жетекшісі Қ.А.Токушев талдаулар нәтижесіне қатысты 18 ұсыныс енгізіп, оның ішінде колледж, мектеп қызметкерлері мен студенттерге сыбайлас-жемқорлыққа қарсы стандарттарды бекіту, мектептердегі салымдарды жинауды доғару, мемлекеттік қызмет сапасын жоғарылату мәселелерін талқылады.
Семинар аясында «Sanaly urpaq» жобасы шеңберінде академиялық адалдық және сыбайлас-жемқорлыққа қарсы әрекеттерді күшейте отырып, білім беретін ұйымдарда бағалау жүйесін қалыптастыру ұсынылды. Болжам бойынша бағалау жүйесі жыл сайын өткізілетін болады. Ал оның нәтижесіне орай қалыптасатын сыбайлас-жемқорлыққа қарсы рейтинг орта мектеп, колледж және жоғары оқу орындарының әрқайсысына жекелей жүргізілетін болады.
Семинар соңында Алматы қаласының білім беру басқармасы басшысының орынбасары Л.А.Жылқыбаева мектеп және колледж директорларына өз қызметтерін академиялық адалдық қағидасына сүйене отырып жүзеге асыру міндетін тапсырды.
Эльвира Серікқызы,
«Егемен қазақстан»
АЛМАТЫ
