Әулиеата аймағында туризмді дамытудың нақты жоспары жасалды

Жамбыл өңірі еліміздегі туризм саласын дамытуға сұранып тұрған аймақтың бірі. Көне ғасырлардың куәсі болған Айша бибі, Қарахан кесенелері, Ақыртас, Өрнек, Құлан, Баласағұн қалашығы сияқты ұлттық құндылықтар қазақ тарихының тым тереңде жатқанын айғақтайды. Жыл сайын бұл жерлерге келіп тәу етіп, бір жағынан тарихымен танысып жатқан азаматтар баршылық. Бүгінгі таңда Әулиеата аймағында туризмді дамытудың нақты жоспары жасалып, бірқатар жұмыстар жүзеге асырыла бастады.

Егемен Қазақстан
18.09.2018 562
2

Жамбыл ауданына қарасты Айша бибі ауылынан солтүстік-батысқа қарай үш шақырым жерде Әулиебастау көлі бар. Табиғаты тамылжыған өлкенің құпиясы мен ғажабы кімді де болса таңдандырмай қоймайды. Алайда осы уақытқа дейін сол Әулиебастау көліне баратын жолдың сын көтермейтіндігі талай рет айтылған болатын. Сонымен қатар, көлге баратын жолдың қолайсыздығы өңірге келген туристер үшін де үлкен мәселе еді.

Енді міне, жамбылдықтар талай жыл бойы күрделі мәселе болып келген Әулиебастау көліне апаратын жолдың жөнделгені туралы ақжолтай хабарға куә болып отыр. Нақты айтсақ, жуырда «ЖамбылДорМостСтройСервис» жауапкершілігі шектеулі серіктестігі Әулиебастау көліне апаратын 1,7 шақырым жолды жөндеп бітірді. Бұл мақсатқа жергілікті бюджеттен 33 миллион теңге бөлініп, мақсатты игерілген.

Тарихи деректер бойынша, Әулиебастау әуелі көне қала орны болған екен. Бұл жерге алғаш рет  Е.Агеева және Г.Пациевич сияқты танымал археологтар зерттеу жұмыстарын жүргізген. Дәл қазіргі уақытта қаланың сақталған орны тік төртбұрышты болып келеді. Ал қала орнының ұзындығы батыстан шығысқа қарай 400 метр болса, ені солтүстіктен оңтүстікке қарай 140, ал биіктігі 9 метр. Үстінде екі төбе бар. Оның бірінші төбесі батыс жағында, яғни 105х87 метр болса, екінші төбесі шығыс жағында, көлемі 100х120 метрді құрайды. Құрылыс сырты дуалмен қоршалып, оның ортасында үйдің орны сақталған. Ал шығыс жағында ірі тастардан қаланған орталық қорған бар. Сондықтан бұл қала орнының көне замандардан бері келе жатқанын көруге болады. Тіпті қала жұртынан жинастырылған қыш ыдыстарға қарап, ғалымдар бұл қаланы Х-ХІІ ғасырларда өмір сүрген Қарахан әулеті заманына жатқызып келеді.

Жамбыл жұртшылығына Әулиебастау тек көне қаланың орны ретінде ғана белгілі емес. Қаланың оңтүстік-батыс жағында жарылған жартас бар. Сол жартастың астынан бұлақ ағып жатыр. Бұлақ суынан көне қала түбінде аумағы 100 шаршы метр болатын көлшік пайда болған. Атақты Ақсу өзені осы көлден бастау алады. Ал жергілікті халық бұл бұлақты Әулиебастау деп атап кеткен. Бұлақтағы су жылдың төрт мезгілінде де +16 градус температураны ұстап тұрады. Ал су құрамын адам өміріне өте қажетті магний, калий, йод сияқты 17 микроэлементтер құрайды.

– Әулиебастау бұлағы өңіріміздегі айтарлықтай нысандардың бірі. Бұл туристер үшін де қолайлы аймақ бола алады. Мұнда адамдардың жылдың төрт мезгілінде де келіп демалуына мүмкіндігі бар. Мәселен кейбір азаматтар бұл жердің тамылжыған табиғатына қызығып келсе, енді бірі тарихымен таныспақ ниетте атбасын бұрады. Сонымен қатар, бұл жер көне қаланың орыны болып саналғандықтан да мемлекеттің қорғауына алынған. Ал Әулиебастау көл суының да емдік қасиеті мол. Бүгінгі таңда бұл аймаққа жол төселіп, ең үлкен мәселесі шешілді. Келешекте бұл жердің еліміздің туризм саласын дамытуға қосатын үлесі мол болатынына сенімдімін. Алдағы уақыттарда мұнда келген азаматтар тарихымызды танып, оған лайықты құрмет көрсетіп жатса, тіпті жақсы болар еді, – дейді Жамбыл облыстық туризм басқармасының басшысы Қарлығаш Аралбекова.

Табиғаттың өзі сыйға тартқан тамаша мекен Әулиебастаудың бүгінде әлеуеті артып келеді. Тарихы мен аңызы бір бөлек, дертке дауа суы бір бөлек Әулиебастау жерінің жұлдызы жарқырайтын күн алыс емес. Ал ежелден Әулиеата атанған өлкеде «Әулиебастау», «Әулиешоқы» атауларының көп кездесетіні де кездейсоқтық емес болар...

Хамит Есаман,

«Егемен Қазақстан»

Жамбыл облысы

СОҢҒЫ ЖАҢАЛЫҚТАР

21.02.2019

Зейін Әліпбек Ұлттық музей директорының кеңесшісі болып тағайындалды

21.02.2019

«Болашақ» - керемет бағдарлама - Шамиль Аляутдинов  

21.02.2019

Әділхан Ержановтың «Түн құдайы» фильмі Үндістанда өтетін фестивальде бақ сынамақ

21.02.2019

Тұрмысы төмен отбасыларға үй беріледі

21.02.2019

Қызылордалық жастар екі жүзге жуық адамды тегін тамақтандырды

21.02.2019

Қызылордада 5 млн теңгені қолды қылған ұры 10 жылға сотталды

21.02.2019

Қазақстанның Қарулы күштері «Кыш-2019» оқу-жаттығуына қатысады

21.02.2019

Заң университеті жас ғалымдарға гранттар бөлді

21.02.2019

АҚШ-тың әуе компаниялары Қазақстанға биыл ұша алады

21.02.2019

Өзбекстан мен Қырғызстаннан кіргізілетін өнімдерге шектеу қойылмақ

21.02.2019

Қорғалжың қорығында балық аулауға тыйым салынды

21.02.2019

Инфекциялық аурулармен күресуге 2,3 млрд теңге бөлінді

21.02.2019

FlyArystan компаниясы мамырда Орал-Алматы әуе рейсін шығарады

21.02.2019

Маңғыстаулық көп балалы аналар қоғамдық көлікте тегін жүреді

21.02.2019

Маңғыстауда мұқтаж отбасыларға гранттар беріледі

21.02.2019

Маңғыстауда мүгедек балалардың емделуіне жағдай жасалады

21.02.2019

Маңғыстауда көп балалы отбасыларға 100 мың теңге төленеді

21.02.2019

Қарағандыда жас сарбаз өз-өзіне оқ атып, мерт болды

21.02.2019

2010 жылдан бері 120 мың тұрақты жұмыс орны құрылды - Жеңіс Қасымбек

21.02.2019

«Батыс» өңірлік қолбасшылығы әскери бөлімдерінде жауынгерлік атыстар өтті

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу