Халықаралық «Тарази тағылымы» ғылыми-практикалық конференциясы өтті (фото)

Қазақ ұлттық өнер университетінің ұйымдастыруымен Мемлекеттік сыйлықтың иегері, Франс Кафка атындағы Халықаралық сыйлықтың иегері, жазушы, драматург, киносценарист Әкім Таразидің 85 жас мерей-тойына орай «Тарази тағылымы» атты халықаралық ғылыми-практикалық конференциясы өтті. 

Егемен Қазақстан
23.09.2018 1945
2

Шараның ашылуы рәсіміне Еңбек ері, Қазақ ұлттық өнер университетінің ректоры Айман Мұсақожаева, кинорежиссер Сатыбалды Нарымбетов, ақын Ұлықбек Есдәулет, драматург Сұлтанәлі Балғабаев, жазушы, аудармашы Меманқұл Исламқұлов (Өзбекстан), әдебиеттанушы Первана Маммедова (Әзербайжан), аудармашы, сыншы Қазоқбай Юлдашов (Өзбекстан), аудармашы Жәмиле Қынажы (Түркия) тағы басқы өнер майталмандары мен әдебиет саңлақтары қатысты. Мәдениет және спорт министрлігінің жауапты хатшысы Қуатжан Уәлиев Елбасы Нұрсұлтан Назарбаевтың құттықтау хатын жеткізіп, Елбасы атынан зерлі шапан жапты. Қазақстан жазушылар одағының төрағасы Ұлықбек Есдәулет, Жамбыл облысы ішкі саясат басқармасының бастығы Берік Уәли құттықтау сөздерін айтып, жазушыға құрмет көрсетті. 

Жиынды Айман Мұсақожаева құттықтау сөзімен ашты. «Конференцияға қатысуға қазақстандық және шетел авторлары, әдебиеттанушылар, кинотанушылар, театртанушылар, өнертанушылар, өнер мен мәдениет саласындағы жоғары оқу орындарының педагогикалық және гуманитарлық бағытындағы оқытушылары, магистранттары мен докторанттары шақырылды.

«XX-XXI ғасырдағы әдебиет пен өнердегі Әкім Тарази шығармашылығының феномені» атты халықаралық ғылыми-практикалық конференция қатысушылары мен қонақтарға Университет атынан еңбектеріңізге жеміс,  шығармашылық табыс тілеймін» деді университет ректоры.

«Әкім Тарази – қоғамға жарық ұстаушы жазушы. Ол, әр еңбекті жазып бітіргенде өз-өзіне «Енді жазбаймын» дейді. Бірақ өмір сүріп, өмірдегі әр нәрсені көре отырып, бір жағынан қуанып, бір жағынан қамығып, өмірдің осы көрсеткендеріне бейжай қарай алмай өзін соларды жазуға мәжбүр сезінеді. Жазу ол үшін өзінің тыныштығын бұзған мына әлемнен қашып рахаттану және тыныштыққа қол жеткізу. Оның өмірде көргендері мен басынан өткізгендері оны жазуға мәжбүрлейді.

Әкім Тарази жаңа бір еңбекті жазып бастағанда онын қандай болатынын нақ басып айта алмайды. Бір шығарманы бастағанда тақырыыптан бұрын оның ойына бір сюжет келеді. Бұл көбінесе Таразидың өзінің басынан немесе жақын танысының, туысының басынан өткен оқиға болады. Шығармашыл жазушы өзі көріп отырған бұл жағдайға қамсыз қарай алмайды және қоғамшыл жазушы сипатымен өзін жазуға міндетті сезінеді», деді жазушы шығармашылығы туралы сөз сөйлеген Жәмиле Қынажы.

Конференцияда Әкім Таразидың еліміздің әр түкпірінде қызмет етіп жүрген шәкірттері сөз сөйлеп, ұстаздарының мерейін асырды. Тек қана жазушы емес, драматург емес, оған қоса ұлағатты ұстаздық жолында жүздеген шәкірт тербиелеген қаламгердің бір бақыты да осы шәкірттері болса керек. Сонымен қатар, жазушының мерейтойына орай «XX-XXI ғасырдағы әдебиет пен өнердегі Әкім Тарази шығармашылығының феномені» жинағы шықты. 

«Осы кезеңге дейін айтылып жүрген қағидаға сүйенсек, қаламгерлік қабілет бір пайыз дарын мен тоқсан тоғыз пайыз еңбектің арқасында келетін қасиет екендігі хақ. Бұл ретте Әкім ағамыздың бір мұраты көкірегі сезімді, тілі орамды жастарды тауып, дұрыс жүлгеге салу болса керек. Қарымды қалам иесі болу үшін әрине маңдай терді моншақтатып төкпей болмайды. Ал, ол үшін бірінші кезекте өзіңнің жан-дү­ниеңді кемелдендіріп, байытып алған абзал. Яғни, жазушы өзінің ішкі әлемін көркейтіп, гүлдендірген соң ғана шығармашылық әлеміне ден қоймағы ләзім. Бұл Әкім ағамыздың дәріс арасында жиі айтып, құлаққағыс етіп отыратын өсиеті еді. Осынау бұлжымас қағида қаламгердің мына бір пікірінде көрініс тапқан. «Талант иесіне талайлы тағдыр керек. Талант иесі күнбе-күнгі тіршілігінде өзінің жан-дү­ниесіне, өзінің сезім құбылыстарына үңіле білсін, қадағалай білсін», дейді шәкірті, ғалым Ләйлә Мұсалы.

Әкім Таразидың шығармашылық ұстанымы – өмірлік қағида. Өмірінде бұзбаған ережесін әдебиетте де бұзған жоқ. Сырын қаламына айтып, мұңын қағазына зерлеген қаламгердің сексен бестің сеңгіріндегі келбеті сондай жарқын, сондай мерейлі.

Бағашар ТҰРСЫНБАЙҰЛЫ,

«Егемен Қазақстан»

СОҢҒЫ ЖАҢАЛЫҚТАР

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

16.02.2019

Алматыда студенттер арасында «IITU Robocon 2019» робототехника чемпионаты өтті

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу