Аймақтар • 05 Қазан, 2018

Атырауда медициналық көмектің сапасы мен қолжетімділігін арттыру мәселелері талқыланды

484 рет
көрсетілді
8 мин
оқу үшін

Атырауда «Медициналық көмектің сапасы мен қолжетімділігін арттыру» тақырыбында екі күндік өңіраралық конференциясы өтіп жатыр, деп хабарлайды Атырау облысының Өңірлік коммуникациялар қызметі.

Атырауда медициналық көмектің сапасы мен қолжетімділігін арттыру мәселелері талқыланды

Конференцияға медициналық ұйымдардың өкілдері, Ақтөбе, Маңғыстау, Батыс Қазақстан облыстары әкімдерінің орынбасарлары, денсаулық сақтау, қоғамдық даму, қаржы, еңбек және халықты әлеуметтік қорғау министрліктерінің өкілдері қатысты.

Конференцияның басты спикері Денсаулық сақтау министрі Елжан Біртанов болды. Министрдің айтуынша, ұлттық денсаулық сақтау жүйесі қызметінің оң нәтижелеріне қарамастан, жергілікті жерлерде медициналық қызмет көрсетудің қолжетімділігі мен сапасы, медицина қызметкерлерінің біліктілігі және қамтамасыз етілуі проблемалары сақталуда.

- Біз тұрғындардың барлық шағымдары мен өтініштерін талдадық. Бірінші кезекте - медициналық көмек көрсетудің сапасы. Ең алдымен, бұл дәрігерлердің қолжетімділігі, науқастың ауырған жағдайда қажет дәрігерге қалай қол жеткізуге болатындығы, қажет рәсімдерден түгел қалай өтуге болады, тексеруден өту, емделу, - деді Елжан Біртанов. - Пациенттердің қанағаттанбауы бар. Көбінесе бұл қанағаттанбау дәрігерлердің төмен біліктілігі ретінде түсіндіріледі. Медицина қызметкерлерінің тапшылығын қоса алғанда, мұндай проблема бар. Жиі олар коммуникативтік қабілеттілік мәселелері, пациенттерге қажет ұсыныстарды дұрыс жеткізу. Екінші орында дәрі-дәрмектер мен медициналық технологиялардың қолжетімділігі мәселелері. Дөрекілік туралы шағымдар көп, ұзын-сонар кезек мәселесі бар. Мұны негізгі жалпы мәселелер деп атауға болады. Министрлік проблемаларды анықтап, жүйелік шаралар қабылдау керек деп есептейміз. Әрине, біз барлық проблемаларды бақылап отырамыз, әрбір нақты жағдайда өз ұстанымымыз бар. Дегенмен, бұл мәселе жергілікті деңгейде, аумақтық бөлімшелер, медициналық мекемелердің бас дәрігерлері, әкімдер деңгейінде шешілуі тиіс. Біз проблеманы тереңірек қарауымыз керек және заңнамалық деңгейде, қаржыландыру, осы мәселелерді шешетін кадрларды даярлау деңгейінде қадамдар жасауымыз керек.

Министрдің айтуынша, бүгінгі таңда бір дәрігерге жүктеме орташа есеппен 1900 адамды құрайды, қалалық емханаларда ол 3 мыңға жетеді.

- Онда бізде екі дәрігердің орнына бір адам жұмыс жасайды. Бұл кадр жетіспеушілігінен алыс. Өкінішке қарай, бас дәрігерлерге қызметкерлердің жетіспеушілігі қолайлы болатын қаржыландыру жүйесін құрды. Өйткені қаржыландыру халықтың жан басына шаққандағы негізі болып табылады. Бұдан басқа, біз емханалардың санын көбейту, ауруханалар мен аурухана төсектерінің санын азайту нормативін әзірледік. Дәрігерлік тәжірибе неғұрлым көп болса, емханалар соғұрлым көп, стационарлық емдеуді қажет ететін науқастар аз болады. 2017 жылдың басында бізде бір ауруханаға 130 төсек болды. Бұл аурухана емес, бөлім деп айтуға болады, - деді министр. - Үлкен қалаларда, мысалы, 1,5-2 мың орындық 2-3 аурухана болуы керек. Бізде бір ауруханада 7-8-ге дейін жетеді. Сондықтан біз біріктірдік, бүгінгі күні 32 аурухана біріктірілді. Жыл сайынғы үнемдеу 27 миллиард теңге. Еліміздегі әрбір дәрігерге айына орташа есеппен 100 мың теңгені үнемдей аламыз. Осының арқасында бас дәрігерлердің, әкімшілердің, бухгалтерлердің және т.б құрамын ұстай аламыз.

Біртанов аталған мәселелерді шешу үшін министрлік медициналық көмектің сапасын жақсарту бойынша шаралар кешенін қабылдайтынын атап өтті. Атап айтқанда, мемлекеттің мiндеттемелерінiң нақты шекаралары бар, мiндеттi әлеуметтiк медициналық сақтандыруды (МӘМС) енгiзумен бiрге тегін медициналық көмектiң кепiлдендiрiлген көлемiнiң (ТМККК) жаңа моделі әзiрлендi және енгiзiлуде.

- Тегін медициналық көмектің кепілді көлемінің жиынтығы барлық тұрғындар үшін ең төменгі әлеуметтік стандарт болады. Ол алғашқы медициналық-санитарлық көмектен, шұғыл медициналық көмектен, клиникалық-диагностикалық қызметтерден, тегін дәрі-дәрмекпен қамтамасыз етуден, сондай-ақ негізгі, оның ішінде әлеуметтік маңызды аурулар бойынша жоспарланған стационарлық көмектен тұрады», - деді Елжан Біртанов.

Министр ТМККК жаңа моделін енгізу аясында аурулардың 262 тобын аз тиімді диспансерлеуді аурулардың отыз тобын басқару бағдарламасына трансформацялауды жалғастыру ұсынылады. Артериальды гипертензия, жүректің ишемиялық ауруы, қант диабеті, онкология, туберкулез және басқалар сияқты әлеуметтік маңызды ауруларды қоса алғанда, өлімнің 70%-ін, аурушаңдықтың 80%-ін анықтайтын негізгі ауруларды, сондай-ақ халықтың өмір сүру ұзақтығын бақылауды қамтамасыз етеді. Жаңа модельді енгізу ТМККК-ті мемлекеттік қаржыландыру және Әлеуметтік медициналық сақтандыру қорына жарналар есебінен қаржыландырудың тапшылығын біртіндеп жоюға мүмкіндік береді. Бүгінгі таңда Қор шамамен 100 млрд. теңге жинады, 2020 жылға қарай ол 217 млрд. теңгеге дейін өседі.

Елжан Біртанов іскерлік кедергілерді азайту және денсаулық сақтау жүйесіндегі бәсекелестікті дамыту тақырыбына тоқталды. Атап айтқанда, ол медициналық қызметтер нарығында бәсекелестікті арттыру мақсатында кепілдендірілген тегін медициналық көмектің жүйесінде жеке жеткізушілердің үлесін ұлғайту бойынша жұмыстар жүргізілгенін атап өтті. Ақпараттық жүйелерді жетілдіру, қажеттілікті қалыптастыру және әрбір науқас бойынша дәрі-дәрмектердің пайдалану мониторинг жүргізілуде. Бұл дәрі-дәрмектерді сатып алуды, беруді және есептен шығаруды аты-жөнін көрсетіп дәл жоспарлауға, сондай-ақ жергілікті жерлерде дәрілердің қалдықтарына тікелей бақылау жасауға мүмкіндік береді, - деді Біртанов.

Атырау облысы әкімінің орынбасары Нұрсәуле Сайлауова денсаулық сақтауды дамытудың негізгі бағыттарын және өңірлік деңгейде міндетті әлеуметтік сақтандыруды енгізу бойынша шараларды жүзеге асыру туралы айтып өтті. Бүгінде Атырау облысында 141 медициналық мекеме медициналық көмек көрсетеді және пациенттерге кеңес береді. 2018 жылы облыстың денсаулық сақтау саласын жалпы қаржыландыру 27,9 млрд. теңгені құрады.

- Облыстың денсаулық сақтау секторындағы проблемалардың бірі -кадр жетіспеушілігі. Осы мәселені шешу үшін кең көлемде жұмыс жүргізілді. Атап айтқанда, облыста медицина қызметкерлерін тарту мәселесі шешілуде, 72 дәрігерге қызметтік пәтерлер берілді. Жыл сайын жас мамандарды даярлауға гранттар бөлінеді. 2017 жылы 35 грант, биыл 54 грант бөлінді, -деді Нұрсәуле Сайлауова. - Медицина қызметкерлері үшін әлеуметтік пакет әзірленді. Осы жылдың алғашқы сегіз айында облыста 625 мың адамға 1462 дәрігер медициналық қызмет көрсетті. Екі қалалық ауруханада мейірбикелік үй күтімінің әмбебап-прогрессивті моделі енгізілді. 100-ден астам медицина қызметкері оқытылды. Бұдан басқа, қалалық перзентхананың базасында және Атырау медициналық колледжінде заманауи құрылғылармен жабдықталған Симуляциялық орталық пен сынып ашылды. Бұл дәрігерлер мен студенттердің кәсіби деңгейін арттыруға мүмкіндік береді.

Қоғамдық даму министрлігінің Азаматтық қоғам істері комитетінің төрағасы Әлия Ғалымованың, Еңбек және халықты әлеуметтік қорғау вице-министрі Нариман Мұқышевтің баяндамаларында да медициналық көмектің сапасы мен қолжетімділігін арттырудың өзекті мәселелері айтылды. Әлеуметтік қамсыздандыру жүйелеріне қатысу мәселелерінде азаматтық қоғамның рөлі, сондай-ақ, өзін өзі және бейресми жұмыспен қамтылған адамдарды формализациялау мәселелері талқыланды. Қазақстан Республикасы Қаржы министрлігінің Мемлекеттік кіріс комитеті төрағасының орынбасары Мади Такиев азаматтардың міндетті әлеуметтік сақтандыруды және жалпыға бірдей декларацияны енгізу кезінде азаматтардың салықтық мәртебесін қамтуды кеңейту туралы айтты.

Конференцияға қатысушылар пікір алмасып, проблемаларды талқыға салды, олар медициналық көмектің сапасы мен қолжетімділігін арттыру үшін заңнаманы қабылдау кезінде пайдалы болмақ.