Сенат Төрағасы Қасым-Жомарт Тоқаев Қарағандыға жұмыс сапарымен барды

Парламент Сенатының Төрағасы Қасым-Жомарт Тоқаев жұмыс сапарымен Қарағанды өңірінде болып, облыс активімен кездесу өткізді, сондай-ақ қаладағы бірқатар кәсіпорынды аралап, олардың тыныс-тіршілігімен танысты. 

Егемен Қазақстан
22.10.2018 2400
2

Жетістікті санамалап, кемшілікті саралады

Облыс активі мен жұртшылық өкілдерімен кездесуде Қ.Тоқаев Мемлекет басшысының «Қазақ­стандықтардың әл-ауқатының өсуі: табыс пен тұрмыс сапасын арттыру» атты Жолдауын іске асырудағы басты міндеттерге тоқталды. 

«Президент алға қойған мін­дет­тердің мүлтіксіз орындалуы мен нақты көрсеткіштерге қол жеткізу – біздің басты мақса­ты­мыз», деді Се­нат Төрағасы. Ол ең төменгі еңбек­ақыны 1,5 есе­ге кө­бейту туралы Мемле­кет бас­шысы тапсырмасының зор маңызын атап өтті. Бұл шара 1 миллион 300 мың адамға тікелей әсер етеді, 275 мың азамат­тық сала қызметкерінің еңбек­ақы­сы орташа алғанда 35 пайызға өсетін болады. 

Төрағаның сөзінде еліміздің индустриялық дамуының көш­бас­­шы­сы – Қа­ра­­ған­ды облысының әлеуетіне эко­но­микалық талдау жасалды. Сенат басшысының айтуынша, бұл аймақ Индустриялық-инновациялық да­му жөніндегі мемлекеттік бағ­дар­ламаның алдыңғы сапында ке­леді. Мұнда 84 жоба іске асып, инвестицияның жалпы сомасы 252 миллиард теңгеден асты, 6,4 мың жаңа жұ­мыс орны ашылды. Жа­ңа өндірістерде 700 миллиард теңгеден астам өнеркәсіп өнімдері шығарылды. Сонымен бірге Қ.Тоқаев пайдалануға беріл­ген нысандардың бос тұрып қалуы немесе толық күшінде жұ­мыс іс­темеуіне байланысты өткір мә­се­лелерді атап көрсетті. Эко­номи­калық тиімсіздігіне, банкрот болу және басқа да себептерге байланыс­ты кей­бір жобаларды іске асырудан толықтай бас тарту туралы деректер бар. Қарағанды облысында осындай проблемасы бар 10 жоба бар. Төраға ретсіз шығындарға апа­рып соғатын әрі мемлекеттік саясатқа кері әсер ететін мұндай мә­селелерге жол беруге болмайтынын қадап айтты. 

Қ.Тоқаев елімізді аумақтық тұрғыда дамытуға байланысты жаңа әдістер енгізу қажеттігін атап өтті. «Әкімдер аймақтардағы ең өткір мәселелерді шешуге баса назар ауда­руы керек, ол үшін қажетті қаржы ресурстары бар», деді ол. 

Сенат Төрағасы аймақтарды дамыту бағдарламаларын тиімді әрі ойласып қалыптастыруға ша­қырды. «Негізгі қаржы әлеу­мет­тік маңызы бар жобаларды іске асыруға бағытталуы тиіс. Қаржыны үнемдеуге ерекше назар аударылып отыр. Мойын­дауымыз керек, біз осы кезге дейін шамамызға қарамадық. Енді бізге өмір көрсетіп отырған жаңа жағдайға бейімделу керек. Қымбат қызмет көліктері, жоғары лауазымды шенеуніктердің атшаптырым кабинеттері мен басқа да үстемдік көрсеткіштері көненің көзі секілді тарих қой­науына кететін кезі алыс емес деп ойлаймын». 

Қ.Тоқаев азаматтар тыныс-тірші­лігінің сапасын арт­тыру­­­дағы бизнестің әлеуметтік жа­уа­п­­кершілігін де еске алды. Оның пікірінше, ол ең алдымен «АрселорМиттал Теміртау» се­кіл­ді ай­мақтағы жүйе құраушы кәсіпо­рындарға қатысты болып отыр. «Еңбек жағдайын жақсарту мен қауіпсіздігі, қызметкерлер еңбегін лайықты жалақымен қамтамасыз ету ірі бизнестің күн тәртібінен түспеуі тиіс», деді Төраға.

Төраға сөзінде Жолдаудағы тұрғын үймен қамтамасыз ету, жұмыспен қамту, денсаулық сақтау, білім беру, азаматтар қауіпсіздігін арт­тыру секілді салалар бойынша міндет­терді іске асыру мәселелері де қамтылды. 

Қ.Тоқаев алғашқы дәрігер­лік-санитарлық көмек сапасын сынға алды. «Қазір дәрігерлер есеп беруден қолдары босамайтынын мойындау керек. Олар­дың пациенттермен айналысуға уақыттары қалмай барады. Ком­пьютерге телмірген дәрігер мен ешкімге керегі болмай қалған емделушінің көрінісі қазір жиі кездеседі», деді Төраға. 

Сенат Төрағасы тұрғын үйді несиеге беруге арналған «7-20-25» бағдарламасының орындалуы ­мен жеңілдігі бар ипотеканың бастапқы жарналарын жергілікті бюджеттен ішінара субсидиялау мә­селесін ойластыру жөніндегі Президенттің тапсырмасына жан-жақты тоқталды. «Тұрғын үй мә­селесі жедел әрі жылдам шешілуі керек, өкінішке қа­рай бізде олай болмай отыр. Қарапайым жандар жазып отыр­ғандай, әуре-сарсаңға түсіре­тін кез­дері көп. Ұлттық банк пен Үкі­­мет бұл бағытта бірыңғай жұ­мыс істей алмай, бағдарламаға се­німді жойып, адамдардың кө­ңі­лін қалдыруда», деді Сенат басшысы. 

Кездесу соңында Сенат Төр­ағасы өңірдің әлеуметтік-эконо­микалық дамуына қосқан үлесі үшін облыстық мәслихат депутаттары Ғ.Жарылғапов пен Т.Тіле­місовке, Абай аудандық мәсли­хатының хатшысы Б.Цай­ға, Қа­рағанды мемлекеттік медици­на­­лық университетінің кафедра мең­герушісі Қ.Шәкеевке және №38 гимназияның қазақ тілі және әдебиеті пәнінің мұғалімі Е.Кел­ма­ғамбетоваға құрмет грамоталарын табыс етті.

Ойластырылмаған реформа орға жығады

Академик Е.Бөкетов атын­­дағы Қарағанды мемлекет­тік уни­вер­ситетінің оқыту­шы­лары­мен және студенттерімен кездесуде Мем­лекет басшысының Жол­да­уында айтылған идеялар әңгіме ар­қауына айналды. Қ.Тоқаев өз сөзінде Елбасының отандық білім бе­ру жүйесінің алдына қойған жаңа мін­деттерге жан-жақты талдау жасады. 

Атап айтқанда цифрландыру, Назарбаев зияткерлік мек­тептерінің әдістемелерін енгізу, білім беру ортасының сапасын арттыру, жайлы әрі қауіпсіз оқы­туға арналған жағ­дайды қам­тамасыз ету туралы айтылды. «Бар­лық мектептер мен балалар бақшалары бейнебақылау жүйесімен қамтамасыз етіледі, мектеп психологтарының жұ­мы­сы күшейтіледі. Салалық минис­трлік­тер мен әкімдіктер осы маңыз­ды жұмыстарға кірісуі тиіс», деді Төраға. 

Жоғары оқу орны түлек­терінің жұмысқа орналасуы оқу ордасының білім сапасын бағ­алаудың басты талабы ретінде енгізу туралы Пре­зиденттің тапсырмасы туралы айта келіп, Қ.Тоқаев еңбек нарығына мұқият мониторинг жүргізу және сұранысты зерделеу қажеттігін атап өтті. «Болашағы бар кәсіптер мен нарықтың сұраныстарын зер­делеу жөніндегі жүйелі жұ­мыстарды қалыптастырып алу, одан кейін ол мәліметтерді әрбір түлекке жеткізу маңызды болып отыр», деді Сенат Төр­ағасы. 

Қазіргі жағдайға қатысты алғанда, бүгінгі таңда, Қ.Тоқаев айтқандай, көптеген қазақстандық жоғары оқу орны уақыт талабы қойып отырған ауқымды міндеттерді шеше алмай отыр. «Біздің университеттер ғылым мен технологиядағы, өмірдің әр саласындағы болып жатқан жаһандық өзгерістерге сай жа­ңаруға дайын емес. Отандық жоғары оқу орындары шетелдік оқу мекемелерімен бәсекеге төтеп бере алмайды». Мектеп түлек­тері­нің едәуір бөлігінің көрші мем­лекет­тердегі жоғары оқу орындарына кету көріністері тоқталмай отырғаны дабыл қақтырады. Сенат Төр­ағасы соңы ауыр зардаптарға соқтыратын бұл өзекті мәселелерге Үкімет пен әкімдіктерді нақты ше­шім және іс-әрекетпен анық жауап беруге шақырды. 

Қ.Тоқаев білім беру саласын­дағы реформаларға атқарушы органдар да баса назар аударуы қажет деп санайды. «Мұндай эксперименттер аз болған жоқ, білім беру жүйесі реформалардың шырмауынан шыға алар емес. Сондықтан реформалар қажет, бірақ олар мұқият ойластырылып жасалуы тиіс, әйтпесе олар тек зиянын тигізуі мүмкін деген қатаң пікірдемін», деді Төраға.

Білім беру жүйесі, Төраға сөзінде айтылғандай, адам ре­сурс­тарын даярлауда және дамытуда басты құрал болып табылады, ол ұлттық құрылыс пен экономикалық жаңғыруда аса маңызды рөл атқарады. Осыған байланысты Қ. Тоқаев қазіргі замандағы мемлекет құрылысын қалыптастыру мен экономикалық өркендеуге жол ашатын, білім беру саласында жаңалық ретін­де табысқа қол жеткізген шетел­дік тәжірибелерді зерделеуге шақырды. «Жапонияның, Оң­түстік Кореяның, Сингапурдың тарихы көрсетіп отырғандай, бүкіл еңбек жолында білімі мен кәсіби дамуын үзбей шыңдап отыруға дайы­н болатын белсенді, патриоттық сезімі жоғары азаматтарды дайындау ұлттық білім беру жүйесінің бас­ты міндеті болуы тиіс», деді Сенат Төрағасы. 

Білім беру жүйесін үш тілде бі­лім беруге көшіру тақырыбы да қоз­ғалды. Қ.Тоқаев бір жағынан ха­лықаралық байланыс тілі, екін­ші жағынан қазіргі замандағы ақпа­раттық технологияның не­гізгі тілі болып табылатын ағыл­­шын тілінің маңызды рөлін атап өтті. 

«Коммуникативтік дағдылар – жұмыс күші үшін аса маңызды фактор, ал ХХІ ғасырдағы ағыл­шын тілі дегеніміз – бизнестің, ғылымның, дипломатияның тілі. Кейбір лингвистердің пайымдауынша, ағылшын тілі – жай ғана тіл емес, жаһандық коммуникация құралы», деді Сенат Төрағасы. 

Қ.Тоқаев балалар бақшасы мен бастауыш мектептерден бастап қазақ тілін үйренуге баса назар ауда­ру керектігін атап өтті. Сонымен бірге біз орыс тілін де білуіміз керек. Төраға өз мәдени ерекшелігін ұмытпай, өзінің әлемдегі орнын ұғына отырып, халқын ағылшын тілін жақсы үйренуге шақырған, қазіргі заманғы Сингапурдың негізін қалыптастырған Ли Куан Ю-дің сөзін мысал ретінде еске салды. 

Қ.Тоқаев еңбегімен елге таныл­ған қарағандылықтарға, ҚарМУ-дың оқытушылары мен студенттеріне Сенаттың грамотасы мен алғыс хатын табыс етті. 

Мемлекет пен бизнестің берекелі әріптестігі

Парламент Сенатының Төр­ағасы Қасым-Жомарт Тоқаев Қара­ғандыға жұмыс сапары барысында мемлекет-жекеменшік әріп­тестігі (МЖӘ) же­лісі бойынша ашылған «Луч» нейро­оңалту орталығында болды.

«Луч» 2017 жылдың ақпа­ны­нан бастап қызмет етіп келеді. Ашылу кезінде орталықта емде­лушілерге арналған 20 орын болатын. Қазір олардың саны 70-ке дейін артқан, жылына бұл жерден 1500-ден астам адам ем алып қайтады.

– Бізге бүкіл Қазақстаннан ем іздеп келеді, – дейді «Луч» нейро­оңалту орталығының басқарушы директоры Елена Ли. – Егер біз тек Қарағанды облысына ғана қызмет етсек, осындай ұзын-сонар кезек болмас еді. Алайда бізге Павлодардан, Қостанайдан және тағы да басқа қалалардан емделушілер келеді.

Жабдықталуы және терапевтік процедуралар жиынтығы бойынша «Луч» нейрооңалту орталығы – еліміздегі жалғыз мекеме. Тек осы жерде ғана су астында омырт­қаны созу аппараты бар. Орталық базасында Қарағанды мемлекеттік медициналық уни­вер­ситетінің нев­рология және оңалту кафедрасы жұмыс істейді. Кеңес беру және ем жүргізумен ғылыми дәрежелері бар жоғары білікті мамандар айналысады. Штатта массаж жасаушы маман, емдік денешынықтыру нұсқау­шысы, логопед бар.

Осы жылдың маусымында, сонымен қатар МЖӘ желісі бо­йынша «Луч» Жезқазған және Теміртау қалаларында 25 орындық екі филиа­л ашты. 

– Бұрындары бізде бизнес осылай белсенді дамымаған еді. Қара­­­ғанды облысында мемле­кет-жекеменшік әріптестігі жүйе­сінің жақсы нәтижелер көрсе­тіп жат­қаны қуантады, – деді Парламент Сенатының Төрағасы. 

Сенат Төрағасының келесі аялдаған жері «КазПласт» ЖШС зауыты болды. Бірін­ші кезекте ол кәсіпорын жұмыс­керлерінің еңбек­ақысы қанша екенін сұрады. «КазПласт» ЖШС директорының өндіріс бо­йынша орынбасары Вла­димир Бого­венко орташа еңбекақы айына 180 000 теңгені құрайды деп жауап берді. 

Зауытта Қасым-Жомарт Тоқаев­қа өндірістің барлық кезең­дері көрсетілді. 

Кәсіпорында өткен экскур­сиядан соң Сенат Төрағасы «КазПласт» ЖШС шығаратын өнім қытай тауарларын алмас­ты­руға лайықты екенін және ол өз кезегінде аймақтың және жалпы еліміздің экономикасына оң ықпал етіп отырғанын атап айтты. 

«КазПласт» зауыты 2011 жы­лы құрылған болатын, онда 50 адам жұмыс істейді. Кәсіпорын қат­тылығы жоғары гофрланған по­ли­пропилен кәріз құбырларын, плас­тик сыйымдылықтар, құ­дықтар, май жинақтауыштар, жол бөгет­терін, көшелерде орнатылатын құмы­ралар мен балаларға арналған ойын кешендерін жасап шығарады. 

Бұдан кейін Қасым-Жомарт Тоқаев облыс орталығындағы «Нә­тиже» сүт фабрикасын аралап көрді. 

Кәсіпорын нарықта 1999 жылдан бері жұмыс істеп келеді. Бүгінгі таңда кәсіпорынның сүт өнімдері Қарағанды облысының барлық қалалары мен аудандарына, сондай-ақ көршілес өңірлер мен Астанаға тасымалданады. 

Жуырда «Нәтиже» айранның жаңа екі түрін – протеин құрамы жоғары және йод қосылған жаңа өнімдер желісін сатылымға шы­ғарды. Фабрика сонымен қа­тар италиялық технология бо­йынша балмұздақтың жиыр­мағ­а жуық түрін өндіре баста­ған. Ол үшін Лон­доннан арнайы технолог маман ша­қыртылыпты. 

Сенат спикері жаңа өнім түр­лерінен дәм татып, оларға жақсы баға берді. 

Қайрат ӘБІЛДА,

«Егемен Қазақстан»

Қарағанды облысы

СОҢҒЫ ЖАҢАЛЫҚТАР

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу