Жаңа құжат туризм секторына серпін бере ме?

Қазақстан туризмді дамытуға қолайлы аймақтарға кенде емес. Алайда, ел аумағының ауқымдылығын, ол жерлердің барлығын дамытуға қаражат жетпейтінін ескере отырып, туристер үшін ең тартымды деген он жер таңдап алынды. Бұл туралы таяуда «Атамекен» ұлттық кәсіпкерлер палатасында өткен туризмді дамыту бағдарламасында айтылды.  

Егемен Қазақстан
23.10.2018 10171
2 Суретті түсірген Әйгерім БЕГІМБЕТ

Бағдарламаның негізгі әзірлеушісі Мә­дениет және спорт министрлігі екенін айта кетейік. Таныстыру шарасына да аталған министрлік басшысының орынбасары Ерлан Қожағапанов пен «Атамекен» ҰКП басқарма төрағасының орынбасары Олжас Ордабаев, басқа да лауазымды тұлғалар қатысты. Сонымен көшпелі және ішкі туризмді дамытудың 2019-2023 жылдарға арналған мемлекеттік бағдарламасы 10 негізгі бағыттан тұрады. Бірінші бағыт – туризмге арналған әлеует­ті территорияны анықтау. Тиісті ми­нистрлік зерттеу жүргізіп, туристер ағынын қамтамасыз ете алатын 10 жерді анықтапты. Енді жаңа мемлекеттік бағдарлама аясында 600 млрд теңге осы жерлерді дамытуға жұмсалмақ. 

– Қазақстан – туристік жерлері көп үлкен мемлекет. Барлық жерлерді бір­дей дамытуға қаражат көзі жетпейді, сон­дықтан біз анағұрлым тартымды территорияны белгіледік. Мәселен, туризм­ді дамыту картасына Алакөл мен Балқаштың жағалауы, Алматы мен Алматы облы­сындағы тау кластері кірді, – дейді Мәде­ниет және спорт вице-­министрінің кеңес­шісі Еркебұлан Хасенов. 

Таңдалған 10 өңірге жасала­тын жеңіл­діктер қарастырылған. Бағдар­ламада айтылғандай, бірінші кезекте салықтық жеңілдіктер жасалады. Сонымен қатар бұл территорияларда басқарушы компаниялар құрылып, оларға арнап жер учас­келері беріледі. Учаскелерге қажетті инфра­құрылым тартылады. 

Туризм саласындағы бизнеске жеңіл­­дік­пен несие беру шарасы да бар. Мәсе­лен,­ бизнесмендерге 20 жылға дейін 14%­ мөлшерлемемен несие беріледі, мөл­шер­леменің жартысын мемлекет субсидиялайды. 

Сондай-ақ маркетинг жұмыстарына да басымдық беріліп отыр. Еркебұлан Хасе­нов айтып өткендей, Грузия, Қырғызстан, Әзер­байжан сынды мемлекеттердің турис­­тік аймақтарын дүниежүзі біледі. Бұл қомақты бюджет пен нақты жұмыс­тың арқасы. 

Бірнеше ай бұрын туристерге салынатын Bed Tax cалығы туралы ұсыныс айтылған болатын. Жаңа бағдарлама ая­­сын­да шетелдіктерге салынатын осы са­лық көлемін 2 долларға ұлғайту көзде­ліп отыр. Дегенмен, хостелдерге және мей­­мандарды қабылдайтын үйлерге түс­кен шетелдіктер бұл салықтан босатылатынын айта кетейік. Бұл қанатқақты жоба­ны Астанада сынақтан өткізіп көру жоспар­ланып отыр. 

Бағдарламаны әзірлеушілер авиа­керосин­нің бағасын мемлекеттік рет­теу тетігін қалпына келтіру, авиакомпания­лардың жанармай сатып алу шығындарын суб­сидиялау, «Kids go Free» қағидасы бо­йынша оқу демалысы кезінде балалардың ұшуын субсидиялау сынды шараларды да ұсынып отыр. Бұл ел ішінде саяхаттаушылардың қатарын көбейтіп, жолаушылар ағынын ұлғайтуға тиіс. 

«Атамекен» ҰКП басқарма төрағасы­ның орынбасары Олжас Ордабаевтың пікірінше, бағдарлама шын мәнінде стратегиялық міндеттерді қамтып отыр. Алайда, онда шағын бизнесті қолдауға арналған ынталандыру шаралары жоқ. Спикер мысал ретінде Өзбекстандағы осыған ұқсас бағдарламаны келтірді. 

– Ол жақта бизнесмендер инфрақұры­лым нысандарын салуға мемлекеттен суб­сидия ала алады. Тағы бір қарапайым мысал, Өзбекстанда мемлекет қонақүйлер мен отельдерді «жұлдыздарды» алуға ынталандырады. Ал бізде мұндай аудит шамамен 300 мың теңге тұрады, соның нәтижесінде елдегі отельдердің не­бәрі 8,5%-ында ғана «жұлдызы» бар. Осын­дай мотивация жасайық, шығын­ның жартысын болса да өтеп берейік. Сол кезде бизнесмендер бұл жүйені енгі­зу­ге, қонақтарға жасалатын жағдайды жақ­сартуға дайын болады. Өкінішке қа­рай, бағдарламада осы тектес шаралар қарастырылмаған, – деді Олжас Орда­баев. 

Мәдениет және спорт вице-министрі Ерлан Қожағапанов бағдарлама жобасы­ның қазіргі нұсқасын мемлекеттік органдар алдында қорғау керек екенін айтты. 

– Көптеген шараларымызға қауіп тө­ніп тұр, біразын «кесіп» тастап, келтірген дәйектерімізбен келіспей отыр. Сөреде шаң басып жататын, жұмысқа жарамайтын құжат болып шыға ма деген кү­дігіміз бар. Себебі әр мемлекеттік ор­­ган­­­ның өзінің функциясы бар, олар соны орындауға тырысады. Қаржы министрлігі барынша аз қаражат бөлуге, тіп­ті бөлмеуге тырысады. Экономика министрлігі де үнемдейді. Ал барлық мүд­делі тараптардың қолдауынсыз біз мақсатқа жете алмаймыз. Бізге барлық алаңдарда белсенді қолдау керек, – деді Ерлан Қожағапанов.

Бағдарламаны әзірлеуші тараптың ай­туынша, онда қамтылған шаралар 2023 жылға қарай ІЖӨ-дегі туризмнің үлесін 8%-ға ұлғайтуға мүмкіндік береді. Туристік салада жұмыс істеп жатқан адам­дардың санын 650 мың адамға жет­кізуге, сыртқы туристік ағынды 6,5 миллионнан 9 млн келушіге дейін, ал ішкі туристердің санын 4,6 миллионнан 8 млн адамға дейін көбейтуге жол ашады. 

Арнұр АСҚАР,

«Егемен Қазақстан»

СОҢҒЫ ЖАҢАЛЫҚТАР

22.01.2019

Сенат комитетінде «Каспий теңізінің құқықтық мәртебесі туралы конвенцияны ратификациялау туралы» заң жобасы қаралды

22.01.2019

Астананы газдандыру үш кезеңмен жүргізіледі – Бақыт Сұлтанов

22.01.2019

Азат Перуашев көше, мекеме атауларына Алаш қайраткерлерінің есімдерін беруді ұсынды

22.01.2019

«Бес әлеуметтік бастама»: салық жүктемесін төмендету 2 млн азаматқа қосымша кіріс алуға жол ашады

22.01.2019

Сегіз каратэшіміз Парижде күш сынасады

22.01.2019

Руслан Дәленов: Шағын несие көлемі ұлғаяды

22.01.2019

2018 жылы Қытайдағы бала туу көрсеткіші күрт төмендеді

22.01.2019

Солтүстік Қазақстан бишілері халықаралық байқауда бас жүлдені олжалады

22.01.2019

Солтүстік Қазақстанда екі мың шақырым талшықты-оптикалық байланыс желісі тартылады

22.01.2019

Үздіктер қатарында жүрген қазақстандық боксшылар кімдер?

22.01.2019

Ел аумағынан 28 шетелдік шығарылды

22.01.2019

Солтүстік Қазақстанда әкімшілік қызметкерлері пара алуға бейім

22.01.2019

Давоста дүниежүзілік экономикалық форум басталды

22.01.2019

М. Әбілқасымова: Микрокредит жастар арасында да сұранысқа ие

22.01.2019

Астана станциясының өткізу қабілетін ұзартылған «иін» арттырды

22.01.2019

Екібастұз ГРЭС 1 2018 жылды қуаттың рекордтық көрсеткіштерімен аяқтады

22.01.2019

«Нұрлы жер» арқылы салынған үйлер «7-20-25» бағдарламасымен берілуі мүмкін

22.01.2019

Жұмыссыз xалыққа микрокредит беру жүзеге асырылып жатыр

22.01.2019

Оралда онколог дәрігерлер қауіпті дерттің қатерін ескертті

22.01.2019

Жетісу кәсіпкерлерінің өтініші жерде қалмайды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

ҰҚСАС ЖАҢАЛЫҚТАР

Тағы да оқу

Пікір қосу