Тариф көтерілді, сервис деңгейі ше?

Елімізде құны 55 теңге тұратын ең төменгі қоғамдық көлік жолақысы Ақтөбеде болатын. Өткен қазан айының аяғында қаладағы жолақы тарифі 80 теңгеге көтерілді. Сондай-ақ зейнеткерлер үшін − 60, 7-15 жас аралығындағы балалар үшін 40 теңге көлемінде белгіленді.  

Егемен Қазақстан
16.11.2018 7339
2

Автобустардағы жолақы құны өскеннен кейін, бұл өзгеріс жүр­гіншілерге көрсетілетін сервистік қызметтің деңгейіне де әсер етуі керек. Сонымен бір мезетте қызмет көр­сету мәдениеті мен сапасын көтеру қажет. Әрине, мұның өзі бір күн­де немесе бір-екі айда тындырыла қоятын іс емес екені белгілі. Дегенмен, облыс орталығында жүр­гіншілерді тасымалдаумен айна­лы­са­тын бас­ты екі құрылым – «Автопарк» пен «Жолаушылар авто­көлік кәсіпорны» ЖШС-ның өкілдері бұл мәселеге бүгіннен бастап көңіл ау­дарса, ұтыл­масы анық. Салада белгіленген тиісті нормативтер мен талаптарға сәйкес тарифтің көтерілген жағ­дай­ында тасымалдаушылар қоғамдық көлікті GPS-трекерлер секілді заманауи қондырғылармен жабдықтауы керек. Осы арқылы қозғалыс кестесі мен жүру жиілігін біршама реттеуге болады. 

Бүгінде жүргізушілер мен жолау­шылар осы мәселеге байланысты орынды өкпе-реніштерін білдіріп жүр. Редакциямызға хабарласқан тұрғындардың айтуынша, қалалық автобустар көп жағдайда қозғалыс кестесі мен жүру аралығын сақтай бермейді. Әсіресе, жаңбырлы, лай­саң, аязды мау­сымдарда автобус күтушілердің шыдамы таусылады. Облыс орталығының тұрғындары қалалық бағыттар бойынша қызмет көрсететін автобустардың мерзімінен ерте тоқтайтынын айтады. 

Ал қалалық жолаушылар көлігі және автомобиль жолдары бөлім­і­н­ің басшысы Руслан Төреғали әр бағыт­тың жұ­мыс­ын аяқ­тайтын тиіс­ті уақыты бекіт­іл­генін жеткізді. Бұл орта­лық көше­лердегі басты бағыттарда сағат 22.00-ге дейін бел­гі­лен­ген. Ал қала маңындағы ау­ыл­­дарға қатынайтын бағыттарда бұл уақыт кешкі 20.00-21.00-ге есептелген. Дегенмен, барлық қалалық бағыт­тағы автобустар қызметі аяқ­талуының бір уақытқа сәйкес келе бермеуі жолаушылар тасқынына, яғни оның аздығы мен көптігіне байланыс­ты туындайды. 

Ақтөбе облыстық автомобиль жолдары және жолаушылар көлігі басқармасының басшысы Аязбай Османғалиевке хабарласқанымызда, ол алдағы уақытта қалалық бағыт­тардағы аялдамаларда электронды табло орнату ісі қолға алынатынын айтты. Осы арқылы қоғамдық көлік­тердің жүру кестесін жіті зерделеп отыр­уға болады. Қазіргі күні жаңа технология­ны енгізуге қатысты тиісті тал­даулар мен әзірлік жұмыстары жүргізілуде. 

Бүгінде жолаушылар тасымалдау жүйесінде қызмет көрсету мәдениетін көтерудің маңызы жоғары. Бұл өз кезегінде әлеуметпен қатысты қыз­метті әлемдік нормативтер мен стандарттар жүйесіне біршама жақындата түседі. Мәселен, электронды билеттер жүйесін енгізу сияқты қанатқақты жоба кейбір автобустарда қолданыла бастады. Мұндай жағдайда кондук­торлар мен жүргізушілер билет құны­ның белгілі бір бөлігін қым­қырып қала алмайды. Барлық та­­быс жолаушылар тасымалдау кә­сіп­орындарына түседі. 

Бұған дейінгі талдаулар облыс орталығындағы және қала маңындағы бағыттар үшін кем дегенде 400 автобус қажет екенін көрсетеді. Бүгінде бағыттарға шығып жүрген қоғамдық көліктердің саны 300-дің үстінде. Қа­ладағы автопарктерді жаңғырту, жа­­ңа автобустар алу жөн-ақ. Алайда, жолау­шылар тасымалдау ісіндегі бар­лық түйткіл мұнымен шешілмейді. Бұл тығырықтан шығудың басты жол­дарының бірі кейбір қалалық бағыт­тарды оңтайландыру болмақ. Осы орайда қос кәсіпорын арасында біріншісінен екіншісіне ауысып жатқан бағыт­тар да бар. Оңтайландыру ісі­нің басты мақсаты, бір орамдар мен көшелердегі бағыт­тардың санын кө­бейтуден, кей жағ­дайларда оны біріктіруден туын­дайды.

Ақтөбе қала­сында автобус жүр­гізушілері қат. Оның түрлі себебі бар. Соның бірі – жүр­гізушілер жа­лақы­сының төмендігі. Сондықтан тасымалдаушы кәсіпорындар аз­ын-аулақ кем­шілік­тері үшін жүргізу­шілерді жұмыстан шығаруға мүдделі емес. Жүргізушілер қатарының кемуіне қо­ғам­дық ав­то­көлік жүр­гізу құқы да әсер етеді. Мәселен, алдағы уа­қытта D категориясын иелену үшін жүргізушілерге кем дегенде үш жыл уақыт қажет болады, дейді Ақтөбе автопаркінің ресми өкілі Руслан Жыл­қама­нов. Бұл қадам жүр­гізушілердің біліктілігін көтеру және жолаушылар қауіпсіздігін қамтамасыз ету мақ­сатында туындап отыр. Жал­пы, тарифт­ің көтерілгені қоғамдық көлік жүр­гізушілерінің жалақы­сын қайта қа­рау­ға әрі оны өсіруге мүмкіндік бер­мек. 

Иә, Ақтөбеде қоғамдық көлік­тердегі тарифтің көтерілгені жүр­гізушілер жалақысының өсуіне ғана емес, сонымен бірге қызмет көрсету сапа­­сының жақсаруына да ықпалын тигізсе игі.  

Темір ҚҰСАЙЫН,

«Егемен Қазақстан»

АҚТӨБЕ 

СОҢҒЫ ЖАҢАЛЫҚТАР

17.02.2019

Дәрігерлер балаларды көңілді бимен оятты

17.02.2019

Алакөл ауданында көпбалалы отбасыларға пәтер берілді

17.02.2019

Қазақстан дзюдошылары Еуропа кубогінен екі медаль жеңіп алды

17.02.2019

Жансель Дениз Turkish Open турнирінде жеңімпаз атанды

17.02.2019

Елена Круглыхина могулшылар алдындағы басты міндетті атады

17.02.2019

17 ақпанға арналған ауа райы болжамы

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу