«Егер Головкин DAZN телеарнасымен келісімшарт жасаспаса, онда «Канеломен» өтетін үшінші жекпе-жекті ұйымдастыру мәселесі қиындай түседі. Өйткені мексикалық боксшы бұл телеарнамен 365 мың долларға 11 жекпе-жек ұйымдастыру бойынша бес жылға келісімшарт жасасқан. Дегенмен Головкинде басқа нұсқалар бар. Ол Premier Boxing Champions компаниясымен келісімге келсе, оның кездесулері Showtime PPV-де көрсетіледі. Ол Джермалл Чарло немесе Каллум Смит сияқты танымал боксшылармен кездессе, жақсы ақша таба алады», - дейді Джефф Аранау.
Британиялық Каллум Смит (25-0, 18 КО) - қазіргі уақытта екінші орта салмақтың WBA (Super) нұсқасы бойынша әлем чемпионы және Бүкіләлемдік бокс супер сериясының жеңімпазы. Ал Чарло (28-0, 21 КО) орта салмақтағы WBC белдігінің «уақытша» чемпионы.
Айта кетейік, HBO телеарнасы 2019 жылдан бастап кәсіпқой бокс кешін көрсетуді тоқтатқан соң Головкин телеарна бойынша еркін агент саналады. Дегенмен, оған үш бірдей телеарна ұсыныспен шыққан. Олар: DAZN, ESPN және Premier Boxing Champions промоутерлік компаиясының Fox/Showtime теларналары.
