Әлем • 17 Қаңтар, 2019

Грузияда қаралы күн жарияланды

450 рет
көрсетілді
1 мин
оқу үшін

Грузия астанасы Тбилисидің солтүстігіндегі көп пәтерлі үйлердің бірінде газ жарылып, төрт адам көз жұмды. Премьер-министр Мамука Бахтадзе 17 қаңтарды қаралы күн деп жариялады.

Грузияда қаралы күн жарияланды

Жарылыста күйік шалған төрт жасар қыз ауруханада жан тапсырған.

Полиция құрылыс немесе нысанды пайдалану кезінде қауіпсіздік ережелерінің екі не одан да көп адамның өліміне әкеп соқтырған бұзылуы туралы баппен қылмыстық іс қозғаған.

Ел президенті Саломе Зурабишвили жарылыстан зардап шеккендерге көмек көрсетіліп жатқан ауруханаға барды. «Қайтыс болғандардың отбасыларына көңіл айтамын. Бұл аса үлкен апат», - деп мәлімдеді ол.

«Барлық мемлекеттік мекемелерде және елдің шетелдердегі дипломатиялық өкілдіктерінде мемлекеттік ту төмен түсіріледі». Бұл туралы Грузия үкіметінің баспасөз қызметі хабарлады.