Механикалық жүрек отасы әлемде алғаш рет Қазақстанда жасалды

Әлемде тұңғыш рет сымсыз механикалық жүрек (FIVAD) орнату операциясын еліміздің кардиохирургтері Чехия, Израиль, Италия және АҚШ-тағы серіктестерімен бірлесіп сәтті орындады. Бұл жаңашылдық туралы Астанадағы Орталық коммуникациялар қызметінде өткен баспасөз мәслихатында айтылды.

Егемен Қазақстан
06.02.2019 2373
2

Жүректің сол жақ қарыншасының көмекші құрылғысы 24 жастағы алматылық Исмаил Тұрсыновтың жүрегіне 2018 жылдың 15 желтоқсанында орнатылған. FIVAD-тың  ерекшелігі, сыртқа ешқандай сымдардың шығып тұрмайтындығында. Бұл пациент ағзасында асқынуларды болдырмайды, науқас емін-еркін сау адамдардай қимылдай алады. Аппараттың батареясы кеуденің ішінде орнатылған. Оны арнайы белбеу арқылы магниттік толқынмен зарядтайды. Ал арнайы қолсағат жүректің соғуын, қанның қысымын және тағы басқа мәліметтерді көрсетіп тұрады. «Бұрын денеден сым шығатын жерде бактериялар жиналатын, оны үнемі емдеп отыру қажет еді. Ал жаңа құрылғыда ондай сымдар жоқ. Үлкен сөмкені бірге алып жүрудің қажеті де шамалы», деді Лондоннан келген доктор Мэндип Меxра.

Суретте Исмаил Тұрсынов

Халықаралық статистикалық мәліметтерге сәйкес, әлемде 26 миллион адам созылмалы жүрек жеткіліксіздігі сырқатынан зардап шегеді екен. Бұл санатқа жыл сайын 900 мыңға жуық жаңа науқас қосылып отыратын көрінеді. Ал олардың 800 мыңға жуығы жүрек трансплантациясын қажет етеді. Бірақ бес жылда донорын күтпестен қайтыс болатындардың саны 7% -дан 50%-ға дейін жетеді екен. «Механикалық жүректі қолдауды дамыту белсенді түрде дамып келеді. Инновациялық құрылғыны орнату операциясы әлемдік кардиохирургия тәжірибесінде тұңғыш рет жүзеге асып отыр. Бұл Қазақстанның әлеуеті жеткілікті, ғылым мен техникасы дамыған ел екенін көрсетеді. Мен Исмаил Тұрсыновты тұңғыш ғарышкерге теңеймін. Ол ауруханаға түскенде өз бөлмесінен шыға алмайтын, қатты демікпесі бар еді. Үнемі дәрігерлердің бақылауында болды. Қазір жағдайы жақсы, далада серуендейді, спорт залда жаттығады, тіпті, бассейнге де түсе алады», деді «Ұлттық ғылыми кардиохирургия орталығы» АҚ Басқарма төрағасы Юрий Пя.

Бас кардиохирургтің айтуынша, жылына 150-ге жуық науқас осындай операцияны қажет етеді. Инновациялық құрылғы Израильде жасалған. Алдағы уақытта FIVAD-қа еуропалық сертификат алып, Еуропада және Америкада эксперимент жүргізілмек. Содан кейін оны тегін медициналық көмектің санатына қосып, қазақстандықтарға тегін орнатуға мүмкіндік туатын болады.

Баспасөз мәслихатына Исмаил Тұрсыновтың өзі де қатысты. Бүгінде емін-еркін қозғалатын емделушінің төсекке таңылған қиын күндері артта қалды. Журналистерге берген сұхбатында ол өзін жақсы сезінетінін, салмағының 94 келіден 67 келіге түскенін айтты. Соған қарамастан Исмаил дәрігерлердің бақылауында болады.

«Президент Нұрсұлтан Назарбаевтың басты мақсаты – Қазақстан халқының өмір сүру сапасын жақсарту және бәсекеге қабілетті 30 елдің қатарына кіру. Осы мақсатқа жетудің бір жолы – денсаулық сақтау саласына инвестиция салу. 2009 жылы құрылған Ұлттық кардиохирургия орталығы бүгінде әлемдегі ең мықты кардиохирургиялық орталықтардың біріне айналды. Алдағы уақытта да бұл орталық ғылыми-саяси серіктестерімен бірлесіп қазақстандықтардың игілігі үшін сапалы қызмет етеді деп сенемін», деді брифингте Денсаулық сақтау министрі Елжан Біртанов.

Майгүл СҰЛТАН,

«Egemen Qazaqstan»

Фото: ortcom.kz

СОҢҒЫ ЖАҢАЛЫҚТАР

15.02.2019

Бірге барайық: Интеллектуал дос тапқыңыз келе ме?

15.02.2019

Назгүлдің фото нысанасында – бейкүнә сәбилер қасіреті

15.02.2019

Е.Біртанов медицина саласындағы сапасыз қызметтерді атады

15.02.2019

Смартфоныңыз денсаулығыңыздың көмекшісіне айналады

15.02.2019

Мұхтар Тайжан ауылшарушылығы жерлерін жалға беру туралы пікір білдірді

15.02.2019

Өскемен көшелері  жаңғырып жатыр

15.02.2019

Батырхан Шүкеновтің естелік медалін анасына табыстау рәсімі өтті

15.02.2019

Бердібек Сапарбаев халық алдында есеп берді

15.02.2019

Абайдың латын графикасындағы кітаптары көрмеге қойылды

15.02.2019

Тағам өндірушілерінің І халықаралық форумы өтті

15.02.2019

Адамзат тарихында ең қымбатқа бағаланған картина

15.02.2019

Әлемге әйгілі болған қазақ қызы алдағы уақытта Америкаға аттанады  

15.02.2019

Дипломатиялық қатынастар орнату туралы бірлескен коммюникеге қол қойылды

15.02.2019

Сенатор Ә.Құртаев Азия елдері парламентшілерінің кездесуіне қатысты

15.02.2019

Қолжетімді баспанамен қамтуда қозғалыс бар

15.02.2019

Астана әкімі Бақыт Сұлтанов көпбалалы аналармен кездесті

15.02.2019

Семейде өлкетану оқулары өтті

15.02.2019

Испанияда кезектен тыс сайлау болады

15.02.2019

Киногерлер Шәкен Аймановтың ескерткішіне гүл шоқтарын қойды

15.02.2019

Зауыттар көбейсе, жұмыссыздық азаяр еді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу