Күрес • 07 Ақпан, 2019

Грек-рим күресінен соңғы финалистер анықталды

177 реткөрсетілді

Күрес  түрлері бойынша Шымкентте жалауы желбірген Қазақстан чемпионатының бүгін екінші жарыс күні өтті. Грек-рим күресі шеберлері тағы бес салмақ дәрежелері бойынша түрлі-түсті жүлделерді сарапқа салды. 

Жүлделі орындар үшін таласатын балуандар бүгін толықтай анықталды. 63 кило салмақ дәрежесінде чемпиондық атақ үшін тартыс Ернұр Фидахметов пен Жолдыбай Тоқбаев арасында өтеді.

67 кило салмақта көрремендер нағыз «жаны алысып, жан беріскен» айқастың куәсі болды. Жартылай финалда әлем чемпионатының қола жүлдегері Мейіржан Шермахамбет жабық ғимараттағы Азия ойындарының жеңімпазы Данияр Қаленовты әзер ұтты. Есімі көпшілікке беймәлім Нұртай Нұрғалиевпен болған белдесуде дүниежүзілік додада үш рет жүлде алған даңқты Алмат Кебісбаевқа да жеңіс оңайлықпен келген жоқ. Енді финалда Мейіржан мен Алмат күреседі.

82 кило салмақта Мақсат Ережепов пен Мирас Баршылықов айқасса, 87 кило салмақта Хусейн Муцольгов пен Азамат Құстыбаев күш сынасады. Ал аса ауыр салмақ дәрежесінің бас жүлдесін Дамир Күзембаев пен Мансұр Шадуқаев өзара сарапқа салады.

Бас жүлде үшін тартыс ертең өтеді. Одан кейін жанкүйерлер әйелдер күресі мен еркін күрес шеберлерінің өнерін тамашалайтын болады.   

Ғалым СҮЛЕЙМЕН,

«Егемен Қазақстан»

Баннер
Соңғы жаңалықтар

«Дүние»-бақтың жемісі

Руханият • Бүгін, 10:33

Сипаты бөлек «сыпайылық»

Руханият • Бүгін, 10:07

«Құныскерей» – құнды еңбек

Руханият • Бүгін, 09:53

Қазақ тарихының қасіреті

Руханият • Бүгін, 09:44

Ертегілік ес әлемінің өкілі

Руханият • Бүгін, 09:37

Қаламгер мен Қаһарман

Руханият • Бүгін, 09:31

Заманымыздың Білге Қағаны

Руханият • Бүгін, 09:22

Ұқсас жаңалықтар