Еліміз тәуелсіздік алған жылдардан бері Елбасының басшылығымен, қолдауымен елдің, жердің тарихын терең зерттеп білу, ақтандақ кездерде жаңсақ айтылған пікірлер мен ұғымдарға тарихи тұрғыдан оң бағасын беру «Мәдени мұра», «Мәңгілік Ел», «Рухани жаңғыру» бағдарламалары аясында елімізді, жерімізді әлем жұртшылығына танытуда өте ауқымды жұмыстар атқарылды.
Осы бағдарламалардың жалғасы іспетті Елбасының «Ұлы даланың жеті қыры» атты мақаласы тарихшы, әдебиетші, өнер зерттеушісі, өлкетанушы, жалпы елдің рухани дамуынан тыс қалмайтын зиялы қауым, ізденушілер, жастар үшін қазіргі және болашақ ұрпақтың ел, жер, ұлт мәдениетін терең меңгеруіне серпін беретін тарихи маңызды бағдарлама екені сөзсіз.
«Жеті» − қасиетті сан. Енді алдағы дамуымыздың, рухани құндылықтарымыздың түп-тамыры, келешегіміздің темірқазығы осы жеті жоба болатыны айқын.
Семей қаласы Шәкәрім атындағы мемлекеттік университетінің М.Қозыбаев атындағы тарихи зерттеулер ғылыми орталығы өз жұмысында осы бағыттарды басшылыққа алып, ғылымға, елге қызмет етеді.
Нұржан ТҰРЛЫБЕКОВ,
М.Қозыбаев атындағы тарихи зерттеулер ғылыми орталығының жетекшісі
Шығыс Қазақстан облысы
